URBANISMO
Impulso á rehabilitación na ARI de Pontepedriña
O alcalde de Santiago, Xosé Sánchez Bugallo, e a conselleira de Medio Ambiente, Territorio e Vivenda, Ángeles Vázquez Mejuto, visitaron esta mañá a Área de Rehabilitación Integral de Pontepedriña, onde xa está en marcha a obra de colocación do primeiro ascensor exterior para dotar de maior accesibilidade ás vivendas do barrio.
TURISMO
Santiago promociónase nos mercados francés, italiano e británico como destino de incentivos
Turismo de Santiago, a través do seu Santiago de Compostela Convention Bureau (SCCB), participa neste mes de novembro nunha acción denominada "SpainBox", que se dirixe aos mercados francés, italiano e británico, tres mercados estratéxicos para a cidade.
IGUALDADE
Compostela en Negro volve denunciar as violencias machistas neste 25N con catro accións de concienciación, entre elas o reparto de 4.500 máscaras nas farmacias da cidade
A concelleira de Políticas de Igualdade, Mercedes Rosón, presentou as accións programadas de cara ao 25 de novembro, "Día Internacional da Eliminación da Violencia contra a Muller" no marco da campaña Compostela en Negro, para as que pide, un ano máis, a colaboración da cidadanía. Actividades que se desenvolverán, sinalou, "nun ano triste, gris, marcado polas consecuencias sanitarias e socioeconómicas dunha terrible pandemia que afecta a todo o planeta". Un contexto, no que, engadiu, as mulleres...
EDUCACIÓN
O Concello e a USC renovan o convenio para a realización de actividades do programa universitario de maiores IV ciclo
O alcalde de Santiago, Xosé Sánchez Bugallo, e o reitor da USC, Antonio López Díaz, asinaron esta mañá no Pazo de Raxoi o convenio de colaboración entre ambas entidades para a sostemento do programa universitario de maiores IV ciclo.
ACCIÓN CULTURAL
O Pazo de Raxoi acolle a gravación do vídeo de presentación do libro de Suso de Toro, "Un señor elegante", que conta a historia da familia Baltar
O alcalde de Santiago, Xosé Sánchez Bugallo, e a concelleira de Acción Cultural, Mercedes Rosón, participaron na gravación dun vídeo, que serviu como acto de presentación no concello do libro "Un señor elegante", do escritor Suso de Toro. A obra ten como protagonista á familia Baltar, unha saga oriúnda de Padrón e veciña da cidade de Santiago.
XUNTA DE GOBERNO
A Xunta de Goberno local aproba o expediente de crédito para a utilización do remanente e dúas adxudicacións de Smartiago
A Xunta de Goberno Local, reunida hoxe en sesión extraordinaria, acordou a aprobación inicial do expediente de crédito extraordinario para atender ao pagamento de sentenzas, para a realización dunha serie de investimentos no ámbito urbano e rural, e para a concesión de axudas no ámbito da cultura, do comercio e a hostalería local por un importe total de 9.501.325,45 euros, financiado na súa totalidade con remanente líquido de tesourería para gastos xerais do concello do exercicio 2019. Esta cantidade, pódese...
EMPREGO
Talentia Summit ‘20 ofrece 18.000 prazas en centos de actividades na maior feira virtual de emprego
Do luns 23 ao venres 27 de novembro de 2020 celébrase a nova edición de Talentia Summit, 100% virtual e con ofertas de emprego activas, cursos de formación, certificacións oficiais e un foro de conferencias estratéxicas. O período de inscrición abrirase este sábado 14 de novembro ás 18.00 h. O alcalde de Santiago, Xosé Sánchez Bugallo, acompañado polo técnico municipal de Emprego, Xavier Ferreiro, presentou esta mañá en rolda o contido do foro.
ACCIÓN CULTURAL
O Concello repartirá dez mil exemplares da publicación "Compostela nos tempos de Nós" entre a cidadanía de Santiago
A concelleira de Cultura, Mercedes Rosón, acompañada da investigadora e historiadora Mercedes Vázquez Bertomeu presentou o caderno "Compostela nos tempos de Nós", editado polo Concello de Santiago. A publicación describe aquela cidade de hai cen anos, que entraba na modernidade da man da xeración Nós. Rosón describiuno como "un traballo de investigación rigoroso, cun formato divulgativo, no que destaca o deseño e o contido".
TURISMO
O sector turístico de Santiago incrementa a súa aposta polo SICTED pese á Covid-19
O concelleiro de Turismo, Sindo Guinarte, participou na Mesa da Calidade que se celebrou telematicamente e na que dende Turismo de Santiago se presentaron os resultados do proceso de implantación do Sistema Integral da Calidade Turística Española en Destinos (SICTED) correspondente ao ano 2020.
ALCALDÍA
O Pleno debaterá o martes 17 de novembro o destino do remanente de tesourería do Concello
O alcalde de Santiago, Xosé Sánchez Bugallo, avanzou en rolda de prensa a proposta do goberno municipal, que prevé destinar 3,5 millóns de euros a axudas directas para os sectores máis afectados pola pandemia (hostalería, comercio e cultura) e 4,5 millóns de euros á realización de diversas obras.
