EDUCACIÓN
Aberto o prazo de reserva de obradoiros nas escolas infantís municipais
Desde o luns 3 ata o 7 de agosto estará aberto o prazo de reserva dos obradoiros para o curso 2020-2021 nas escolas infantís municipais de Conxo, As Fontiñas e Meixonfrío-Salgueiriños. As solicitudes de novo ingreso poderán presentarse do 10 ao 14 de agosto.
PROMOCIÓN ECONÓMICA
Publicadas as listaxes provisionais de beneficiarios/as das axudas para a mellora e innovación da restauración e da hospedaxe de Compostela
O Departamento de Promoción Eocnómica vén de publicar as listaxes provisionais de persoas beneficiarias da Convocatoria de axudas para a mellora e innovación da restauración e da hospedaxe compostelás, no marco do Plan de Reactivación do Sector Turístico.
ALCALDÍA
Bonos de estacionamento gratuíto para reactivar o comercio compostelán
Este xoves, o salón verde do consistorio acolleu a sinatura dos convenios de colaboración entre o Concello e as catro principais asociacións de comerciantes da cidade para o desenvolvemento dun programa de reactivación das compras mediante a entrega de bonos de estacionamento. Esta medida enmárcase no Plan Municipal de Reactivación Económica, posto en marcha para paliar os efectos económicos adversos derivados da crise sanitaria da Covid-19.
PATRIMONIO
A retransmisión en directo dos eventos da Noite do Patrimonio ampliará a proxección internacional das Cidades Patrimonio
A Noite do Patrimonio volverá celebrarse o sábado 12 de setembro de forma simultánea nas 15 Cidades Patrimonio da Humanidade de España e todos os eventos e espectáculos do Festival Escena Patrimonio retransmitiranse en directo a través da nova páxina web do Grupo, así como dende a páxina web da Unesco. Así se anunciou na xuntanza telemática dos representantes de Cultura do Grupo, na que participou a concelleira de Acción Cultural, Mercedes Rosón.
PLENO
Os grupos municipais instan ao Goberno do Estado e á Xunta de Galicia a incrementar os fondos das Lei de Dependencia
Os catro grupos municipais aprobaron unha moción conxunta, xurdida dunha iniciativa de CA, instando á Xunta de Galicia e ao Goberno do Estado a incrementar os fondos destinados á Lei de Dependencia.
PLENO
Aprobado pola Corporación o estudo de detalle para a mellora da accesibilidade ao grupo de vivendas de San Ignacio de Loyola
O Pleno da Corporación aprobou definitivamente e por unanimidade o estudo detalle para a dotación da accesibilidade ao grupo de vivendas de San Ignacio de Loyola, mediante a instalación de ascensores e a mellora da envolvente dos mesmos. Ademais, grazas a unha ordenanza, a veciñanza poderá acceder a unha convocatoria de axudas para a rehabilitación das súas vivendas.
FESTAS, MOBILIDADE E SEGURIDADE CIDADÁ
O Concello prega evitar aglomeracións nos fogos fin de festa, visibles dende diversos puntos da cidade
Os fogos fin de festa deste venres, de 5 minutos de duración, serán visibles dende todos os puntos altos da cidade (miradoiro das Cancelas, Almáciga, Monte de Deus, Pedroso, etc), polo que o Concello prega á cidadanía que evite as aglomeracións e que respecte as normas de seguridade relativas á separación interpersoal e uso de máscaras. A contorna do campus sufrirá restricións polo que se recomenda elixir outras áreas da cidade para desfrutar do espectáculo.
CONSORCIO
A Real Filharmonía ofrece un concerto na Quintana baixo o título "Feliz aniversario, Beethoven!"
A Real Filharmonía de Galicia participa un ano máis nas celebracións das festas do Apóstolo. O concerto terá lugar mañá xoves na praza da Quintana, ás 20:30 horas. Pola mañá, ás 12:00 horas, o público poderá asistir ao ensaio xeral. Tanto para o concerto como para o ensaio é preciso acceder con convite -xa están todos esgotados-, posto que o aforo redúcese a 400 persoas para poder manter as distancias de seguridade. Os/as asistentes deberán acudir con máscara. Os/as...
POLÍTICAS LINGÜÍSTICAS
O Territorio Xogantín ponse en marcha o luns 3 de agosto
Un ano máis, a Concellaría de Políticas Lingüísticas propón tomar as rúas, as prazas e os parques para enredar libremente no Territorio Xogantín que ofrece Santiago de Compostela. O vindeiro 3 de agosto volverase xuntar un grupiño de nenas e nenos de 6 a 10 anos coas monitoras de Xandobela dende as 11:30 ás 13.:30 h, de luns a venres, na praza do 8 de Marzo, para facer súa a rúa.
ALCALDÍA
O Concello aliña as políticas públicas municipais cos obxectivos de desenvolvemento sostible da Axenda 2030
O Concello de Santiago lanzou este martes a nova páxina web compostela2030.gal, coa finalidade de enmarcar todas as políticas públicas municipais aliñadas coa Axenda 2030 da ONU para o desenvolvemento sostible nun portal común e accesible para toda a cidadanía. A web inclúe un vídeo explicativo que introduce ao visitante en como se está a desenvolver a Axenda 2030 na cidade.