ALCALDÍA
O Concello ofrece á cidadanía un servizo gratuíto de limpeza de pintadas nos elementos de carpintería dos edificios da cidade histórica
Co obxecto de combater o feísmo das pintadas e graffiti en portas, portalóns, fiestras e demais elementos de carpintería dos edificios da cidade histórica, o Concello de Santiago pon a disposición da veciñanza un servizo gratuíto de limpeza creado no marco dun proxecto de inserción laboral que presentaron esta mañá en rolda de prensa o alcalde da cidade, Xosé Sánchez Bugallo, e o responsable do departamento de Emprego, Xavier Ferreiro. Estará en funcionamento dende o luns 18 de outubro ata o vindeiro...
TURISMO
Arrancan as probas de selección das tapas do XIII Santiago(é)Tapas
O concelleiro de Turismo, Sindo Guinarte, e o presidente da Asociación Hostalaría Compostela, Thor Rodríguez, asistiron esta mañá na sede desta entidade ao arranque das probas de selección das tapas do XIII Santiago(é)Tapas, o concurso de tapas de Santiago, un evento promovido por Turismo de Santiago e organizado pola Asociación Hostalaría Compostela que se celebrará do 11 ao 28 de novembro.
ACCIÓN CULTURAL
Mañá finaliza a terceira edición do laboratorio de arte urbana "Elas tamén pintan" con distintas intervencións artísticas no barrio de Conxo
Mañá sábado, 16 de outubro, as rúas de Conxo acollerán a intervención simultánea de cinco artistas profesionais, que realizarán cadansúa peza con pintura plástica e/ou spray, inspirada na identidade e patrimonio do barrio. Con esta acción finaliza a terceira edición de "Elas tamén pintan", un programa artístico-educativo, impulsado por 7H Cooperativa Cultural e subvencionado polo Concello de Santiago a través da Convocatoria de axudas de apoio a actividades culturais para o...
PROMOCIÓN ECONÓMICA
O Concello e a USC organizan a III Feira de Emprendedoras do 25 ao 30 de outubro
O Concello de Santiago e a Universidade de Santiago (USC) organizan de novo a Feira de Emprendedoras de Compostela, unha feira que quere visibilizar as mulleres emprendedoras que están creando tecido empresarial innovador, con valor engadido, na comarca de Compostela. Este ano vai dirixida ás universitarias da USC aínda que a feira está aberta a toda a cidadanía.
OBRAS
Comezan os traballos de acondicionamento da avenida de Asturias, que teñen como principal obxectivo a mellora da seguridade vial
O concelleiro de Barrios e Obras, Javier Fernández, informou hoxe dos traballos que se están desenvolvendo na Avenida de Asturias, que comezaron coa rexeneración do pavimento. O principal obxectivo desta obra é mellorar a seguridade vial, tanto para vehículos como para peóns, xa que tamén se acometerá a reparación das beiravías, crearanse beirarrúas na contorna da Avenida do Cruceiro da Coruña, e mellorarase a senda paralela á calzada destinada a uso peonil.
MOCIDADE
Volve ás rúas de Santiago o festival de muralismo e intervencións urbanas Compostela Contemporánea
O concelleiro de Mocidade, Rubén Prol, presentou hoxe a cuarta edición do festival de muralismo e intervencións urbanas Compostela Contemporánea; que conta con dúas intervencións murais de gran formato e dúas clases máxistrais a alumando do IES do Sar. Estivo acompañado de Marcos Couso Sánchez (Sokran) e Javier Mourón Figueroa (Mou), do estudo especializado en arte urbana, Mutante Creativo, que dirixe o evento.
POLÍTICAS LINGÜÍSTICAS
Éxito nas actividades de acollemento lingüístico no galego
Mañá, 14 de outubro, comeza coas prazas completas o Obradoiro de acollemento lingüístico programado para este outono polo Departamento de Lingua do Concello.
ACCIÓN CULTURAL
Amal 2021 trae a cultura árabe a Galicia con cinco longametraxes e documentais que se poderán ver do 25 ao 29 de outubro no Teatro Principal de Santiago
A Fundación Araguaney-Ponte de Culturas presentou hoxe a decimonovena Semana de Cinema Euroárabe AMAL 2021 no hotel Eurostars Araguaney de Santiago. No acto interviron, por este orde, o presidente da Fundación Araguaney-Ponte de Culturas e director da Semana de Cinema Euroárabe AMAL, Ghaleb Jaber Martínez; a concelleira de Urbanismo, Vivenda, Cidade Histórica, Acción Cultural e Igualdade do Concello de Santiago, Mercedes Rosón; e o secretario Xeral de Cultura da Xunta de Galicia, Anxo M. Lorenzo.
IGUALDADE
Minuto de silencio pola última vítima mortal de violencia machista
A praza do Obradoiro acolleu este mediodía un minuto de silencio pola muller asasinada en Vitoria, vítima de violencia machista.
MOBILIDADE E SEGURIDADE CIDADÁ
Recepción a un grupo de bombeiros do CEIS de Murcia, que peregrinaron desde Cartaxena para recaudar fondos a favor dos menores con cancro
O concelleiro de Mobilidade e Seguridade Cidadá, Gonzalo Muíños, recibiu hoxe a un grupo duns 30 bombeiros do CEIS (Consorcio de Extinción de Incendios e Salvamento) da comunidade autónoma de Murcia, que percorreron o Camiño de Santiago desde Cartaxena, coa finalidade de recaudar fondos para AFACMUR, a Asociación de Familias de Nenos con Cancro da Rexión de Murcia.
