FESTAS
Carrozas, comparsas e charangas encherán de música e cor as rúas de Compostela nunha nova edición das Festas do Entroido, que terán a De Vacas como pregoeiras
O Entroido chega a Compostela e arrancará oficialmente o día 10 co desfile do Meco e o pregón, que este ano corre a cargo do grupo De Vacas. Seguirán varias xornadas de festa, charangas, música e moita diversión.
XUVENTUDE
Os talleres formativos sobre os Orzamentos Participativos de Xuventude continúan nos IES e chegan á Universidade
A concelleira de Xuventude continúa presentando os Orzamentos Participativos nos institutos de Santiago, en obradoiros formativos nos que están a participar centos de alumnos e alumnas do Ensino Secundario. Os talleres chegaron esta semana ao IES Rosalía de Castro, onde estivo a concelleira María Rozas. Nos próximos días, esta actividade desenvolverase tamén en varias facultades da USC, co obxectivo de animar á participación no proceso, no que se vai decidir o destino de 100.000 euros para actividades do departamento.
ALCALDÍA
A concelleira Pilar Lueiro asistiu á Asemblea Xeral do Eixo Atlántico na que se elixiu como novo presidente da entidade a Luís Nobre, alcalde de Viana do Castelo
A XXXII Asemblea Xeral do Eixo Atlántico aprobou a adhesión do municipio de Fafe. A entidade pasa así a ser constituída por 40 cidades e dúas deputacións. Alfredo García, alcalde do Barco de Valdeorras, asumirá a vicepresidencia. A concelleira de Relacións Veciñais e Rural, Pilar Lueiro, participou na Asamblea en representación do Concello de Santiago.
CIDADES PATRIMONIO
As Cidades Patrimonio renovan o seu compromiso coa accesibilidade no congreso de Tarragona
As 15 Cidades Patrimonio da Humanidade de España renovaron o compromiso coa accesibilidade como un dos piares da xestión do patrimonio, xunto coa educación, a seguridade, o medio ambiente, a conservación e a sinalización dos monumentos e recintos, durante o Congreso sobre 'Accesibilidade nas Cidades Patrimonio', que organizou o GCPHE en Tarragona. As xornadas contaron coa participación do concelleiro de Urbanismo, Iago Lestegás, que salientou que "a accesibilidade é un dos grandes retos do futuro e un dos elementos...
CAPITAL CULTURAL
‘As Alumnas’ leva a escena o retroceso da educación no franquismo e reivindica a figura de María Barbeito
Fina Calleja dirixe esta obra teatral de Culturactiva Produccións, escrita por Paula Carballeira e interpretada por Anabell Gago e Mónica Camaño. O Teatro Principal acollerá na fin de semana dúas funcións da peza: serán o venres 2 e o sábado 3 ás 20.30 horas.
SUSTENTABILIDADE AMBIENTAL
Santiago incrementa a separación de residuos orgánicos co depósito dunha tonelada diaria no colector marrón e a de envases crece un 12% en 2023
O concelleiro de Sustentabilidade Ambiental, Xesús Domínguez, destacou o incremento de recollida selectiva de envases lixeiros en 2023, cunha recollida media diaria de 6.448 kg que supón unha diferenza do 12% con respecto ao ano anterior, e tamén do depósito de materia orgánica ao alcanzar unha tonelada diaria no colector marrón.
CIDADES PATRIMONIO
O concelleiro Iago Lestegás participa no Congreso sobre ‘Accesibilidade nas Cidades Patrimonio da Humanidade’ en Tarragona
Tarragona acolle ao longo das xornadas de hoxe e mañá unha serie de sesións para abordar a accesibilidade nas Cidades Patrimonio. A inauguración do Congreso, que tivo lugar esta mañá, contou coa presenza de Iago Lestegás, concelleiro de Urbanismo, Vivenda e Cidade Histórica representando ao Grupo de Cidades Patrimonio da Humanidade, do que o Concello de Santiago forma parte.
FESTAS
Mañá abre o prazo para inscribirse no desfile-concurso do Entroido
O Concello premiará as mellores carrozas, comparsas, grupos, parellas e disfraces individuais, así como a mellor comparsa procedente das parroquias e barrios de Compostela que participen no desfile de Entroido do vindeiro 13 de febreiro. O prazo de inscrición ao concurso estará aberto desde mañá ata o luns 5 de febreiro.
ALCALDÍA
O Concello estudará a nova proposta da Xunta, que solicita unha achega municipal de 3,5 millóns no aparcadoiro da parcela do CHUS a cambio dun plan de saneamento no rural
Goretti Sanmartín, acompañada dos concelleiros Xan Duro, Iago Lestegás e Pilar Lueiro, mantivo esta mañá un encontro co conselleiro de Sanidade, Julio García Comesaña, e coa conselleira de Infraestruturas, Ethel Vázquez, na que os representantes da Xunta lle transmitiron ao goberno municipal unha nova proposta como resposta á remitida polo Concello a pasada semana.
EDUCACIÓN
Do 31 de xaneiro ao 9 de febreiro estará aberto o prazo de inscrición no programa de conciliación de VacaLudos Semana Santa do Espazo María Miramontes
A partir de mañá e ata o 9 de febreiro (ambos os dous inclusive) estará aberto o prazo de solicitude de praza para participar nas actividades do programa de conciliación VacaLudos de Semana Santa, que se desenvolverá no Espazo Educativo e de Lecer María Miramontes (Ludoteca das Fontiñas) os días 25, 26 27 de marzo e 1 de abril de 2024.
