Noticias

Turismo de Santiago está desenvolvendo unha nova ferramenta telemática para que as familias que visitan a cidade poidan coñecer nun único espazo web toda a oferta turística dispoñible para elas. Trátase dun proxecto que afonda na estratexia de captación de turismo familiar, un segmento fundamental para a cidade, especialmente no contexto actual.

O vindeiro 5 de xullo remata o prazo de presentación de solicitudes da convocatoria de subvencións a asociacións veciñais sen ánimo de lucro, para o desenvolvemento de programas e actividades de interese xeral durante o exercicio 2020. O Concello de Santiago destina a estas axudas a contía de 100.000 euros.

O alcalde, Xosé Sánchez Bugallo,e o concelleiro de Turismo, Sindo Guinarte, acompañaron o presidente da Xunta, Alberto Núñez Feijóo, e o conselleiro de Cultura e Turismo, Román Rodríguez, nun percorrido a pé do tramo do Camiño de Santiago entre o Monte do Gozo e a praza do Obradoiro. Alí, a comitiva foi recibida polo arcebispo da Arquidiócese de Santiago, Julián Barrio.

A oficina de información turística do aeroporto de Santiago – Rosalía de Castro abríu hoxe as súas portas logo de que tivese que pechar por mor da declaración do estado de alarma no pasado mes de marzo. Fixouse como data de apertura o 1 de xullo, xa que nestes días o aeroporto está recuperando a maior parte das súas rutas, incluíndo as internacionais, aínda que cunhas frecuencias adaptadas á situación actual.

A proposta municipal de rehabilitación para a rúa da Caramoniña gañadora do Concurso Driehaus xa conta co seu proxecto arquitectónico, elixido entre as propostas de deseño presentadas por máis de 100 estudios de arquitectura nacionais e internacionais. O proxecto gañador recibirá 12.000 euros.

Esta semana, coa chegada do mes de xullo, arrinca a programación de Vive o verán nos centros socioculturais do medio urbano. Ademais das actividades previstas para as mañás nos centros socioculturais das Fontiñas, O Romaño, A Trisca, O Castiñeiriño, Santa Marta, Conxo e O Ensanche, preparouse un calendario de actividades complementarias, algunhas das cales aínda teñen prazas dispoñibles.

O Centro Empresarial do Tambre acolleu hoxe a reunión da Mesa Institucional do chamado "Acordo da Sionlla", á que asistiron o alcalde de Santiago, Xosé Sánchez Bugallo; a conselleira de Medio Ambiente, Territorio e Vivenda, Ángeles Vázquez; o conselleiro de Economía, Emprego e Industria, Francisco Conde; o vicerreitor de Investigación e Innovación da Universidade de Santiago (USC), Vicente Pérez Muñuzuri; o vicepresidente da Cámara de Comercio de Santiago, José Carballo García; e o...

Mañá mércores, 1 de xullo, entrarán en vigor os horarios de verán do servizo de transporte público. Será ese día cando se retome a normalidade no funcionamento deste servizo, despois de varios meses de limitacións motivadas polo drástico descenso da demanda de usuarios/as e das obrigas hixiénicas e sanitarias a raíz da Covid-19.

A concelleira de Acción Cultural, Mercedes Rosón, presentou hoxe –xunto a Ana Vallés e Baltasar Patiño– a función de Daimon y la jodida lógica a obra de Matarile Teatro coa que se levanta o pano no Auditorio de Galicia e no Teatro Principal. Será o venres 3 de xullo ás 20:30 h, no Auditorio de Galicia. Ábrese así a programación de Volvemos á escena! – Xullo 2020, que recupera sete dos espectáculos adiados pola alerta sanitaria.

O alcalde de Santiago, Xosé Sánchez Bugallo, recibiu o novo comandante do Aeródromo Militar de Santiago e Comandancia Militar Aérea do Aeroporto de Santiago, Pedro M. Díaz González. Foi unha reunión protocolaria e de presentación, na que ambos manifestaron a vontade de colaboración.