Noticias

A Xunta de Goberno acordou hoxe realizar unha transferencia adicional de crédito en favor de Tussa para que a empresa municipal poida alugar este ano unha pequena flota de autobuses para prestar o servizo do transporte urbano. En concreto, aprobouse un expediente de crédito por case 125.000 euros, financiados con cargo ao remanente líquido de tesourería para gastos xerais do Concello do exercicio de 2022.

O Consorcio de Santiago inaugura a exposición 'Lorca en Compostela', que reúne na Casa do Cabido máis de oitenta documentos e pezas, algún deles nunca exhibidos. Será a primeira vez que se mostren conxuntamente ao público elementos que revelan a fondísima relación do poeta andaluz coa capital, a lingua e a cultura galega.

Felisa Segade, Montse Rivera e Patricia Segade foron recibidas esta mañá pola alcaldesa e as concelleiras Pilar Lueiro e María Rozas no Pazo de Raxoi. As integrantes de Leilía prometeron para esta noite un pregón "non ao uso", no que non faltará a música nin o baile e reiteraron o chamamento a todas as asociacións folclóricas compostelás para que se acheguen ao Obradoiro a celebrar o arranque das Festas do Apóstolo. "Para nós é unha honra e un orgullo poder dar o pregón da nosa...

As Festas do Apóstolo 2023 botan a andar mañá, xoves 20, cun pregón a cargo das integrantes do mítico grupo Leilía que terá lugar ás 22.00 h desde o balcón do Pazo de Raxoi. A praza do Obradoiro acollerá a continuación o concerto do recoñecido grupo xamaicano de reggae, The Original Wailers, fundado en 1963 por Bob Marley.

A alcaldesa de Santiago, Goretti Sanmartín, acompañada polo concelleiro de Mobilidade, Xan Duro, e pola portavoz do goberno, Míriam Louzao, coñeceron de primeira man os proxectos da empresa e visitaron a planta de produción en Santiago de Compostela.

O Concello de Santiago vén de recibir a comunicación de Acuaes de que acordou resolver o contrato da nova estación depuradora de augas residuais (EDAR), despois do proceso de diálogo competitivo e de ser adxudicada.

O Concello de Santiago celebrará o vindeiro 25 de xullo, con motivo do día grande das Festas do Apóstolo, o acto ‘Alba de Compostela’ no que se renderá homenaxe ás persoas ou institucións que constrúen cidade todo o ano. Daniel Lorenzo Santos director da Fundación Catedral de Santiago; os equipos femininos do Hóckey Club Raxoi; Mª Rosa Álvarez Prada, decana do Colexio Oficial de Psicoloxía de Galicia e directora técnica do Plan Socio-Comunitario de Vite; e Ánxeles González Porto, propietaria...

A concelleira de Educuación, Míriam Louzao, e o reitor da Universidade de Santiago, Antonio López, visitaron esta mañá as instalacións deportivas e as zonas verdes do Verán CampUSC, iniciativa coa que a USC en colaboración co Concello de Santiago, pretende ofrecer á cativada espazos seguros para promover valores de perspectiva de xénero, disciplina, esforzo, integración e hixiene.

O executivo municipal acordou a adxudicación do contrato para o "Servizo de conservación, mantemento, reposición e nova instalación da sinalización horizontal, sinalización vertical e elementos de balizamento de tráfico nas vías públicas do termo municipal de Santiago de Compostela" por un orzamento de 1.949.153,44 euros. Tamén se deu luz verde á concesión á USC da licenza para realizar o acondicionamento de espazos na Facultade de Química sita no CAMPUS VIDA, que contará cun...

A Xunta de Goberno Local acordou aprobar esta mañá os prazos e procedementos de admisión nos servizos de comedor e de madrugadores na rede de centros públicos de educación infantil e primaria do Concello de Santiago de Compostela, para o curso 2023-2024. Divídese en dúas modalidades: as novas incorporacións, que teñen de prazo do día 18 ata o día 28 de agosto (ambos incluídos) para formalizar a inscrición; e as familias que durante o curso pasado fixeron uso do servizo, que quedan incorporadas...