XUNTA DE GOBERNO
A Xunta de Goberno aproba as bases de dúas convocatorias de axudas destinadas a empresas de Santiago e do Premio á excelencia empresarial
A Xunta de Goberno Local, reunida en sesión extraordinaria e urxente, aprobou hoxe as bases de tres convocatorias destinadas a empresas, nas que se investirán, en conxunto, 460.000 euros. En concreto, deuse luz verde ás axudas destinadas a apoiar ás empresas de economía social (250.000 euros); as subencións para actuacións en materia de economía circular (150.000 euros); e á primeira edición dos "Premios de excelencia empresarial Axenda Urbana 2030" do Concello de Santiago.
XUNTA DE GOBERNO
Aprobada a solicitude de subvención ao Ministerio de Transportes por 5,5 millóns de euros que financiarían a rehabilitación de 442 vivendas
A Xunta de Goberno Local, reunida hoxe, deu luz verde á solicitude de participación no "Programa de axuda ás actuacións de rehabilitación a nivel de barrio" do Ministerio de Transportes, Mobilidade e Axenda Urbana, cunha cantidade a subvencionar de 5.551.978,07 euros a través dos fondos NextGenerationEU. Tamén aprobou o gasto do convenio de colaboración para 2022 entre o Concello de Santiago e Cruz Vermella, pola contía de 85.000 euros, que se destinarán aos programas de "Atención a persoas sen...
DEPORTES
O Concello renovará dúas pistas de tenis municipais na rúa Rodríguez de Viguri
A concelleira de Deporte, Esther Pedrosa, presentou esta mañá en rolda de prensa o proxecto de renovación das pistas de tenis municipais da rúa Rodríguez de Viguri, que estará dividido en dúas fases, e no que o Concello investirá un total de 96.538,78 euros.
ACCIÓN CULTURAL
O Festival Curtocircuíto anuncia os filmes gañadores da súa 19 edición
O Curtocircuíto pechou onte a súa 19ª edición co anuncio do palmarés, tras 9 días de festival nos que Compostela recibiu a máis de 100 convidados e convidadas vinculadas ao cinema de autor, as artes sonoras e visuais. Ao acto de clausura asistiron o alcalde de Santiago, Xosé Sánchez Bugallo; a concelleira de Acción Cultural, Mercedes Rosón; varios membros da corporación municipal; o director de AGADIC, Jacobo Sutil; e o director do festival, Pela del Álamo.
ALCALDÍA
Sánchez Bugallo valora positivamente os investimentos para Santiago recollidos nos Orzamentos Xerais do Estado
O alcalde de Santiago, Xosé Sánchez Bugallo, congratulouse polos 120 millóns de euros que recibirá Santiago a través dos Orzamentos Xerais do Estado, unha cifra que calificou como "unha dotación económica extraordinariamente importante que contempla os investimentos prioritarios para o Concello".
EDUCACIÓN
O alcalde visita o CEIP Ramón Cabanillas para coñecer de primeira man as demandas que unha alumna lle trasladou por carta
O alcalde de Santiago, Xosé Sánchez Bugallo, e a concelleira de Parques e Xardíns, Mila Castro, acudiron esta mañá ao CEIP Ramón Cabanillas para comprobar in situ as demandas dirixidas ao rexedor por unha alumna de quinto de primaria nunha carta manuscrita na que solicitaba unha serie de arranxos na contorna do seu colexio.
POLÍTICAS LINGÜÍSTICAS
Comeza a VI edición do certame "Enreguéifate"
O Enreguéifate 2022-2023, no que colabora o Concello de Santiago, desenvolverase desde outubro ata abril. Entre as actividades previstas: obradoiros de formación para o alumnado e o profesorado, un certame regueifeiro e un encontro de regueifa.
TURISMO
Apróbase o Plan Estratéxico da Asociación de Municipios do Camiño, da que forma parte o Concello de Santiago
O concelleiro de Presidencia, Relacións Institucionais, Turismo e delegado do Ano Santo, Sindo Guinarte, asistiu hoxe na localidade leonesa de Sahagún á reunión da comisión executiva da Asociación de de Municipios do Camiño de Santiago na que se espuxo, debateu e se aprobou o Plan Estratéxico da AMCS, presentado pola nova secretaría técnica que desempeña a Fundación Santa María La Real.
SEGURIDADE CIDADÁ
A concellería de Seguridade Cidadá e a Policía Local poñen en marcha un ciclo de charlas sobre lecer nocturno para a mocidade compostelá
Estas charlas didácticas xurden como resposta ao incremento de condutas incívicas asociadas directa e indirectamente ao lecer nocturno que a Policía Local vén detectando nos últimos meses. Esta actividade están deseñada especificamente para mozos e mozas con idades comprendidas entre os 16 e os 17 anos que están a ter o seu primeiro contacto co lecer nocturno.
ALCALDÍA
O Concello homenaxea ao veterinario Juan Rof Codina polo Día da Ciencia
O parque das Ciencias acolleu esta mañá un acto de homenaxe ao impulsor da veterinaria en Galicia e España, Juan Rof Codina, co gallo do Día da Ciencia. Ao evento, organizado pola Real Academia Galega de Ciencias (RAGC) en colaboración co Concello de Santiago, asistiron o alcalde de Santiago, Xosé Sánchez Bugallo; o presidente da RAGC, José Manuel Lema Rodicio; membros da Corporación municipal e familiares do homenaxeado.