IGUALDADE
Minuto de silencio pola última vítima mortal de violencia machista
A praza do Obradoiro acolleu este mediodía un minuto de silencio pola muller asasinada onte en Ceuta, vítima de violencia machista.
XUNTA DE GOBERNO
A Xunta de Goberno Local adxudica a renovación da área de xogos infantís do parque Alfredo Vicenti, en Lamas de Abade
A Xunta de Goberno Local acordou adxudicar o contrato de subministración e instalación de elementos novos para a renovación da área de xogos infantís do parque de Alfredo Vicenti, á empresa "Juegos Kompan, SA", por un importe de 77.883,30 euros. Tamén se aprobou o proxecto "estratexia de infraestrutura verde para Santiago de Compostela. Entre Sar e Sarela". Dos acordos adoptados na reunión do executivo municipal deu conta, en rolda de prensa, o alcalde de Santiago, Xosé Sánchez Bugallo.
EDUCACIÓN
Mañá martes arranca o XI Ciclo de Sesións Didácticas da Escola de Música, dirixido aos centros de educación infantil e primaria
A Concellería de Educación, a través da Escola Municipal de Música (EMM), pon en marcha, por undécimo ano consecutivo, un novo ciclo de sesións didácticas co obxectivo de promover o achegamento da música aos pequenos e pequenas da rede de centros educativos do Concello de Santiago.
COMERCIO
O Concello de Santiago realizará un estudo de diagnose do Mercado de Abastos
O Concello de Santiago realizará un estudo de diagnose do Mercado de Abastos. Así se acordou na reunión que esta tarde mantivo o alcalde de Santigo, Xosé Sánchez Bugallo, con representantes de ASUCA e da Cooperativa do Mercado de Abastos. No encontro tamén estaban presentes os concelleiros de Urbanismo e Cidade Histórica, Mercedes Rosón; e o responsable de Mobilidade e Seguridade Cidadá, Gonzalo Muíños.
ACCIÓN CULTURAL
"Alguén que respira" recupera o seu formato e ofrecerá un programa único para celebrar en marzo o Día da Poesía do 2022
"Corpos, disidencias, desexo" é o lema da nova edición do festival impulsado polo Concellería de Acción Cultural do Concello de Santiago, que reunirá a algunas das voces máis activas da esculca identitaria nas últimas décadas, desde Luís Muñoz e Alejandro Palomas a Luís Antonio de Villena, pasando por Carlos Callón, Elizabeth Duval, Blanca Haddad, Paula Luís, Teresa Moure, Xavier Queipo ou Rodrigo Cuevas, ademais de Miren Agur Meabe, Miguel Anxo Fernán Vello, Antón Reixa, Marga...
EDUCACIÓN
Mañá, 15 de marzo, ábrese o prazo para inscribirse no programa de conciliación de Semana Santa do espazo de lecer María Miramontes, que oferta 73 prazas
A Xunta de Goberno Local aprobou hoxe o programa de conciliación de Semana Santa 2022 no espazo educativo e de lecer María Miramontes, así como os procedementos de alta e acceso, prazos de inscrición e gratuidade do mesmo. Está destinado a menores de entre 3 a 12 anos, ámbolos dous inclusive. Mañá, 15 de marzo, ábrese o proceso de inscrición, que se pechará o 21 de marzo.
COMERCIO
55 establecementos xa se adheriron ao programa Bonos Corazón Concheiros
Dende que se abrira o prazo o pasado martes, xa son 55 os establecementos adheridos ao programa de incentivación do consumo Bonos Corazón Concheiros: 46 comercios e 9 negocios de hostalería. O prazo para inscribirse permanece aberto durante o tempo de vixencia dos bonos, ata o 31 de maio.
POLÍTICAS LINGÜÍSTICAS
O programa Apego supera as 600 familias inscritas no concello de Santiago
O programa Apego, que desenvolve o departamento de Lingua Galega do Concello de Santiago en colaboración con outros municipios galegos, acaba de superar, en Compostela, as 600 familias inscritas. Dirixido á primeira infancia, a menores de entre 0 e 6 anos e ás súas familias, ten como obxectivo incrementar a porcentaxe de nenos e nenas que adquiren o galego como lingua inicial, así como promover que o usen de maneira habitual.
COMERCIO
Aberto o prazo para solicitar os Bonos Corazón Concheiros
Xa está aberto o prazo para que os consumidores/as poidan solicitar os bonos Corazón Concheiros, unha iniciativa do Concello de Santiago que ten por obxectivo incentivar a actividade económica mediante o cofinanciamento de bonos para o consumo no comercio e na hostalería local na contorna da rúa dos Concheiros. Poderanse adquirir bonos por valor de 75, 50 e 30 euros, que estarán cofinanciados nun 40% polo Concello de Santiago e nun 60% pola persoa solicitante e poderán ser utilizados ata o 31 de maio.
DEPORTES
Mañá abrirase o prazo de inscrición para a VI edición da carreira nocturna SantYaGo 10K
A partir de mañá, día 12 de marzo, todas aquelas persoas intersadas poderán inscribirse para participar na carreira nocturna SantYaGo 10 K que se celebrará o día 30 de abril ás 22:00 horas. Esta carreira nocturna homologada pola Federación Española de Atletismo e que conta coa colaboración do departamento de Deportes do Concello de Santiago, percorrerá as rúas máis emblemáticas da cidade, con saída en San Francisco e chegada á praza do Obradoiro, con máis do 50% do seu...