Noticias

Marga Tojo e Samuel L. París incendiarán cun recital o palco da SELIC, nun xoves no que tamén percorreremos a "Compostela gótica" de Suso de Toro.

O alcalde en funcións, Xosé Sánchez Bugallo, e a candidata da lista do BNG, Goretti Sanmartín, mantiveron hoxe unha xuntanza para iniciar o traspaso de poderes. Na reunión participaron concelleiros e concelleiras do actual Goberno en funcións, así como os/as edís electos/as do BNG nos comicios locais do pasado 28 de maio.

Unha vez realizado o sorteo público das prazas do Programa de Conciliación de Verán 2023, publícanse as listaxes da prazas adxudicadas nas seis quendas previstas.

Entre o 1 e o 9 de xullo Atlántica vaise desenvolver en 24 concellos das catro provincias galegas e chegará por primeira vez ata Portugal. Serán un total de 42 espectáculos de 38 narradores procedentes de Cuba, Portugal, Cataluña, Zamora e Galicia. No programa figuran dúas estreas absolutas e cinco estreas en España, alén de varias pezas que se escoitarán por primeira vez en Galicia

Tras superar un longo proceso de selección, Santiago alzouse como a cidade seleccionada para albergar o Campionato de Europa U20 de Loitas Olímpicas 2023, un fito histórico para España nesta disciplina. 800 deportistas procedentes de 34 países participarán nesta competición que se desenvolverá no Pavillón Multiusos Fontes do Sar do 26 de xuño ao 2 de xullo.

Na xornada de mañá tamén terá lugar unha homenaxe polo centenario do berciano Antonio Pereira, con Juan Carlos Mestre e Cuco Pérez.

A Xunta de Goberno tomou coñecemento dos acordos das comisións bilaterais do pasado 11 de maio, relativas á rehabilitación de vivendas en Santiago de Compostela. En concreto, deu conta dos programas de axudas de eficiencia enerxética para vivendas do "Plan de recuperación, transformación e resiliencia 2023-2025" do Ministerio de Transporte, Mobilidade e Axenda Urbana, financiado pola Unión Europea con cargo aos fondos Next Generation EU. Estímase que destas axudas poden beneficiarse 288 vivendas duns 70 edificios, entre...

As xornadas, organizadas pola Coordinadora Galega de ONGD, celébranse o 15 e 16 de xuño co apoio do Concello de Santiago a través do proxecto Compostela+Solidaria. Neste Cumio participan profesionais dos colectivos maldita.es, La Intersección e AlgoRace, así como organizacións galegas e activistas do Sur Global.

A praza do Obradoiro acolleu este mediodía un minuto de silencio pola muller asasinada en Cornellá de Llobregat (Barcelona), vítima de violencia machista.

Preto de 200 establecementos comerciais, hoteleiros e hostaleiros da cidade participan na campaña de difusión e visualización da realidade LGTBI no marco da iniciativa Compostela Diversa, que ofrece un ano máis amplo programa de actividades lúdicas e de reflexión. Varios puntos da cidade contarán con iluminación e decoración especiais desde 12 de xuño ata o 2 de xullo.