ALCALDÍA
Máis de 1000 empresas solicitaron as axudas destinadas aos sectores comercial e hostaleiro do PRESS, o Plan de Reactivación Económica e Social de Santiago
O alcalde de Santiago, Xosé Sánchez Bugallo, agarda que se poidan atender todas as solicitudes presentadas ao abeiro da convocatoria do PRESS, o Plan de Reactivación Económica e Social de Santiago, tanto as do sector comercial como as do hostaleiro e turístico. Estas axudas se convocan no marco do convenio de colaboración asinado coa Deputación da Coruña para o desenvolvemento do Plan de reactivación económica e social do Concello de Santiago, cunha achega provincial dun millón de euros.
REXISTROS
Novo funcionamento dos rexistros do Concello dende o 7 de xuño
A partir do 7 de xuño de 2021, co fin de axilizar o cumprimento de trámites e mellorar a calidade dos servizos na atención presencial, os cidadáns que desexen presentar fisicamente solicitudes relativas aos impostos ou tributos municipais (bonificacións, liquidacións, etc) ou a materias de urbanismo (licenzas, comunicacións previas, etc) deberán dirixirse exclusivamente ás seguintes oficinas:
EDUCACIÓN
Rubén Prol aposta por un maior investimento en innovación durante a apertura das xornadas de educación de Maker Faire
O concelleiro de Educación, Rubén Prol, participou na apertura das xornadas de Educación da séptima edición de Maker Faire. Na súa intervención, destacou que a "educación é o piar da sociedade e debe adaptarse continuamente ás necesidades e aos avances sociais. A crise provocada pola pandemia fortaleceu a dixitalización, acelerou a revolución tecnolóxica e puxo sobre a mesa a necesidade dun maior investimento en innovación e investigación".
URBANISMO
A Comisión Mixta do Peleteiro, reunida hoxe, coincide na necesidade de que o proxecto debe saír adiante
A "Comisión Mixta para o desenvolvemento urbanístico da parcela do antigo Colexio Peleteiro", reunida hoxe, coincidiu na necesidade de que o proxecto debe saír adiante. Ademais, no encontro, os distintos grupos da Corporación Municipal amosaron o seu compromiso para a construción, nese espazo, dun centro de día.
COMERCIO
Arranca Prima 21, a festa do comercio local
O xoves 3, o venres 4 e sábado 5 de xuño de 2021 terá lugar en distintos barrios de Santiago a festa do comercio local Prima 21, dentro da campaña de promoción comercial Eu merco aquí, un evento que xorde con vocación de continuidade, co fin de consolidar unha festa do comercio en primavera. O alcalde, o concelleiro de Festas, Gonzalo Muíños; os voceiros do PP, Alejandro Sánchez-Brunete, e do BNG, Goretti Sanmartín, e a concelleira de Compostela Aberta Branca Novoneyra, visitaron as principais rúas comerciais...
POLÍTICAS SOCIAIS
A campaña ‘Canto sabe(s)?’ será o eixe central da sexta edición do programa Compostela + Solidaria
A Coordinadora Galega de ONGD e o Concello de Santiago poñen en marcha a VI edición de Compostela + Solidaria, un programa de sensibilización e divulgación que se levará a cabo do 3 ao 17 de xuño en distintos espazos da cidade. A concelleira de Políticas Sociais, Mila Castro, e a portavoz da coordinadora, María Paz, deron conta as actividades en rolda de prensa.
CONSORCIO
A Real Filharmonía de Galicia participará no Festival de Santander acompañada do trompetista Pacho Flores
O Consorcio de Santiago celebrou esta mañá a súa Comisión Executiva. A xuntanza, que tivo lugar de xeito semipresencial, estivo presidida polo alcalde da cidade e presidente do organismo interadministrativo, Xosé A. Sánchez Bugallo.
SEGURIDADE CIDADÁ
A Xunta local de seguridade constata que Santiago segue a ser unha cidade segura, cun índice de resolución de delitos graves que supera o 60%
O alcalde de Santiago, Xosé Sánchez Bugallo, e a subdelegada do Goberno na Coruña, Pilar López-Rioboo, presidiron esta mañá a Xunta local de seguridade, á que tamén asistiu o concelleiro de Mobilidade e Seguridade Cidadá, Gonzalo Muíños, e representantes da Policía local, nacional e autonómica. Na xuntanza púxose de manifesto que Santiago segue a ser unha cidade segura, cun descenso no número de delitos contra as persoas, roubos con intimidación e roubos con forza.
PROMOCIÓN ECONÓMICA
O alcalde destaca na apertura das xornadas de Industria de Maker Faire que as crises supoñen "un espazo de oportunidade que debemos aproveitar"
O alcalde de Santiago, Xosé Sánchez Bugallo, participou hoxe na apertura das xornadas de Industria de Maker Faire, adicadas ás temáticas da dixitalización, a biotecnoloxía e os videoxogos. O rexedor destacou que as crises "supoñen un espazo de oportunidade que debemos aproveitar". Agradeceu o papel de "todas as persoas que fan posibles estas xornadas" a animou a todos os participantes sinalando que "o futuro está aquí, e é noso".
MEDIO RURAL
Publicado no BOP o anuncio da modificación da terceira fase do plan de sendas peonís, que afecta á que se vai executar entre Santiago e Figueiras
O BOP da provincia da coruña de data 31 de maio de 2021 publica o anuncio da modificación da terceira fase do plan de sendas peonís, que afecta á senda entre Santiago e Figueiras