Noticias

A concelleira de Acción Cultural, Mercedes Rosón; acompañada da investigadora e especialista en historia e patrimonio, Mercedes Vázquez Bertomeu; presentou o caderno "A Compostela de Emilia Pardo Bazán". A publicación describe como era Santiago na segunda metade do século XIX, e a transformación experimentada, de cidade de poder eclesiástico a capital universitaria; no que é un traballo de investigación rigoroso, cun formato divulgativo, no que destaca o deseño e contido.

A concelleira de Políticas Sociais, Mila Castro, presentou hoxe en rolda de prensa os actos que vai desenvolver o Concello, a través da Unidade de Atención ás Migracións (UAMI), en colaboración coa Rede Galega de Apoio ás Persoas Refuxiadas, para conmemorar o Día Mundial das Persoas Refuxiadas, que se celebra o domingo 20 de xuño. Estivo acompañada por Macamen Díaz e Teresa de Vallejo, representantes da Rede.

A praza do Obradoiro acolleu este mediodía un minuto de silencio pola muller asasinada onte en Marmolejo (Jaén), vítima da violencia machista.

O Consello asesor de Condecoracións, presidido polo alcalde de Santiago, Xosé Sánchez Bugallo, acordou hoxe a proposta de nomeamento de Ubaldo Rueda como fillo adoptivo de Santiago, así como dedicarlle unha rúa ao profesor José Carro Otero, recentemente falecido. Á xuntanza tamén asistiron o concelleiro de Presidencia, Relacións Institucionais e Turismo, Sindo Guinarte; o concelleiro do grupo municipal popular José Antonio Constenla; a voceira de Compostela Aberta, Marta Lois; a concelleira do BNG, Navia Rivas; e o...

A Policía Local de Compostela vai colaborar coa Dirección Xeral de Tráfico na campaña de control da taxa de alcoholemia e drogas que se vai desenvolver do 16 ao 22 de xuño.

La Junta de Gobierno Local, reunida en sesión extraordinaria, aprobó hoy dos expedientes de contratación en el marco del proyecto Smartiago. Los dos están relacionados con servicios de investigación y desarrollo: el primero con algoritmos avanzados de movilidad, y el segundo con vehículos eléctricos autónomos modulares.

A rede de Centros Socioculturais organiza en xuño, xullo e setembro, 225 actividades no marco do programa Vive o Veran 2021, con máis de 2.000 prazas. Destinadas a familias, cativada e adultos, desenvolveranse nos CSC urbanos e do rural. O prazo de presentación de solicitudes comeza o xoves, día 17 de xuño. Entre as novidades desta edición destacan os xogos no Paseo da Ferradura da Alameda de Santiago, as xornadas sobre apicultura, os paseos para coñecer a historia dos barrios, ou o xogo virtual "Do bosque ao banquete".

O Pazo de Raxoi acolleu esta mañá os alumnos e alumnas que durante este curso escolar obtiveron algún posto destacado nas olimpiadas das distintas materias. Foron recibidos polo alcalde de Santiago, Xosé Sánchez Bugallo; polo concelleiro de Educación, Rubén Prol; e polos concelleiros José Antonio Constenla (PP), Branca Novoneyra (CA) e Navia Rivas (BNG).

O Festival Atlántica vén de anunciar este martes, 15 de xuño, o programa da súa novena edición, que se vai celebrar entre os días 1 e 11 de xullo. Unha trintena de artistas actuarán nas 82 funcións previstas, que se deslocalizarán en 40 sedes repartidas en 27 municipios das catro provincias galegas. En Santiago de Compostela, segundo destacou a concelleira de Economía e Facenda, Marta Abal, "hai programadas, do 1 ao 10 de xullo, un total de 22 actividades, entre contos tradicionais galegos, romances, cancións,...

A Xunta de Goberno Local, reunida en sesión extraordinaria, aprobou hoxe dous expedientes de contratación no marco do proxecto Smartiago. Os dous están relacionados con servizos de investigación e desenvolvemento: o primeiro con algoritmos avanzados de mobilidade, e o segundo con vehículos eléctricos autónomos modulares.