EDUCACIÓN
As escolas infantís municipais celebraron as actividades de Nadal 2021
As escolas infantís municipais de Conxo, As Fontiñas e Meixonfrío-Salgueiriños dedicaron este mes de decembro a preparar o Nadal. Nenos e nenas traballaron en diferentes talleres nos que fixeron manualidades coas que agasallar as súas familias e celebraron unha festa de Nadal na que recibiron a visita do Apalpador.
MOBILIDADE E SEGURIDADE CIDADÁ
A Policía Local estrea nove vehículos
A praza do Obradoiro acolleu esta mañá a presentación dos novos vehículos rotulados cos que vai contar dende hoxe a Policía local de Santiago: 8 turismos Seat Ateca e 1 todoterreo Land Cruiser. Ao acto asistiron o alcalde de Santiago, Xosé Sánchez Bugallo; o concelleiro de Mobilidade e Seguridade Cidadá, Gonzalo Muiños; e o xefe da Policía Local, José Ramón Silva.
ACCIÓN CULTURAL
A obra "Como agullas finas cravadas no pescozo" de María Caíña Hurtado, gañadora da cuarta edición dos Premios SELIC de creación literaria
A obra de teatro "Como agullas finas cravadas no pescozo", de María Caíña Hurtado, é a gañadora da cuarta edición dos Premios SELIC de creación literaria, convocados polo Concello de Santiago. O accésit foi para a novela "Os acios tardegos", de Antonio Piñeiro Fernández. A concelleira de Acción Cultural, Mercedes Rosón, destacou a singularidade deste galardón, que ten como obxectivo enriquecer o patrimonio literario de Compostela en lingua galega.
IGUALDADE
Minuto de silencio pola últimas vítimas mortais de violencia machista
A praza do Obradoiro acolleu este mediodía un minuto de silencio polas mulleres asasinadas en Torrevieja (Alacante) e en Liaño (Cantabria), vítimas de violencia machista.
CONSORCIO
O Consorcio de Santiago licita a redacción do Plan Especial de Protección e Rehabilitación da igrexa, hospital psiquiátrico e mosteiro de Conxo por 201.770,76 €
As empresas interesadas teñen de prazo ata o vindeiro 17 de xaneiro para presentar as súas ofertas.
POLÍTICAS LINGÜÍSTICAS
Vide Vide!, Creativas Galegas e Código Cero, distinguidas na XXII Edición dos Premios Manuel Beiras
O Concello de Santiago e a Cámara de Comercio manteñen desde o ano 2000 un acordo de colaboración para a convocatoria anual dos Premios Manuel Beiras, dedicados a recoñecer e poñer en valor as empresas que empregan habitualmente o galego na súa comunicación.
XUNTA DE GOBERNO
A Xunta de Goberno Local aproba, de xeito provisional, o documento reformado do Plan Parcial de Ordenación do SUND 8 en Monte Vidán
A Xunta de Goberno Local aprobou hoxe, de xeito provisional, o documento reformado do Plan parcial de ordenación do SUND-8 (Monte Vidán), cunha edificabilidade máxima de 33 vivendas. Tamén se tomou coñecemento da providencia que tiña por obxecto o requirimento de regularización para autorización de tránsito á canteira de Miramontes, e que lle da a razón ao Concello no control de vehículos de circulación de gran tonelaxe. Na práctica significa que non van poder pasar os camións de...
MEDIO AMBIENTE
O Concello pon en marcha un novo servizo de puntos limpos móbiles no marco do proxecto "Recíclame Compostela"
A Concellaría de Medio Ambiente do Concello de Santiago pon a disposición da cidadanía novas opcións de recollida de residuos non voluminosos e reciclaxe de lixo domiciliario especial.
MOBILIDADE E SEGURIDADE CIDADÁ
A Policía Local realizou 1390 probas de alcol e drogas a pasada semana, cun resultado de 60 positivos
Durante a pasada semana, do 3 ao 18 de decembro, a Policía Local adheriuse á campaña de vixilancia e control da taxa de alcol e outras drogas promovida pola Dirección Xeral de Tráfico (DXT). Os/as axentes realizaron 1390 probas, cun resultado final de 60 positivos.
ALCALDÍA
O alcalde de Santiago exercerá como delegado rexio no acto de Translación dos restos do Apóstolo
A Catedral de Santiago acollerá o xoves 30 de decembro a cerimonia da Ofrenda de Translación dos restos do Apóstolo. Nesta ocasión, S.M. Don Felipe de Borbón designou como delegado rexio ao alcalde da cidade, Xosé Sánchez Bugallo.
