Noticias

Turismo de Santiago, a través do Santiago de Compostela Convention Bureau, organiza o curso Adaptación ao Contexto Actual e Recuperación do Turismo MICE, dirixido ao sector dos Congresos, Reunións, Eventos e Incentivos da cidade. O curso terá lugar mañá ás 11.30 no Palacio de Congresos, cun formato híbrido con asistencia de público fisicamente, respetando en todo momento as medidas de control sanitario, e coa posibilidade de asistir On-line.

O concelleiro de Mocidade, Rubén Prol, presentou o programa Noites Alternas, unha iniciativa de lecer nocturno alternativo destinada á mocidade que ten como obxectivos establecer relacións persoais saudables e construtivas, apoiar a prevención de hábitos de consumo de alcol e drogas e xerar dinámicas críticas, participativas e creativas que poidan reverte en beneficios da xuventude e da sociedade en xeral.

A concellaría de Seguridade Cidadá acaba de emitir un decreto, que entrará en vigor ás 24:00 h. da madrugada, que contempla, segundo explicou o alcalde, Xosé Sánchez Bugallo, "un endurecemento de determinado tipo de sancións que poden afectar negativamente á convivencia, especialmente a través dos ruidos". Ata o de agora as multas eran de 200 euros. A partir de mañá, 16 de outubro, incrementaranse segundo as franxas horarias nas que se cometa a infracción: entre as 22:00 e as 24:00 h. seguirá...

Santiago de Compostela sumouse hoxe ao Día internacional das Mulleres Rurais, coa lectura dun manifesto na Praza do Obradoiro, consensuado por todos os grupos da Corporación Municipal, no que, entre outros puntos, se amosa o compromiso do concello en continuar traballando para a promoción de actuacións programas e estratexias dirixidas a garantir oportunidades laborais das mulleres do rural, e facilitar medidas de conciliacion e corresponsabilidade que permitan o seu pleno desenvolvemento persoal, familiar e laboral. Na lectura do manifesto interviron o alcalde...

O concelleiro de Mobilidade, Gonzalo Muiños, deu conta, na Xunta de Goberno Local extraordinaria celebrada este mediodía, do convenio entre o concello de Santiago, a Xunta de Galicia e a Deputación provincial da Coruña para colaborar nos gastos da adquisición dun vehículo todo camiño, un todo terreo e un furgón.

A concelleira de Políticas Sociais, Mila Castro presentou o programa de Mellora Empresarial da Economía Social, que desenvolverá o concello e Espazocoop Unión de Cooperativas Galegas ata final de ano, co obxectivo de dotar ás cooperativas do municipio de servizos de apoio para superar a situación de crise económica creada pola pandemia da COVID19. Na presentación estivo acompañada da responsable de relacións institucionais da entidade, Mar Pernas

O alcalde de Santiago, Xosé Sánchez Bugallo, acompañado da concelleira de Políticas Sociais, Mila Castro, asinou os convenios de colaboración correspondentes a 2020 coas entidades sociais Coordinadora Galega de ONGs para o Desenvolvemento, que percibirá 15.000 euros en axudas; e coa asociación Médicos do Mundo, que recibirá unha subvención de 10.000 euros.

O Auditorio de Galicia acollerá o venres, día 16, ás oito da tarde, o concerto do trompetista e profesor no Chicago College of Perfoming Arts de Roosevelt Universit, Esteban Batallán, que actuará acompañado da Banda Municipal de Música de Santiago de Compostela. Presentouno hoxe, en rolda de prensa a concelleira de Acción Cultural en funcións, Marta Abal, quen lle agradeceu "a oportunidade que nos brinda de escoitalo".

O concelleiro de Turismo, Sindo Guinarte, participou hoxe, vía telemática, na Comisión de Turismo do Grupo de Cidades Patrimonio da Humanidade de España. No encontro presentaronse os resultados do terceiro observatorio turístico do GCPHE, no que se constata, sinalou Guinarte que Compostela "segue a ser un dos destinos máis demandados".

O alcalde de Santiago, Xosé Sánchez Bugallo, sinala que Compostela, a pesar de pasar a nivel vermello, non se atopa no "escenario" de que se decrete o seu confinamento perimetral. Está "moi lonxe", argumenta, dos criterios determinados polo Ministerio de Sanidade e refrendado polas Comunidades Autónomas, tanto en casos, 500 por cen mil habitantes; como en ocupación da UCI, dun 35%, e porcentaxe de positivos nas probas PCR realizadas. Engade que os datos non avalarían ese tipo de medidas, aínda que, afirma, o goberno...