Noticias

O Concello de Santiago acaba de publicar a listaxe das persoas admitidas a sorteo para participar no programa de conciliación das Cativadas de verán que se vai desenvolver na Rede de Centros Socioculturais durante as vacacións do mes de xullo. Este ano ofértanse 310 prazas, 150 nos centros urbanos e 160 nos do rural, das que se poden beneficiar todos os nenos e nenas empadroados en Santiago.

A Festa do Comercio local Prima 23, que se celebrou o 4, 5 e 6 de maio, estivo acompañada pola chuvia, o que obrigou a suspender algunhas das actividades prevista. O Concello recupéraas agora para o venres 2 e os sábado 3 e 17 de xuño. Ademais, debido ao gran éxito que tivo, repetirase a ruleta con agasallos que, nesta ocasión, estará na praza do Toural.

A Xunta de Goberno, reunida onte en sesión extraordinaria, aprobou o proxecto de acondicionamento do edificio no que se instalará o "Centro de Interpretación Rupestre de Villestro", que conta cun orzamento de 225.824,51 euros, IVE engadido. A edificación sobre a que se vai actuar ten dous andares, cunha superficie total construída total de 273 metros cadrados.

A Xunta de Goberno Local, reunida onte en sesión extraordinaria, aprobou inicialmente o "Plan parcial de ordenación do SUND-4 (Rebordaos), promovido por iniciativa particular. Este plan parcial ordena unha superficie edificable total de 48.506 metros cadrados, resultado de aplicar o índice 0,30 sobre a superficie neta computable de 161.687 metros cadrados. Desta edificabilidade total, 38.805 metros cadrados, un 80% serían de uso residencial, dacordo coas ordenanzas; e o resto, 9.701 metros cadrados, un 20%, de uso terciario comercial e outros.

A xunta de Goberno Local, reunida en sesión extraordinaria, aprobou a licitación das obras da senda peonil da Silvouta, enmarcadas no "Plan provincial de cooperación ás obras e servizos de competencia municipal (plan único de concellos) POS+ 2022 da Deputación Provincial da Coruña. Esta actuación conta cun orzamento base de licitación de 119.874,48 IVE engadido.

A Xunta de Goberno Local reunida en sesión extraordinaria, aprobou o expediente de contratación do "Servizo de implantación e posta en funcionamento do sistema de sinalética intelixente do patrimonio cultural da cidade de Santiago de Compostela", cun orzamento base de licitación de 597.539,49 euros; e a licitación do "Servizo dunha Oficina Técnica para a xestión e soporte integral dun Concurso Internacional de Iluminación ornamental e artística da contorna monumental da Catedral de Santiago", que conta...

O Pazo de Raxoi acolleu esta mañá un almorzo co gallo do día de Santa Rita, patroa dos funcionarios, durante o que se celebrou un acto de homenaxe e de entrega dun agasallo aos traballadores e traballadoras municipais que levan 30 ou máis anos ao servizo do Concello de Santiago e da cidadanía.

O Paseo da Ferradura, na Alameda de Santiago, acollerá mañá distintas actividades de ocio programadas pola Rede de Centros Socioculturais para conmemorar o "Día Internacional do Dereito ao Xogo". A partir das 17:00 h, nenos e nenas poderán gozar co circuíto de xogos tradicionais, creativos e cheos de diversión, así como co espectáculo "Canta Música" de Pablo Díaz.

Tamén se elaborará un documental para distribuir a través da páxina web e das redes sociais da revista.

Santiago de Compostela é a única cidade galega incluída no ránking das quince urbes con menor taxa de desemprego de España, segundo reflicte a nota de prensa que onte fixo pública o INE (Instituto Nacional de Estatística), tomando como referencia o proxecto "Indicadores Urbanos". Este estudo ofrece información de 39 parámetros, entre eles os indicadores municipais de paro e actividade correspondentes a 2022.