CAPITAL CULTURAL
A Semana de Cinema Euroárabe AMAL 2023 celebrarase do 23 ao 28 de outubro no Teatro Principal de Santiago con cinco proxeccións baixo o lema "Ninguén está a salvo"
A Fundación Araguaney-Puente de Culturas presentou hoxe a vixésima primeira edición da Semana de Cinema Euroárabe AMAL 2023 no hotel Eurostars Araguaney de Santiago. No acto participaron o presidente da Fundación Araguaney-Puente de Culturas e director da Semana de Cinema Euroárabe AMAL, Ghaleb Jaber Martínez; a concelleira de Capital Cultural do Concello de Santiago, Miriam Louzao; e o director xeral de Cultura da Xunta de Galicia, Anxo M. Lorenzo.
EMPREGO
Mozos e mozas do programa de emprego Appventurers desenvolverán apps de realidade aumentada en espazos emblemáticos de Santiago
Durante os próximos 12 meses, 16 mozos e mozas menores de 30 anos recibirán formación nas especialidades de desenvolvemento de aplicacións con tecnoloxía web e desenvolvemento de produtos audiovisuais multimedia interactivos. Será grazas ao programa de emprego Appventures, que hoxe inaugurou a concelleira de Dereitos e Servizos Sociais, Promoción Económica e Xuventude, María Rozas, nun acto celebrado na Praza de Abastos no que tamén participou o delegado territorial da Xunta na Coruña, Gonzalo Trenor.
PROMOCIÓN ECONÓMICA
A Axenda Urbana de Santiago organiza un novo Encontro Emprendedor coa Gobernanza como eixo central
A Gobernanza é un eixo transversal ao longo da Axenda Urbana 2030, que ten por obxectivo promover a participación social e cidadá sobre as cuestións de interese para a veciñanza.
CAPITAL CULTURAL
O Auditorio de Galicia inaugura unha nova edición do Ciclo de Lied co programa ‘Mozart ao teu carón’
O Ciclo de Lied, organizado polo Concello de Santiago de Compostela coa coordinación artística da asociación Amigos da Ópera de Santiago de Compostela e coa colaboración da Deputación da Coruña, bota a andar unha nova edición este mércores 11 de outubro no Auditorio de Galicia.
XUNTA DE GOBERNO
A Xunta de Goberno aproba a adxudicación da obra para novos miradoiros no Monte Pedroso e axudas ao deporte federado por 300.000 euros
A Xunta de Goberno, na súa sesión ordinaria, acordou adxudicar as obras de acondicionamento de espazos para miradoiros no Monte Pedroso, así como dar luz verde aos proxectos para a execución dunha sala de usos múltiples no Centro Sociocultural da Rocha Forte e para a pavimentación dos lugares de Bar de Arriba, Bar de Abaixo e rúa dos Asidros. Tamén aprobou a resolución das axudas ao deporte federado por 307.999,77 euros. De todos os asuntos deu conta en rolda de prensa a alcaldesa de Santiago, Goretti Sanmartín.
XUNTA DE GOBERNO
Convocadas as subvencións a empresas de economía social cunhas novas bases que priorizan o emprego de mulleres, persoas con discapacidades e colectivos en risco de exclusión
A Concellería de Dereitos e Servizos Sociais pon en marcha unha nova convocatoria das subvencións destinadas a apoiar as empresas de economía social, cunhas bases nas que se introduciron modificacións co obxectivo de incentivar o emprego feminino e de persoas con discapacidade ou en situación de exclusión. Explicouno hoxe a concelleira María Rozas, despois da aprobación da convocatoria na Xunta de Goberno celebrada esta mañá. Ás axudas destinarase un importe total de 160.000 euros.
CENTROS SOCIOCULTURAIS
Volven as Xornadas Micolóxicas ao CSC de Conxo
O Concello de Santiago e a asociación Micolóxico-Naturalista Pan de Raposo colaboran, un outono máis, na celebración das Xornadas Micolóxicas de Conxo. O concelleiro Xan Duro e o experto en micoloxía, José María Costa Lago, presentaron hoxe as actividades, que se desenvolverán os próximos días 13 e 14 de outubro.
CAPITAL CULTURAL
Curtocircuíto pecha a súa vixésima edición coa entrega de premios aos filmes gañadores
A vixésima edición do Festival Internacional de Cinema Curtocircuíto chega ao seu final cun acto de clausura no que participaron a alcaldesa do Concello de Santiago de Compostela, Goretti Sanmartín, a concelleira de Dereitos e Servizos Sociais, Promoción Económica e Xuventude, María Rozas, a concelleira de Capital Cultural, Miriam Louzao, o director de AGADIC, Jacobo Sutil, a xerente de Turismo de Santiago, Flavia Ramil, e o director artístico de Curtocircuíto, Pela del Álamo. Tamén asistiron representantes dos...
SUSTENTABILIDADE AMBIENTAL
O Concello instalará seis novas illas comunitarias de compostaxe antes de final de ano
O Concello de Santiago de Compostela, na súa aposta pola compostaxe, ten previsto instalar seis novas illas comunitarias antes de que remate o ano, polo que se prevé que as obras se inicien neste mes de outubro e estean rematadas no mes de novembro. O seu principal obxectivo é promover a reciclaxe de residuos orgánicos entre a veciñanza que habita en vivendas comunitarias e conta cun espazo público adecuado na súa contorna.
PROMOCIÓN ECONÓMICA
A concelleira María Rozas participou na Asemblea Xeral de REDEL celebrada en Euskadi
A concelleira de Dereitos e Servizos Sociais, Promoción Económica e Xuventude, María Rozas, participou onte xoves en Donostia-San Sebastián na Asemblea Xeral da Rede de Entidades de Desenvolvemento Local, REDEL, da que forma parte o Concello de Santiago. A Asemblea aprobou a incorporación dunha nova entidade á rede, a Deputación da Coruña, contando xa con 33 entidades asociadas. Así mesmo, aprobouse o plan de xestión e o orzamento para o novo exercicio 2024.