Noticias

Santiago de Compostela Film Commission participa en Sevilla nun encontro con importantes produtores audiovisuais estadounidenses.

A concelleira de Medio Ambiente, Mila Castro, acompañada por Rocío Montañés, directora de Área de Benestar Medioambiental e Servizos Básicos, deu conta hoxe en rolda de prensa do estado da renovación dos servizos de recollida de lixo e limpeza na cidade, que asumirá novamente a empresa URBASER S.A. a partir do 21 de maio. Entre as novidades, destacan a substitución de illas soterradas, colectores e papeleiras, a implantación dun servizo de limpeza urxente 24 horas ou a ampliación a máis áreas da cidade...

A mostra, que amosa a traxectoria do emblemático café compostelán durante máis de 90 anos, inaugurouse o pasado 3 de maio no CSC do Ensanche e percorrerá varios centros ata o mes de febreiro do vindeiro ano.

O músico, escritor e filósofo Santiago Auserón achégase en xuño a Compostela nunha dobre cita, para ofrecer un concerto no Auditorio de Galicia con La banda de Juan Perro, e para presentar na SELIC a súa última creación de ensaio, "Arte sonora". Auserón ofrecerá o vindeiro 12 de xuño no Auditorio de Galicia o primeiro concerto da súa xira galega de 2022 con La banda de Juan Perro, un evento dará comezo ás 20.30 horas e cuxas entradas se poñerán á venda...

O alcalde de Santiago, Xosé Sánchez Bugallo, e o presidente da Câmara Municipal de Braga, Ricardo Rio, asinaron esta mañá un convenio de irmandamento entre as dúas cidades co fin de fortalecer as relacións económicas, turísticas e culturais. No mesmo acto, os dous mandatarios realizaron unha declaración de cooperación entre Braga e Santiago, atendendo ás afinidades que as unen.

O pasado venres 6 de maio, o Departamento de Tráfico deu remate aos traballos de sinalización vertical e horizontal nas rúas de Mallou e da Queimada, dando así resposta á petición por parte dos veciños da zona para mellorar a seguridade e a mobilidade destas rúas e a súa contorna.

Entre as accións previstas pola celebración do Orgullo LGTBI está o reparto de material coma mandilóns, carteis ou manteis entre os comercios e o establecementos hostaleiros e hoteleiros da capital galega.

A Xunta de Goberno Local aprobou hoxe a tarifa de prezo público para a Festa dos Maiores 2022, que se celebrará o 28 de maio no recinto feiral de Amio. Cada unha das persoas que desexe asistir, deberá aboar 7,5 euros. O obxectivo desta celebración, organizada polo Concello de Santiago a través das concellarías de Festas e de Servizos Sociais, é fomentar a participación e interacción das persoas maiores de distintas parroquias e lugares do termo municipal, celebrando un día especial nun espazo de encontro no que se sintan...

No marco do Plan de Obras e Servizos (POS+) da Deputación da Coruña correspondente ao ano 2020, o Concello dotará a oito Centros Socioculturais do ámbito rural compostelán con 45 equipamentos informáticos para o seu uso público.

O alcalde de Santiago, Xosé Sánchez Bugallo; e a concelleira de Urbanismo, Mercedes Rosón; visitaron hoxe a finca do Espiño, onde se está procedendo á rehabilitación do palacete modernista, construído polo arquitecto Jesús López de Rego arredor do ano 1910. Nesta remodelación, que conta cun orzamento de execución de 1.425.922,9 euros, respectarase a estrutura orixinal do edificio.