Previsións informativas para o martes 3 de xullo
11.30 h
Na Casa do Concello, ROLDA DE PRENSA do concelleiro de Tráfico e Mobilidade, Álbino Vázquez, para presentar o IV SEMINARIO IBÉRICO de Aparcamentos e Mobilidade Urbana. Na rolda tamén estará o director do seminario e vicepresidente da Asociación Española de Aparcamentos e Garaxes, Ramón Llopart.
12.00 h
Na Casa do Concello, ROLDA DE PRENSA da concelleira do grupo municipal socialista, Marisa del Río, sobre asuntos de carácter local.
12.30 h
No IES Rosalía de Castro, a concelleira de Educación, Rebeca Domínguez, visita os participantes da Escola Municipal de Verán de Inglés.
13.30 h
Na Alcaldía, o alcalde compostelán, Ángel Currás, recibe o secretario de Estado de Medio Ambiente, Federico Ramos. (SÓ GRÁFICOS. Enviarase nota de prensa).
18.00 h
Na Fundación Granell, o alcalde compostelán, Ángel Currás, visita, xunto co presidente da Xunta, Alberto Núñez Feijóo, a devandita Fundación.
20.00 h
Na Cámara de Comercio, o alcalde compostelán, Ángel Currás, asiste, xunto co concelleiro de Mobilidade, Albino Vázquez, á clausura do ciclo conferencias ferroviarias organizado pola Cámara de Comercio de Santiago.
20.30 h
Via Stellae
No CGAC, charla-coloquio co compositor Fernando Buide, baixo o nome 'Nómadas en Roma: compositores contemporáneos na Academia de España', previa ao concerto de 'Compositores na Academia de España en Roma' dentro do Via Stellae.
21.30 h
Via Stellae
No CGAC, 'Compositores na Academia de España en Roma' con Ensemble s21 e Eva Juárez, soprano, dentro do Via Stellae 20/21.
