IGUALDADE
A cantante Xoana anima a celebración das xornadas do 8-M Artellando Feminismo 2021 cun concerto este venres
A cantante Xoana animará a celebración dos actos do 8-M, Día Internacional da Muller, en Santiago de Compostela. O seu concerto o venres 12 de marzo, ás 20.00h, no Teatro Principal, porá o peche dourado á primeira semana de actos das xornadas Artellando Feminismo 2021, organizadas pola Concellería de Igualdade do Concello de Santiago de Compostela ao longo do mes de marzo.
IGUALDADE
O parladoiro ‘Pensar o feminismo’ será un dos pratos fortes das xornadas Artellando Feminismo
Dentro do marco da celebración do 8-M, Día Internacional da Muller, o xoves 11 de marzo, ás 18.30h, celebrarase unha mesa redonda en liña con personalidades de referencia a nivel estatal que reflexiona sobre o papel do feminismo en época da covid-19 e reivindica a representación feminina en todos os ámbitos da sociedade política, económica, científica e cultural. A charla, incluída no programa Artellando feminismo organizado pola Concellería de Igualdade do Concello de Santiago, contará coa...
CONVENIOS
A Deputación da Coruña achega 200.000 para o financiamento de actividades no Centro Sociocultural do Ensanche e nos do rural
O alcalde de Santiago, Xosé Sánchez Bugallo, e o presidente da Deputación da Coruña, Valentín González Formoso, asinaron os convenios de colaboración en virtude dos cales a institución provincial achega 120.000 euros para cofinanciar o sostemento do Centro Sociocultural e Xuvenil do Ensanche e 80.000 para o programa de actividades dos centros socioculturais do ámbito rural durante o ano 2020.
DEPORTES
O pavillón municipal de Santa Isabel acollerá este vindeiro sábado 13 de marzo a Copa de Galicia de Loitas Olímpicas e os campionatos galegos de Grappling
A Federación Galega de Loita en colaboración co Club de Loita Stellae e o Concello de Santiago de Compostela organizarán este sábado a I Copa de Galicia de Loita Libre Olímpica, Loita Feminina e Grecorromana, que se desenvolverá en xornada de mañá, e o Campionato Galego de Grappling masculino e feminino, en xornada de tarde. En total, ambos eventos contarán con arredor de 180 participantes.
POLÍTICAS SOCIAIS
Pulo ao Consello municipal de persoas maiores coa aprobación do seu regulamento en Xunta de Goberno local
A concelleira de Políticas Sociais, Mila Castro, deu conta en rolda de prensa da aprobación na Xunta de Goberno local de onte do regulamento do Consello municipal de persoas maiores de Santiago de Compostela, que regulará o funcionamento interno e a composición desta canle de comunicación entre o colectivo e a administración local para "unha mellor atención das súas inquedanzas".
IGUALDADE
Preséntase a cuarta edición de "Reencontros nas parroquias", con roteiros, obradoiros de risa e de autocoidados, pezas audiovisuais e un encontro de mulleres no rural
A concellaría de Políticas de Igualdade pon en marcha o programa "Reecontros nas parroquias", enmarcado na segunda edición de Artellando Feminismo. Contemplan obradoiros de autocoidado, de risa, roteiros, creación de pezas audiovisuais e outros materiais de divulgación das actividades programadas, para rematar cun encontro de mulleres do rural. Todas estas actuacións desenvolveranse entre os meses de marzo e xuño nos centros socioculturais do rural: Lavacolla, Figueiras, Laraño, Marantes, Busto e Aríns.
CONSORCIO
O Consorcio aproba un incremento presupostario para a instalación dunha cuberta telescópica na piscina do Multiusos do Sar
Fun o principal asunto abordado na Comisión Executiva do Consorcio, que presidiu o alcalde de Santiago, Xosé Sánchez Bugallo.
XUNTA DE GOBERNO
A Xunta de Goberno Local aproba o proxecto de selado e clausura do vertedoiro de Aríns
A Xunta de Goberno Local aprobou hoxe o "Proxecto de adecuación, selado e clausura do vertedoiro de Aríns", que conta un orzamento total, IVE incluído, de 1.174.591,42 euros, "un investimento grande pero imprescindible", segundo sinalou o alcalde, Xosé Sánchez Bugallo; e un prazo de execución previsto de 9 semanas.
IGUALDADE
O Concello de Santiago celebra o Día Internacional da Muller
Nun ano atípico marcado pola covid 19, o Concello de Santiago non deixou de celebrar o Día Internacional da Muller cun acto institucional no que o alcalde e representantes dos grupos municipais que integran a Corporación deron lectura a un texto de escolla propia, e coa entrega do premio Xohana Torres.
SEGURIDADE CIDADÁ
Os Bombeiros de Santiago conmemoran o seu patrón
Os Bombeiros de Santiago honraron un ano máis o seu patrón, San Xoán de Deus, aínda que este ano de forma diferente, xa que a habitual recepción no parque non puido celebrarse por mor das medidas restritivas ditadas para a contención da covid.