Fotolingua

Descrición

Campaña-concurso para poñer en valor o uso da lingua galega na paisaxe comercial de Santiago de Compostela cunha dobre vertente:

- Chamar a atención da cidadanía para que valore os establecementos que se comprometen co uso da nosa lingua.

- Facilitar que eses establecementos comproben a vantaxe competitiva que supón a súa escolla e xerar así unha maior utilización en calquera tipo de soporte.

Durante o mes de maio convócase ao público en xeral a que publique nas redes sociais (Facebook e Instagram) imaxes orixinais de espazos comerciais nos que se amose a vitalidade do uso da lingua (escaparates, rotulación, sinalización, etiquetaxe, publicidade, menús, indicadores...), coas etiquetas #fotolingua #establecementoengalego #ogalegovende, a súa localización e algún comentario, se é o caso.

Grazas aos propios participantes e ao perfís da campaña nas redes sociais refórzase a difusión destas imaxes como mostra de onde se pode atopar o galego nos negocios composteláns.

As dúas imaxes máis interesantes reciben cadanseu agasallo final.

Dirixido a

- Público en xeral (coas especificacións recollidas nas bases)
- Establecementos empresariais

Notas para o cidadán

Facebook e Instagram: @fotolinguacompostela

Solicítase en

Documentación



Compartir: