Noticias

As obras de rehabilitación integral do polideportivo de Santa Isabel, confinanciadas con Fondos NextGeneration, contan cun orzamento global de preto de 3 millóns de euros e permitirán mellorar a eficiencia enerxética, a sustentabilidade, a accesibilidade, a habitabilidade, a seguridade e a conservación do complexo.

Santiago será unha das catro cidades do Estado que acollan o programa de formación de Marketing dixital e Cooperativismo organizado pola Fundación Paideia Galiza e a Escuela de Organización Industrial, grazas á colaboración da Concellaría de Promoción Económica. A actividade, dirixida a mozos e mozas de entre 16 e 29 anos e totalmente de balde, desenvolveráse no Cersia ata o mes de xullo. A concelleira María Rozas presentou hoxe o programa formativo, nunha rolda de prensa na que a Fundación Paideia estivo...

Estas novas decisións xudiciais achegan o equipamento municipal situado no corazón do Ensanche ao final do litixio para clarificar a titularidade do inmoble. Este foi un dos asuntos que destacou a alcaldesa de Santiago, Goretti Sanmartín, nunha rolda de prensa na que tamén anunciou a recepción da proposta de convenio por parte da Xunta ao respecto da mobilidade na contorna do CHUS e se congratulou pola aprobación dos Orzamentos municipais para 2024.

Un Meco inspirado na catástrofe ambiental dos pellets, acompañado polos Conformistas de Conxo, A Ruliña de Laraño e Os Armatroulas de Laraño, dará a benvida ao Entroido este sábado, nun desfile que partirá da praza do Obradoiro ás 20 horas ata quedar instalado no Pazo de Bendaña da praza do Toural, dende onde terá lugar o pregón de inicio das festas a cargo de De Vacas.

O Teatro Principal acolle esta tarde a representación da obra "Aquí nunca pasa nada", inspirada no Caso Carioca que chega a Santiago grazas á colaboración entre a Concellaría de Dereitos e Servizos Sociais e a Rede Galega en Apoio ás Persoas Refuxiadas. A concelleira María Rozas presentou a montaxe, "que trata de crear conciencia a través das artes escénicas, lembrar o que aconteceu coa maior operación contra a trata que se desenvolveu en España, e poñer o foco en realidades que seguen...

A Floristería Lilas vén de ser distinguida co primeiro premio do concurso de escaparatismo de Nadal, convocado desde o Departamento municipal de Comercio. Así o propuxo o xurado, que lles concedeu o segundo e terceiro premio a A tenda da Caldeirería e a Pilgrim Bag, respectivamente. Con esta iniciativa, o Concello trata de promover a creatividade dos comerciantes á hora de presentar os seus escaparates, contribuíndo así ao incremento do consumo no comercio local durante a época de Nadal.

A praza do Obradoiro acolleu este mediodía un minuto de silencio pola muller asasinada en Alacante o pasado 5 de febreiro, vítima de violencia de xénero.

O Pleno municipal aprobou hoxe en sesión extraordinaria o maior orzamento da historia do Concello de Santiago por unha contía total de máis de 142,4 millóns de euros que porá o foco nos servizos públicos da calidade, nas políticas sociais, culturais e de igualdade, na transformación urbana e o acceso á vivienda, na sustentabilidade e o territorio, no esforzo investidor e na mellora da gobernanza e do modelo de cidade. Para a alcaldesa de Santiago, Goretti Sanmartín, son uns orzamentos que buscan "poñer as...

O Pleno do Corporación aprobou inicialmente o Orzamento xeral do Concello e o seu anexo de persoal para o exercicio 2024 en sesión extraordinaria o 7 de febreiro. O 20 de marzo foi aprobado de xeito definitivo.

A concelleira de Festas, Pilar Lueiro, acompañada de Faia e Guillermo, membros do grupo De Vacas que estarán a cargo do pregón deste ano, presentou a figura do Meco deste Entroido que percorrerá o sábado as rúas de Compostela para quedar instalado no balcón do Pazo de Bendaña ata o mércores 14 cando será queimado na praza Roxa. No acto tamén estivo presente o creador do Meco, José Manuel Méndez.