POLITICAS SOCIAIS
O Concello de Santiago e Cruz Vermella asinan dous convenios para o desenvolvemento do SEMUS, e dos programas de teleasistencia e atención a persoas sen fogar
O alcalde de Santiago, Xosé Sánchez Bugallo; e o presidente de Cruz Vermella Santiago, José Luís Barreiro Conde, asinaron hoxe dous convenios de colaboración para o desenvolvemento, durante o ano 2021, do SEMUS, o Servizo Municipal de Urxencias Sociais, e dos programas de teleasistencia e atención a persoas sen fogar; por un importe total de 185.000 euros.
PROMOCIÓN ECONÓMICA
O alcalde de Santiago reúnese coa nova directiva da asociación Hostelería Compostela
O alcalde de Santiago, Xosé Sánchez Bugallo, acompañado da concelleira de Urbanismo e Acción Cultural, Mercedes Rosón, reuniuse hoxe cunha representación da nova directiva da asociación Hostelería Compostela, concretamente co seu presidente, Thor Rodríguez; e con Ramón García, xerente da entidade.
XUNTA DE GOBERNO
A Xunta de Goberno aproba a segregación e concesión demanial da parcela onde se construirá o biopolo, así como a licenza de obras do Centro de Servizos Innovadores
A Xunta de Goberno Local, reunida en sesión ordinaria, aprobou hoxe a segregación e concesión demanial da parcela CSIEB do EQ-02 do parque empresarial da Sionlla, a favor de Sionlla Biotech, S.L; e a concesión de licenza de obras a esta mesma sociedade, para a construción do Centro de Servizos Innovadores para Empresas Biotecnolóxicas . Explicárono en rolda de prensa o alcalde de Santiago, Xosé Sánchez Bugallo, e a concelleira de Urbanismo, Mercedes Rosón.
POLITICAS SOCIAIS
Asinados os convenios para 2021 coas asociacións Sarela, Itínera, Agadea e Acem, polos que se subvencionan distintos programas de carácter social
O alcalde de Santiago, Xosé Sánchez Bugallo, asinou esta mañá os convenios de colaboración para 2021 coas seguintes entidades sociais: Asociación de dano cerebral de Compostela, "Sarela" (3.000 euros); Asociación Itínera de voluntarios en saúde mental (5.000 euros); AGADEA, Asociación Galega para Axuda dos Enfermos con Demencia tipo Alzheimer (3.000 euros); e ACEM, Asociación Compostela de Esclerose Múltiple (9.000 euros). En total, os convenios asinados hoxe suman 20.000 euros. No acto tamén...
URBANISMO
Os restos arqueolóxicos aparecidos nas obras da Costa do Cristo pertenecen ao muro de contención dunha escaleira que baixaba do antigo Hospital Real
Os restos arqueolóxicos aparecidos o pasado venres nas obras da Costa do Cristo non son da muralla que rodeaba Santiago de Compostela. Confirmárono o alcalde de Santiago, Xosé Sánchez Bugallo, e a concelleira de Urbanismo e Cidade Histórica. Mercedes Rosón sinalou que todo apunta a que pertencen ao muro de contención dunha escaleira que baixaba do Hostal dos Reis Católicos cara a Costa do Cristo.
FESTAS
Un gran espectáculo pirotécnico, con figuras en tres dimensións, pechou con broche de ouro as Festas do Apóstolo 2021
Un espectáculo de maxia, luz e cor pechou hoxe, con broche de ouro, as Festas do Apóstolo desde Ano Santo 2021. A cidadanía de Compostela puido gozar cuns fogos lanzados desde o Monte Gaiás-Cidade da Cultura, no que destacaron as figuras en tres dimensións, e que se puideron ver desde distintos puntos da cidade.
ALCALDÍA
O alcalde destaca os últimos avances en dous proxectos importantes para o futuro da cidade: Peleteiro e o biopolo
O alcalde de Santiago, Xosé Sánchez Bugallo, destacou hoxe en rolda de prensa os últimos avances en "dous temas que van ser importantes para a futuro cidade": o proxecto Peleteiro, do que onte se aprobou en pleno, por maioría absoluta, a Declaración Ambiental Estratéxica, que "inicia a súa tramitación"; e o biopolo, ao anunciar que o luns está previsto aprobar a cesión dos terreos.
POLITICAS SOCIAIS
O alcalde asina novos convenios con cinco entidades sociais, por un importe de 37.500 euros
O alcalde de Santiago, Xosé Sánchez Bugallo, asinou esta mañá os convenios de colaboración para 2021 coas seguintes entidades sociais: Asociación Fonte da Virxe de Familiares e Amigos dos Enfermos Mentais (3.500 euros); Asociación Banco de Alimentos de Santiago de Compostela (5.000 euros); Fundación Secretariado Xitano (23.000 euros); ALCER, Asociación de Loita Contra as Enfermidades do Ril da Coruña (4.000 euros); e Colexio de Avogados de Santiago de Compostela (2.000 euros). En total, os convenios asinados hoxe suman...
PLENO
O pleno aproba o DAE e o borrador da modificación puntual do PXOM no ámbito da zona do Peleteiro
O Pleno do concello de Santiago de Compostela, que comezou cun minuto de silencio polas vítimas da violencia machista, aprobou o "Documento de Avaliación Ambiental e o Borrador da Modificación puntual do Plan xeral de ordenación municipal (PXOM), no ámbito do PERI-12. Antigo Colexio Manuel Peleteiro"; cos votos a favor de Grupo Socialista, Compostela Aberta e BNG, e o voto en contra do PP.
ACCIÓN CULTURAL
O Festival C espalla a súa programación cultural pola cidade e colma de actividades o mes de agosto
A concelleira de Acción Cultural, Mercedes Rosón, e o director-xerente do Auditorio de Galicia, Xaquín López, presentaron esta mañá en rolda de prensa o programa cultural do mes de agosto. A casa do Concello acolleu a presentación da segunda edición do Festival C, que este ano supera o medio cento de espectáculos con funcións de teatro e danza, obradoiros de circo, proxeccións de cinema na rúa, itinerarios e laboratorios de creación sonora, concertos, exposicións, recitais de poesía,...
