MOBILIDADE
As familias do Pío XII e Raíña Fabiola poderán acceder de balde ao aparcamento de Galeras nos horarios de entrada e saída do colexio
As familias dos colexios Raíña Fabiola e Pío XII poderán estacionar de balde durante 15 minutos nos horarios de entrada e saída do centro escolar no aparcamento A Catedral, situado na rúa de Galeras. Así o acordou a Concellería de Mobilidade cos responsables do estacionamento, co obxectivo de paliar os problemas de circulación e aparcamento na contorna dos dous colexios.
TURISMO
Unha peregrina de Singapur recibe o Certificado Dual 5.000 por percorrer o Camiño de Santiago e o Kumano Kodo
Santiago de Compostela, cidade Patrimonio da Humanidade, e a cidade de Tanabe, destino do Kumano Kodo, levan anos traballando nun proxecto turístico de dimensión global.
IGUALDADE
Minuto de silencio pola última vítima mortal de violencia machista
A praza do Obradoiro acolleu este mediodía un minuto de silencio pola muller asasinada o pasado 10 de outubro en Málaga, vítima de violencia machista.
CAPITAL CULTURAL
O Concello de Santiago celebra o centenario do Seminario de Estudos Galegos cun roteiro pola cidade, un caderno conmemorativo e un documental
Ademais de colaborar na organización do roteiro que se celebrou onte entre Santiago e Ortoño, emulando a andaina fundacional que realizaron algúns dos membros do SEG hai 100 anos, o Concello celebra o centenario do Seminario de Estudos Galegos con máis actividades: un novo roteiro, neste caso por diferentes puntos de Compostela significativos na historia da entidade; un caderno conmemorativo da efeméride e unha unidade didáctica para os centros educativos. Tamén elaborou o documental ‘Saber Galiza. O Seminario de Estudos Galegos’.
PLENO
O Pleno aproba de forma definitiva o Plan especial de infraestruturas para a creación da plataforma loxística de mercadorías no Tambre
O Pleno da Corporación deu luz verde á aprobación definitiva do Plan especial de infraestruturas e dotacións (PEID) para a creación dunha plataforma loxística de intercambio de mercadorías no sistema xeral SU-3 (Tambre Norte). Nesta sesión extraordinaria tamén se aprobou a conta xeral do ano 2022.
CONVIVENCIA
A Semana da Prevención de Incendios chega á Alameda para sensibilizar a veciñanza e mostrar como reaccionar en situacións de emerxencia
Mostrar as claves para escapar dun incendio ou para usar mangueiras e extintores, ensinar a realizar unha reanimación cardiopulmonar, ou alertar sobre as principais causas das orixes dos lumes nos fogares. Son algúns dos obxectivos da Semana da Prevención de Incendios, organizada polo Servizo Municipal de Extinción de Incendios, a Fundación MAPFRE e a Asociación Profesional de Técnicos de Bombeiros. As actividades serán o luns e martes próximos, na Alameda.
XUNTA DE GOBERNO
Luz verde ao inicio da contratación do servizo de mantemento das pistas deportivas exteriores e ás bases do II Premio á Excelencia Empresarial
A Xunta de Goberno, reunida en sesión extraordinaria, aprobou o expediente de contratación do servizo de mantemento das pistas deportivas exteriores de acceso libre do Concello, así como ás bases reguladoras e á convocatoria para o ano 2023 da II edición dos Premios á Excelencia Empresarial Axenda Urbana 2030.
ALCALDÍA
A alcaldesa reúnese coa directiva da Área Empresarial do Tambre
A alcaldesa Goretti Sanmartín e a tenente de alcaldesa e concelleira de Promoción Económica, María Rozas, mantiveron unha reunión coa directiva da Asociación Área Empresarial Polígono do Tambre para analizar a situación do edificio do Biopolo Sionlla. Neste encontro estiveron, por parte da Asociación Área Empresarial Polígono do Tambre, José Fernández Alborés, Flor Mariño, Manuel Nieto e José Manuel Beceiro.
SUSTENTABILIDADE AMBIENTAL
O novo parque infantil da praza de León abrirá ao público mañá, xoves 12 de outubro
As cativas e os cativos da Pontepedriña contarán dende mañá cun novo parque para o seu desfrute na recentemente remodelada praza de León. O concelleiro de Sustentabilidade Ambiental, Xesús Domínguez, asistiu esta mañá á sinatura da acta de recepción obra, trámite previo á apertura do novo equipamento.
CAPITAL CULTURAL
‘La isla del Aire’ esgota as localidades para a representación deste venres no Auditorio de Galicia
A montaxe teatral dirixida por Mario Gas con texto de Alejandro Palomas abre a programación de Artes Escénicas de Compostela Cultura no segundo semestre. Núria Espert, Vicky Peña,Teresa Vallicrosa, Claudia Benito e Candela Serrat conforman o elenco da peza
