FESTAS
Publicada a convocatoria de subvencións para as festas patronais
O Boletín Oficial da Provincia de hoxe publica a convocatoria de axudas para as festas patronais, co que se poderán solicitar desde mañá e ata o vindeiro 15 de xullo.
ACCIÓN CULTURAL
A primeira xornada do Festival Atlántica trae a Santiago catro espectáculos
Este xoves, 1 de xullo, comeza oficialmente a novena edición do Festival Atlántica, que se prolongará ata o día 11 deste mes e que programa máis de 80 funcións gratuítas en 27 concellos de toda Galicia. No tocante a Santiago, a primeira xornada estará protagonizada por tres espectáculos para nenos e un para adultos, das artistas Eugenia Manzanera, Charo Pita e Marta Ortiz.
XUNTA DE GOBERNO
A Xunta de Goberno local adxudica a Cespa por tres anos o servizo de mantemento e conservación dos espazos verdes
A Xunta de Goberno Local, reunida hoxe, acordou adxudicar o contrato do "Servizo de mantemento, conservación e mellora dos espazos verdes e do arboredo do Concello de Santiago de Compostela", por un periodo de tres anos, á empresa Cespa Compañía Española de Servicios Públicos Auxiliares S.A., por un importe de 11.324.137 euros.
XUNTA DE GOBERNO
Aprobados os prazos e o procedemento de admisión e matrícula nos servizos de comedor e de madrugadores nos centros de educación infantil e primaria
O concelleiro de Educación, Rubén Prol, deu conta hoxe da aprobación dos prazos e o procedemento de admisión e matrícula nos servizos de comedor e de madrugadores na Rede de Centros Públicos de Educación Infantil e Primaria do Concello de Santiago de Compostela para o curso 2021-2022. Estivo acompañado pola técnica do departamento, Beatriz Varela; e a representante da empresa encargada da xestión, Patricia Fontaíña.
IGUALDADE
O Concello de Santiago celebra o Día Internacional do Orgullo LGTBI+
O palco da música da Alameda acolleu esta mañá o acto central de celebración do Día Internacional do Orgullo LGTBI, no que se deu lectura a un manifesto por parte de varias asociacións da cidade. No acto estiveron presentes o alcalde de Santiago, Xosé Sánchez Bugallo; a concelleira de Igualdade, Mercedes Rosón; asi como membros dos Grupos de Compostela Aberta e BNG.
XUNTA DE GOBERNO
Adxudicadas as autorizacións de venda ambulante de temporada e dos postos de artesanía
A Xunta de Goberno Local, reunida en sesión extraordinaria, adxudicou hoxe 21 autorizacións de venda ambulante de temporada (16 de postos de recordos e 5 de xeados e castañas); e 17 autorizacións para postos de artesanía na vía pública. O pasado 11 de maio, o executivo municipal aprobou as bases do proceso, ao que se presentaron 41 solicitudes, 3 delas nas dúas modalidades.
POLÍTICAS SOCIAIS
Afundación, ABANCA e o Concello de Santiago entregarán durante as vacacións menús a escolares de familias vulnerables
Afundación, ABANCA e o Concello de Santiago de Compostela poñerán en marcha por segundo ano consecutivo o programa «Cubertos», que proporcionará menús saudables a menores en risco de pobreza ou exclusión social durante as vacacións escolares. Para este fin, o alcalde de Santiago, Xosé A. Sánchez Bugallo, e o presidente de Afundación e director xeral de Responsabilidade Social e Sostibilidade de ABANCA, Miguel Ángel Escotet, asinaron esta tarde o convenio de colaboración para o desenvolvemento deste...
ALCALDÍA
Nova xuntanza do Consello Económico e Social
O Consello Económico e Social do Concello de Santiago xuntarase de novo esta tarde, ás 19.00 horas, no edificio CERSIA, para dar conta do estado dos diferentes estudos sobre os que está a traballar.
CIDADES PATRIMONIO
O Grupo de Cidades Patrimonio acorda por unanimidade galardoar a Fundación Catedral pola restauración e rehabilitación do conxunto histórico-monumental da Catedral de Santiago de Compostela
Na Asemblea do Grupo de Cidades Patrimonio celebrada en Mérida, aprobouse por unanimidade a proposta do alcalde de Santiago, Xosé Sánchez Bugallo, de conceder o Premio Cidades Patrimonio á Fundación Catedral polas obras de restauración e rehabilitación da basílica compostelá, entre outros asuntos.
POLÍTICAS SOCIAIS
Compostela súmase á campaña Panos Brancos contra a Droga
O Concello de Santiago súmase un ano máis á campaña da FEGAMP e a Fundación Galega contra o Narcotrófico, que se celebra con motivo do Día Internacional contra as drogas.
