Noticias

As bibliotecas e espazos de lectura da rede dos centros socioculturais contarán con exemplares do libro "Os Bolechas. Amigas e amigos con diabetes", grazas á doazón de ANEDIA, a Asociación de nenas, nenos e xente nova con diabetes de Galicia. O volume foi presentado hoxe no CSC Maruxa e Coralia polo concelleiro de Centros Socioculturais, Xan Duro, e a presidenta de ANEDIA, María Xosé Rego.

O executivo municipal deu luz verde esta mañá á aprobación do expediente de contratación das "Obras de execución do proxecto de Senda peonil da rúa das Estrelas", cun orzamento base de licitación de 126.172,99 euros, ao abeiro do Programa POS+ 2022 da Deputación Provincial da Coruña. Tamén se aprobou a adxudicación do contrato das obras para a "Rehabilitación de firme, mellora da accesibilidade e seguridade peonil na rúa Camiño dos Vilares. Tramo rúa Camiños da...

O Palacio de Congresos acolle hoxe a feira de talento e emprego de Talentia Summit, que recupera o seu formato presencial "para atender mellor a demanda tanto das empresas como das persoas inscritas". A concelleira de Dereitos e Servizos Sociais, Promoción Económica e Xuventude, María Rozas, visitou hoxe as instalacións, onde se están desenvolvendo diferentes cursos, entrevistas de traballo, e tamén mentorías.

A alcaldesa Goretti Sanmartín, a concelleira de Capital Cultural Míriam Louzao e a coordinadora das Xornadas, Gemma Sesar, tomaron parte acto inaugural dunha nova edición no Auditorio de Galicia. A ilustradora francesa Marion Rivolier foi a encargada de abrir o programa do venres cunha sesión que incluíu a estrea na contorna estatal da curtametraxe documental Frontière(s).

Coñecer as vantaxes da intelixencia artificial e descubrir como vai influir nos traballos do futuro; reflexionar sobre novos modelos económicos e sobre a retención do talento; e reivindicar políticas reais que faciliten a conciliación. Foron os obxectivos do Foro Talentia, que esta mañá xuntou a centos de persoas no auditorio do Centro Galego de Arte Contemporánea. O encontro é a antesala da Feira do Emprego e do Talento, que se desenvolverá ao longo da próxima semana nun modelo híbrido que combina a feira...

Do 9 ao 25 de novembro, o certame leva ás salas de Compostela 115 filmes e numerosas actividades paralelas, con concertos e proxeccións especiais, mesas redondas e obradoiros arredor do cinema. Os premios Cineuropa distinguen en 2023 as traxectorias do actor Luis Zahera, do director portugués João Canijo e da actriz Ana Torrent

O auditorio do Centro Galego de Arte Contemporánea acolle mañá, ás 10.00 horas, o Foro inaugural de Talentia Summit, que este ano leva por lema "Coñeces o traballo do futuro?". O evento contará coa participación de destacados expertos e expertas en innovación tecnolóxica e intelixencia artificial, políticas de conciliación e talento local. A nota musical da xornada poráa o grupo Eladio y los Seres Queridos.

O próximo luns, 13 de novembro, abre o prazo de inscrición para os Matinais de Nadal nos centros socioculturais. O concelleiro, Xan Duro, presentou hoxe o programa, no que se ofertan 210 prazas en diferentes espazos municipais, tanto da zona urbana como do rural. Son 25 prazas máis que o ano pasado, grazas á incorporación do centro sociocultural de Bando.

A praza do Obradoiro acolleu este mediodía un minuto de silencio pola muller asasinada o pasado 4 de novembro en Madrid, vítima de violencia machista.

A concelleira de Dereitos e Servizos Sociais, Promoción Económica e Xuventude visitou esta mañá a sede da Fundación Down Compostela para coñecer mellor o seu traballo e recoller as súas demandas. María Rozas estivo acompañada polo presidente da entidade, Juan Martínez; o secretario, Joaquín Rodríguez; a directora, Blanca Taboada; e por unha das beneficiarias dos programas da Fundación. Pamela foi a encargada de achegarlle á concelleira as peticións que previamente consensuara con todos os...