Noticias

Ata o 16 de xuño está aberta a inscrición no programa "English Summer School", unha proposta educativa de conciliación e aprendizaxe, enmarcada en Educa-Concilia, que se desenvolverá entre o 28 de xuño e o 30 de xullo de 2021 (ambos os dous inclusive). Son en total, 75 prazas de conciliación, que se suman ás que quedan vacantes nos Centros Socioculturais do Rural e que aínda están sen solicitar neste momento: catro no CSC de Figueiras, dúas no de Lavacolla, e tres en Villestro.

O concelleiro de Barrios e Obras, Javier Fernández, realizou hoxe unha valoración do estado de execución das distintas actuacións programadas polo seu departamento para 2021. Son un total de 22, dúas delas xa rematadas, que axudarán, sinalou o concelleiro, "na recuperación económica e na creación de emprego".

A Concellaría de Mocidade programa un novo ciclo de cine ao aire libre, que terá lugar os días 28, 29 e 30 de xuño, no paseo central da Alameda de Santiago, a partir das 22:30 h. Neste ciclo emitiranse tres películas, previamente seleccionadas pola cidadanía entre un listado ao que se pode acceder desde o facebook Mocidade Compostela, que estará activado entre hoxe, 9 de xuño, e o próximo luns, día 14.

A segunda do xornada do festival acolle o luns día 21 de xuño as
regueifas de Manolo Maseda, Lupe Blanco, Josinho da Teixeira e Xurxo Souto xunto á ópera sonora ‘salt itinerary’ de Miguel Azguime, que se presenta no Teatro Principal a partir das oito e media da tarde.

Esta mañá o concelleiro de Mobilidade e Seguridade Cidadá, Gonzalo Muíños, visitou o parque de Bombeiros con motivo da celebración do seu centenario como servizo municipal. A explanada de entrada ao parque acolle unha exposición dos vehículos históricos máis importantes cos que contou o corpo dende a súa posta en marcha, restaurados, na súa meirande parte, polos propios integrantes do corpo.

A concelleira de Políticas Sociais e Saúde, Mila Castro, asistiu hoxe á inauguración da exposición itinerante "As caras da meninxite", que se pode visitar na sede da Fundación ABANCA, situada na Praza de Cervantes, ata mañá, 9 de xuño. O obxectivo desta mostra é concienciar sobre esta doenza que xera graves secuelas ás persoas afectadas, sobre os seus síntomas, e sobre a súa prevención.

Hoxe publícase o listado de prazas adxudicadas e reservas para as actividades Mañás de Verán nos centros socioculturais urbanos e Mañás de Xogo nos centros socioculturais do rural, que terán lugar en xullo deste ano.

Hoxe, día 8 de xuño de 2021, publícase a Resolución do concelleiro de Turismo relativa á publicación de listaxes de solicitudes recibidas e requirimentos de subsanación da "CONVOCATORIA DE AXUDAS PARA O RESCATE DA RESTAURACIÓN, HOSPEDAXE E TURISMO DO CONCELLO DE SANTIAGO DE COMPOSTELA AFECTADO POLA CRISE DA COVID-19. ANUALIDADE 2021".

A entidade municipal de promoción turística reunirase con profesionais de mercados como Italia, Alemaña, Reino Unido, Irlanda, Estados Unidos e Canadá.

O alcalde de Santiago, Xosé Sánchez Bugallo, recibiu hoxe na Praza do Obradoiro a unha patrulla do Aeródromo Militar de Santiago, formada por unha trintena de militares, que chegaron a través do Camiño de Santiago, coincidindo co Ano Santo.