Festas do Nadal 2012

A concelleira de Medio Ambiente, María Castelao, presentou o programa A fábrica de agasallos. Nadal en verde na Alameda. Trátase de 14 obradoiros, a celebrar no Centro de Interpretación de Parques e Xardíns da Alameda (antiga churrería) nos que se busca fomentar o consumo responsable e estimular a expresión creadora dos nenos.

O concelleiro de Deportes, Adrián Varela, presentou o I Campus de Nadal Rítmica Compostela, que se celebrará durante as mañás dos días 26, 27 e 28 de decembro no pavillón do Restollal. Estas xornadas, organizadas polo Club Deportivo Ximnasia Rítmica Compostela, pretenden promover a práctica deste deporte na cidade.

Conta atrás para a estrea do lip dub do Nadal dos centros socioculturais, unha vez rematada a súa rodaxe. Nesta novidosa proposta, incluída no programa Vive o Nadal 2012, participaron activamente aproximadamente 800 veciños e veciñas de Santiago, entre eles o propio concelleiro de Centros Socioculturais, Francisco Noya.

Tal como anunciara o concelleiro de Festas, Francisco Noya, o acendido do alumeado de Nadal adiantouse tres días respecto do día inicialmente previsto, o 21 de decembro. Este ano, a iluminación navideña chega a máis rúas e prazas, e tamén ás parroquias do rural.

A Concellería de Centros Socioculturais informa do comezo das visitas dos paxes reais aos centros e locais socioculturais. Dende o martes 18 ata o 4 de xaneiro, os delegados dos Reis Magos recollerán as cartas dos máis pequenos.

O Concello amplía o prazo de inscrición nos Concursos de Beléns e Ambientación de Nadal ata o venres 21 de decembro, respondendo as solicitudes de diferentes entidades.

Este Nadal 2012, un dos puntos fortes da programación da Concellería de Centros Socioculturais foi a construción do Belén colectivo, feito polos nenos e nenas dos centros socioculturais. O resultado pode xa contemplarse na entrada do Pazo de Raxoi, onde o Nacemento exhibe unha escolma dunhas 50 pezas das máis de 200 realizadas.

O Campus de Fútbol Vero Boquete chega á súa segunda edición tras o éxito da primeira edición de 2011, na que participaran 156 nenos e nenas. O Campus celebrarase os días 26, 27 e 28 de decembro en varias instalacións municipais. O prazo de inscrición estará aberto ata o 19 de decembro.

Segue realizándose a gravación do vídeo musical que servirá como a felicitación da Concellería de Centros Socioculturais neste Nadal. Todos os veciños e veciñas están convidados a participara neste creativo lip dub.

A primeira edición do Mercado da estrela celebrarase no Centro Galego de Arte Contemporánea (CGAC), o sábado 15 e domingo 16 de decembro, en horario de 11:00 a 20:00 horas, aglutinando ocio, compras, cultura, solidariedade e novas tendencias. A feira navideña reunirá a artistas, emprendedores e artesáns novos e
consolidados para dar a coñecer as súas coleccións e que o seu talento se converta en agasallo de Nadal. Ilustración, moda, complementos, decoración, fotografía ou cosméticos, exhibiranse...