Festas do Nadal 2011

Os concelleiros María Pardo, Francisco Noya e Reyes Leis compareceron en rolda de prensa para facer balance das actividades do Nadal. En termos xerais, declaráronse moi satisfeitos polo éxito e acollida de público das diferentes actividades. E cara a seguinte edición, anunciaron a vontade de seguir mellorando e incorporando novas actividades, como os programas de conciliación no rural, un máis amplo mercado de Nadal ou un concurso de panxoliñas, entre outros.

Os Reis Magos volveron congregar nas rúas de Compostela a nenos e nenas cargados de ilusión na tradicional Cabalgata. Á espera dunha noite máxica e dos agasallos, os pequenos recibiron case tres toneladas de caramelos sen glute das Súas Maxestades, que tamén escoitaron persoalmente as peticións de todos eles.

A carteira real deste ano, a concelleira María Pardo, anunciou a visita dos Reis Magos, que un ano máis chegarán a Santiago en tren. As Súas Maxestades realizarán a tradicional Cabalgata polas rúas de Compostela, repartirán case tres toneladas de caramelos sen glute e atenderán a todos os nenos e nenas.

Os concelleiros de Centros Socioculturais, Francisco Noya, e de Medio Rural, Luis Bello, visitaron os centros socioculturais que participan no I Concurso de Beléns Compostrela.

Continúan desenvolvéndose as actividades de lecer e conciliación postas en marcha polo Concello para este Nadal en colexios, centros socioculturais, pavillóns e prazas da cidade. Os participantes nun dos programas, Nadalxogo, pasaron pola praza do Obradoiro, onde cantaron panxoliñas e foron visitados polo alcalde compostelán, Xerardo Conde Roa.

O xurado do I Concurso de Beléns e do I Concurso de Ambientación Navideña deu a coñecer os gañadores de ambos certames. As concelleira de Comercio, Reyes Leis, e de Urbanismo, María Pardo, anunciaron os seus nomes nunha rolda de prensa tras a reunión do xurado, do que formou parte o alcalde compostelán, Xerardo Conde Roa.

Dende o 23 de decembro estase a desenvolver unha nova edición de Nadalxogo, que desta vez se celebra en tres centros educativos da cidade. As actividades continúan do 27 ao 30 de decembro e do 2 ao 4 de xaneiro.

O alcalde compostelán, Xerardo Conde Roa, visitou xunto co concelleiro de Centros Socioculturais, Francisco Noya, o Centro Sociocultural do Ensanche, onde se están a desenvolver diferentes actividades no marco do programa Vive o Nadal.

O Salón Nobre do Concello acolleu a entrega de premios do I Concurso de Beléns e do I Concurso de Ambientación Navideña, que tiveron como gañadores, respectivamente a Rogelio Pérez Sandá e a Asociación de Veciños "Brañas de Andrés" (beléns) e ao Hostal dos Reis Católicos (ambientación).

A campaña Compar-T un xoguete, posta en marcha polo Equipo de Dinamización Social do programa Urbana Santiago Norte, permitirá repartir, ao longo da xornada do 4 de xaneiro un total de 720 xoguetes, grazas á colaboración desinteresada de particulares e diferentes entidades.