POLÍTICAS SOCIAIS
Preséntase o programa "O barrio accesible: comercio TEAtende", que ten como obxectivo mellorar a accesibilidade cognitiva e reforzar o comercio de proximidade
A concelleira de Políticas Sociais e Saúde, Mila Castro; a coordinadora de programas da Federación Autismo Galicia, Cristina Couto; e a responsable da Área de accesibilidade cognitiva da entidade, Adriana García, presentaron o proxecto "O barrio accesible: comercio TEAtende"; que ten como obxectivo facilitar o acceso ao comercio de proximidade das persoas con Transtorno do Espectro do Autismo (TEA) e con diversidade funcional.
FESTAS
Este venres arranca o Nadal en Compostela con actividades para todos os públicos
O máis atípido dos nadais arranca este venres 4 de decembro cun programa cargado de actividades para todos os públicos. Presentárono o alcalde de Santiago, Xosé Sánchez Bugallo, e o concelleiro de Festas, Gonzalo Muíños, en rolda de prensa.
DEPORTES
A Ciclocross Cidade de Santiago reunirá o 8 de decembro no estadio Verónica Boquete a máis de 300 participantes
A concelleira de Deportes, Esther Pedrosa; e Luis Neira Fontao, presidente do Club Ciclista Compostelano, presentaron a XIX Ciclocross Cidade de Santiago, que se celebrará no estadio Vero Boquete (antigo estadio de San Lázaro), o vindeiro martes, 8 de decembro, a partir das dez da mañá. Unha proba clásica, destacou Esther Pedrosa, que "ten moita tradición na cidade", na que participarán unhas 300 persoas, "aínda que non pode haber público" en cumprimento das medidas anticovid.
DEPORTES
O pavillón do Restollal acollerá o 5 de decembro o Campionato Galego Infantil de Karate, no que participan 137 karatekas de entre 5 e 13 anos
A concelleira de Deportes, Esther Pedrosa; e o presidente da Federación Galega de Kárate e D.A. (Disciplinas Asociadas), Óscar Lafuente López, presentaron o Campionato Galego Infantil de Kárate, que se vai celebrar o día 5 de decembro, sen presenza de público, no pavillón municipal do Restollal. A concelleira destacou o número de participantes inscritos, 137, procedentes de 20 clubs que competirán, a nivel individual, nas modalidades de kata e kumite.
TURISMO
O Concello e a Asociación Hostelería Compostela pechan as bases para que o sector poida solicitar as axudas para o financiamento do gasto corrente
O alcalde de Santiago, Xosé Sánchez Bugallo, e o concelleiro de Turismo, Sindo Guinarte, mantiveron unha xuntanza na mañá de hoxe coa Asociación Hostelería Compostela co obxectivo de preparar a convocatoria da primeira axuda de 1.600.000 euros destinada a financiar o gasto corrente dos negocios de hostalería e restauración que se acollan a ela.
ALCALDÍA
O alcalde fai un chamamento ao uso prudente das posibilidades que se abren trala flexibilización das medidas restritivas en Santiago
O rexedor compostelán, Xosé Sánchez Bugallo, queixo reiterar o chamado á responsabilidade de toda a cidadanía unha vez entren en vigor as novas medidas anunciadas para Santiago pola Xunta de Galicia, que virían flexiblizar as vixentes ata o de agora e que determinaban o peche perimetral do municipio e o funcionamento dos negocios de hostalería só para consumir fóra do establecemento, entre outras.
SEGURIDADE CIDADÁ
Recepción aos novos mandos da Policía local
O alcalde de Santiago, Xosé Sánchez Bugallo, e o concelleiro de Mobilidade e Seguridade Cidadá, Gonzalo Muíños, recibiron hoxe no Pazo de Raxoi os novos mandos da Policía local, acompañados polo xefe do corpo, José Ramón Silva.
ALCALDÍA
Santiago falará de mobilidade sostible na nova edición do Foro das Cidades – Diálogos Medellín
O alcalde de Santiago, Xosé A. Sánchez Bugallo, participa esta tarde na segunda edición do Foro das Cidades-Diálogos Medellín, un encontro entre os axentes involucrados na xestión das cidades e expertos urbanos no marco dun debate construtivo para acadar cidades inclusivas, seguras, verdes, resilientes e sostibles.
COMERCIO
Os comerciantes terán ata o día 15 de decembro para solicitar as axudas destinadas a financiar o gasto corrente
O alcalde de Santiago, Xosé Sánchez Bugallo, mantivo esta mañá unha xuntanza coas asociacións de comerciantes Compostela Monumental, Fundación Santiago Centro, Em-Rede e Comercio Punto Compostela co obxectivo de "preparar a convocatoria da primeira axuda de 600.000 euros" destinada a financiar o gasto corrente dos negocios que se acollan a ela.
ALCALDÍA
Os rexedores de Santiago e Ames retoman o proxecto de senda peonil e ciclable entre ambos concellos
Xosé Sánchez Bugallo e José Minoñes mantiveron esta mañá un encontro no que abordaron as cuestións que afectan a ambos municipios; entre elas, o proxecto de senda entre Santiago e o Milladoiro, a EDAR ou a situación da pandemia.