Festas do Nadal 2011

O concelleiro de Deportes e Xuventude, Adrián Varela, deu o pistoletazo de saída a unha das actividades máis esperadas do Nadal en Compostela: a pista de xeo, que estará na Quintana ata finais de xaneiro.

As concelleiras de Turismo, Reyes Leis, e de Parques e Xardíns, María Castelao, presentaron sendas iniciativas cun obxectivo: humanizar e revitalizar o ensanche a través dunha nova zona verde na costa das Camelias e de actividades na praza Roxa pensadas para esta época de Nadal.

A Concellería de Educación convoca unha nova edición do concurso "Cartel de Nadal" dirixida a todos os escolares de Santiago. O debuxo gañador ilustrará o programa de nadal do Concello. Os traballos poden presentarse ata o 14 de decembro.

O Concello de Santiago ofrecerá este ano un programa de Nadal amplo e diverso, no que se implicaron todas as Concellerías con competencias na materia. Os edís de Cultura, Ángel Currás, e de Turismo, Reyes Leis, deron conta en rolda de prensa das actividades organizadas polos seus departamentos.

Nestes días estase procedendo á instalación dunha pista de xeo natural na praza da Quintana. O recinto estará aberto entre o 1 de decembro e o 31 de xaneiro, segundo anunciou o concelleiro de Deportes, Adrián Varela.

Vive o Nadal é o título do amplo programa que a Concellería de Centros Socioculturais ten preparado para as tardes destas datas especiais. Son máis de 200 actividades, entre as que figura un campamento aberto para facilitar a conciliación laboral e familiar, con 100 prazas dispoñibles. E tamén con este fin, a Concellería de Familia leva ao pavillón do Restollal, tamén pola tarde, outro grupo de actividades.