SUSTENTABILIDADE AMBIENTAL
O Concello acondiciona a contorna do Estadio Vero Boquete logo da retirada de 70 toneladas de materiais acumulados durante décadas
Distintos departamentos municipais, xunto con empresas concesionarias de servizos, procederon á limpeza e acondicionamento da contorna do Estadio Vero Boquete, en San Lázaro, que amoreou 70 toneladas de terra e materiais na zona de aparcadoiro.
CAPITAL CULTURAL
Compostela canta ‘Grândola Vila Morena’
No 50 aniversario da Revolução dos Cravos, o Auditorio de Galicia chama a cidadanía a participar nun canto popular desta composición de Zeca Afonso que se erixiu en himno da liberdade. A primeira interpretación pública de 'Grândola Vila Morena' tivo lugar en Compostela en 1972, nun concerto promovido polo estudantado da USC no comedor do pavillón do Burgo das Nacións
CONSORCIO
Publicada a licitación da concesión para o servizo de xestión, explotación e mantemento do Palacio de Congresos e Exposicións de Galicia
Este martes 26 de marzo publícase na Plataforma de Contratación do Estado e no Diario Oficial da Unión Europea, a licitación para a concesión da xestión do Palacio de Congresos para os próximos 7 anos, non prorrogables.
