DEREITOS E SERVIZOS SOCIAIS
A Andaina Solidaria da Asociación Española Contra o Cancro en Santiago celebra o 28 de setembro a súa III edición
A Asociación Española Contra o Cancro en Santiago, coa colaboración do Concello, celebrará o sábado 28 de setembro a súa III Andaina Solidaria. A marcha volverá partir do paseo central da Alameda, onde ese mesmo día se celebrará a feira divulgativa "Ciencia para todos". A concelleira de Dereitos e Servizos Sociais, María Rozas, e a vicepresidenta da AECC en Compostela, Ana Peinó, presentaron hoxe as actividades nunha rolda de prensa na que fixeron unha chamada a toda a veciñanza a "celebrar un...
CENTROS SOCIOCULTURAIS
O proxecto Barraca XXI da Fundación SGAE trae a Conxo tres obradoiros de cultura urbana
O centro sociocultural Aurelio Aguirre de Conxo e a Casa das Asociacións de Cornes serán o escenario dun ciclo de obradoiros de música urbana, organizado pola Fundación SGAE en colaboración coa Concellaría de Centros Socioculturais. Trátase dunha actividade enmarcada no programa "Barraca XXI", un proxecto co que a entidade celebra o seu 125 aniversario impulsando o desenvolvemento cultural e a acción social e colectivos sensibles e espazos vulnerables. O programa desenvólvese en sete cidades do Estado, e no caso de...
CIDADES PATRIMONIO
O Grupo de Cidades Patrimonio da Humanidade e Tintablanca presentan unha colección de 15 libros que representa unha viaxe tranquila pola historia, a cultura, a beleza, as emocións e a memoria
O Grupo Cidades Patrimonio da Humanidade e a editorial Tintablanca presentaron no Instituto Cervantes de Madrid un dos proxectos editoriais máis importantes da industria editorial española en 2024: trátase de 15 libros que reúnen a grandes figuras do mundo das letras e da ilustración do noso país. O acto contou coa presenza da presidenta do Grupo e alcaldesa de Santiago de Compostela, Goretti Sanmartín, o presidente da Comisión de Cultura e o alcalde de Tarragona, Rubén Viñuales, xunto cos alcaldes e alcaldesas do Grupo....
COMERCIO
A campaña "12 comercios, 12 sensibilidades" pon en valor o produto fresco e de proximidade
A concelleira de Dereitos e Servizos Sociais, Promoción Económica e Xuventude, María Rozas, visitou esta mañá na Praza de Abastos o establecemento "Cousas do Campo", protagonista de setembro na campaña "12 comercios, 12 sensibilidades". Ao longo deste mes, o establecemento de froitas e verduras está dando a coñecer o mercado labrego semanal "Daquí darredor", e poñendo en valor os produtos frescos e de proximidade.
MOBILIDADE E CONVIVENCIA
Os bolardos que regularán o acceso de vehículos á cidade histórica entrarán en funcionamento o 19 de setembro
Dentro dunha semana, o 19 de setembro, entrará en funcionamento o sistema de control de accesos á cidade histórica e activaránse os bolardos intelixentes instalados ao abeiro do programa Smartiago. Anunciouno o concelleiro de Mobilidade, Convivencia e Centros Socioculturais, Xan Duro, que explicou que con este sistema "procuramos controlar a afluencia de tráfico na zona vella e garantir que só acceden a este ámbito tan sensible da cidade aqueles vehículos que contan coa pertinente autorización". O edil lembrou que, antes...
CAPITAL CULTURAL
MARÉ fará de Compostela un grande escenario para a diversidade das músicas atlánticas ao reunir entre o 25 e 29 de setembro unha trintena de bandas e artistas
Albert Pla and The Surprise Band, Ana Lua Caiano, Sumrrá & Niño de Elche, SÉS, Puuluup, Shantel ou Francisco, El hombre forman parte dun cartel con voces procedentes de Galicia, México, Brasil, Palestina, Estonia ou Angola. O programa espallarase por Santiago ao celebrar os seus concertos na praza de Mazarelos, no Teatro Principal, na Casa das Crechas, na Sala Capitol e na Riquela. MARÉ inclúe tamén os encontros profesionais MATE Europa, que abranguen ‘showcases’, palestras e outras accións sectoriais; actuacións para a...
XUVENTUDE
A Concellaría de Xuventude súmase á benvida aos novos estudantes da USC informando dos recursos que teñen ao seu dispor na cidade
A Concellaría de Xuventude quere facilitarlle ao novo estudantado da USC a súa chegada a Santiago, dándolle a coñecer todos os recursos que tén ao seu dispor e outros datos de interese sobre a cidade. Toda a información está recollida nun novo apartado da web municipal, do que se dará conta en folletos que se van repartir nas diferentes actividades das xornadas de benvida que a Universidade celebrará do 16 ao 26 de setembro.
ALCALDÍA
A alcaldesa recibe a Klaus von Klitzing, Premio Nobel de Física 1985
A alcaldesa de Santiago, Goretti Sanmartín, recibiu esta mañá no Pazo de Raxoi a Klaus von Klitzing, Premio Nobel de Física 1985, que visita a cidade no marco do Programa ConCiencia. O científico polaco compartiu uns minutos coa rexedora e asinou no Libro de Honra do Concello tras o saúdo dos membros da Corporación municipal.
EDUCACIÓN
O Concello destina máis de 270.000 euros para a posta a punto de 20 centros educativos do municipio
Con motivo do inicio do curso, a alcaldesa, Goretti Sanmartín, e a concelleira de Educación, Míriam Louzao, visitaron esta mañá o Colexio de Educación Infantil e Primaria de Roxos, acompañadas polos membros das directivas dos centros e das ANPAS. Aos 186.000 euros destinados pola Concellaría de Educación aos labores de mantemento realizados durante o verán, súmanse os 86.000 euros destinados ás actuacións realizadas desde a Concellería de Deportes, polo que o investimento municipal total na posta...
A concelleira Pilar Lueiro explica os avances do I Plan Municipal de Saúde co foco na prevención
A concelleira delegada da UMAD, Pilar Lueiro, presidiu este martes a segunda reunión do Consello Municipal de Saúde, tras a súa constitución o pasado mes de xuño. Nesta ocasión, abordou os avances do I Plan Municipal de Saúde centrado nas actividades físico-deportiva en infancia e maiores, nos trastornos aditivos e na saúde mental, co obxectivo de mellorar a vida da veciñanza co foco na prevención.
