ALCALDÍA
O alcalde de Santiago aborda co novo rexedor de Ames os asuntos de interese para ambos municipios
Xosé Sánchez Bugallo e Blas García mantiveron un encontro esta mañá no Pazo de Raxoi para abordar os asuntos que afectan á veciñanza de ambos municipios como a liña de transporte a Ortoño, os convenios relativos aos servizos de auga e saneamento ou o parque comarcal de bombeiros.
URBANISMO
A Comisión asesora do patrimonio histórico dá o visto bo ás obras de renovación dos pavimentos de beirarrúas da avenida de Salamanca
A Comisión asesora do patrimonio histórico, presidida pola concelleira de Urbanismo, Mercedes Rosón, deu o visto bo, entre outros asuntos, ás obras de renovación dos pavimentos de beirarrúas da avenida de Salamanca. A actuación, que conta cun orzamento de execución material de 73.068,43 euros e un prazo de execución estimado dun mes, está integrada dentro dun proxecto máis amplo contemplado para a zona.
XUNTA DE GOBERNO
A Xunta de Goberno Local aproba a apertura do procedemento de adxudicación da rehabilitación do palacete da Finca do Espiño
A Xunta de Goberno Local aprobou hoxe, entre outros asuntos, a apertura do procedemento de adxudicación, mediante procedemento aberto simplicado, do expediente denominado "Execución das obras de rehabilitación do palacete da Finca do Espiño para equipamento municipal cultural e administrativo", incluido na Estratexia de Desenvolvemento Urbano Sostible e Integrado (EDUSI). O tipo de licitación establécese en 1.463.686 euros, e contaría cun período de execución de 12 meses.
CIDADES PATRMONIO
As Cidades Patrimonio prevén a recuperación turística para o segundo semestre e preséntanse en Sevilla como destinos preferentes
A cidade de Sevilla acolleu hoxe a presentación da oferta promocional a nivel nacional do Grupo de Cidades Patrimonio da Humanidade de España (GCPHE) e de Paradores de Turismo, coa firme idea de marcar un punto de inflexión de cara á recuperación turística e á apertura da mobilidade entre comunidades o próximo mes de maio, escenario no que se traballa intensamente desde o Grupo. O evento contou coa presenza do presidente do Grupo e alcalde de Mérida, Antonio Rodríguez Osuna; o presidente de Paradores, Óscar...
ALCALDÍA
A Xunta de Goberno do luns 19 aprobará a proposta de distribución dos preto de 2,5 millóns de euros de remanente pendentes de asignar
O alcalde de Santiago, Xosé Sánchez Bugallo, anunciou na rolda de prensa deste venres que a proposta do goberno sobre o reparto dos 2.458.929,07 euros do remanente do ano pasado pendentes de asignar será aprobada na sesión ordinaria da Xunta de Goberno local do vindeiro luns, 19 de abril, co obxecto de que poida ser ditaminada pola Comisión de Facenda o xoves 22 e incluída na orde do día do pleno do día 29. Segundo sinalou o rexedor, se o pleno dá o visto bo á proposta, a convocatoria de axudas directas para os sectores...
XUNTA DE GOBERNO
Luz verde a dúas modificacións de crédito que se destinará a tres proxectos EDUSI e ao contrato do novo sistema de seguridade e comunicación do parque de bombeiros
A Xunta de Goberno Local, reunida en sesión extraordinaria, aprobou dúas modificacións de crédito. Unha, por 50.000 euros, destinada a tres proxectos da EDUSI (Estratexia de Desenvolvemento Urbano Sostible e Integrado); e a outra, por 370.013,86 euros, para dar cobertura á adxudicación do contrato de "Subministración e instalación de sistemas de seguridade, comunicacións e modernización do centro de control do Parque de Bombeiros de Santiago de Compostela".
IGUALDADE
Minuto de silencio pola última vítima mortal da violencia machista
A praza do Obradoiro acolleu este mediodía un minuto de silencio pola muller asasinada antonte en Manresa, vítima da violencia machista.
CENTROS SOCIOCULTURAIS
A rede de Centros Socioculturais programa unha ducia de actividades de fomento da lectura con motivo do Día Internacional do Libro
A Concellaría de Centros Socioculturais programou unha decena de actividades con motivo do "Día Internacional do Libro" que se celebra o 23 de abril. Son en total sete accións de fomento da lectura que se desenvolverán nos CSC de Santa Marta, Vite, O Romaño, Conxo e Fontiñas. E como apoio, para impulsar a participación da cidadanía, tres accións en redes, entre as que figura unha recomendación de libros.
ALCALDÍA
Xuntanza coa nova directora de Proxecto Home
O alcalde de Santiago, Xosé Sánchez Bugallo, mantivo hoxe un encontro coa nova directora de Proxecto Home, Ofelia Debén Rodríguez. No encontro tamén participou o presidente da Fundación Monte do Gozo-Proxecto Home, Ramón Gómez Crespo.
BARRIOS E OBRAS
A concellaría de Obras presenta un balance dos traballos rematados e proxectados en 2020 e a planificación de actuacións para este ano
O concelleiro de Barrios e Obras, Javier Fernández, presentou un resumo das actuacións levadas a cabo polo seu departamento en 2020, e adiantou a planificación de obras para este exercicio. Explicou que este ano hai seis obras en execución e estanse planificando outras 16 actuacións; que o ano pasado se executaron 23 obras, que xa están finalizadas; e que se remataron 16 proxectos, que está previsto executar en breve.
