Noticias

O concelleiro de Festas, Gonzalo Muíños, presentou hoxe o espectáculo pirotécnico das Festas do Apóstolo do 24 e do 31 de xullo; xunto a Juan Manuel Humanes, director de espectáculos de RICASA, empresa adxudicataria do contrato. Por terceiro ano consecutivo os fogos do 24 dispararanse, de xeito sincronizado, desde cinco localizacións co fin de evitar aglomeracións e facilitará o visionado do mesmo desde prácticamente todos os puntos de Santiago.

A Asemblea Xeral do Grupo de Cidades Patrimonio da Humanidade de España (GCPHE), máximo órgano de goberno da entidade, terá lugar en Santiago o vindeiro domingo 24 de xullo. Á reunión, que se celebrará ás 18:00 horas no Salón Nobre do Pazo de Raxoi, asistirán os alcaldes e alcaldesas das 15 cidades membros desta entidade sen ánimo de lucro e declarada de Utilidade Pública, que reúne ás cidades españolas cuxos centros históricos foron inscritos na Lista do Patrimonio Mundial da...

O alcalde de Santiago, Xosé Sánchez Bugallo, visitou hoxe as obras do Centro de Servizos Innovadores para Empresas Biotecnolóxicas (CSIEB) que ese está construindo nunha parcela cedida polo Concello de Santiago, a través de Sionlla Biotech. O biopolo ten como finalidade impulsar a investigación no eido da biotecnoloxía que se desenvolve en Santiago, afianzándoa e asentándoa na cidade, para que xere tecido industrial na contorna.

O actor Tamar Novas deu o pistoletazo de saída ás festas do Apóstolo desde o balcón do Pazo de Raxoi ante unha praza da Obradoiro na que se congregaron veciños e turistas. O actor compostelán fixo un repaso pola súa infancia e primeira xuventude en Santiago así como polos seus inicios no mundo da interpretación. O público puido desfrutar a continuación do concerto da banda estadounidense The New York Ska-Jazz Ensemble.

O alcalde de Santiago, Xosé Sánchez Bugallo, o concelleiro de Festas, Gonzalo Muíños e os voceiros dos distintos grupos municipais recibiron esta mañá o pregoeiro do Apóstolo 2022, o actor Tamar Novas, horas antes de que este se dirixa ás compostelás e composteláns dende os balcóns de Raxoi para dar o pistoletazo de saída a esta edición das festas.

O Concello de Santiago presentou esta mañá o programa da 43 edición do Día do Traxe Galego, unha cita que vai unida dende hai décadas ás festas do Apóstolo, e que tras dous anos de restriccións recupera o vindeiro sábado 30 de xullo o seu formato tradicional con desfiles, exhibicións, certame... Como novidade, este ano a praza de Mazarelos acollerá durante toda a xornada a Feira do vestir "De onte a hoxe" con pasarelas e obradoiros para todas as idades.

As Festas do Apóstolo 2022 botan a andar mañá, xoves 21, co pregón do actor compostelán Tamar Novas que será ás 22.00 h desde o balcón do Pazo de Raxoi. A praza do Obradoiro acollerá a continuación o concerto da recoñecida banda americana The New York Ska-Jazz Ensemble.

O Pazo de Raxoi acolleu esta mañá a reunión da Xunta Local de Seguridade á que asistiron, entre outras autoridades, o alcalde de Santiago, Xosé Sánchez Bugallo; o concelleiro de Seguridade Cidadá e Mobilidade, Gonzalo Muíños; a subdelegada do Goberno na Coruña, María Rivas, co obxectivo de consensuar as medidas de reforzo para garantir a seguridade durante as festas do Apóstolo. Na reunión constatouse unha tendencia á alza nos casos de vítimas de violencia de xénero en Santiago...

Catorce persoas completaron a súa formación no curso de cociña tradicional galega que organizou o Concello de Santiago. Este curso, que foi clausurado onte, desenvolveuse no Centro Superior de Hostalaría de Galicia (CSHG).

A Xunta de Goberno Local, aprobou hoxe a ampliación do rexime de residentes da zona 3, San Pedro, coa inclusión das rúas Triacastela e Altiboia. Os residentes das mesmas, unha vez comprobado que cumpren os requisitos establecidos na "Ordenanza do Sistema de Ordenación" e "Regulación do Servizo da ORA e Aparcamento de residentes", poderán obter o correspondente distintivo de aparcamento.