MERCADOS
O Recinto Feiral de Amio acolle de xoves a domingo a décima edición do Salón do Vehículo de Ocasión
O concelleiro de Mobilidade e Seguridade Cidadá, Gonzalo Muíños, e o responsable da organización do evento, Fabián Saavedra, presentaron esta mañá en rolda de prensa a décima edición do Salón do Vehículo de Ocasión en Santiago, que se celebra no Recinto Feiral de Amio do xoves 27 ao domingo 30 de outubro. Acompañounos a responsable do recinto, Belén Montero.
IGUALDADE
Minuto de silencio pola última vítima mortal de violencia machista
A praza do Obradoiro acolleu esta mañá un minuto de silencio pola muller asasinada onte en Alcoi (Alacante), vítima de violencia machista.
MOBILIDADE E SEGURIDADE CIDADÁ
O Concello aumenta a sinalización e o control na parroquia de Lavacolla para pór coto ao aparcamento fóra das zonas permitidas
O alcalde de Santiago, Xosé Sánchez Bugallo, acompañado de distintos membros do Goberno Municipal, mantivo este domingo unha xuntanza coa Asociación de Veciños Ruta Xacobea de Lavacolla. Nela, o concelleiro de Tráfico, Mobilidade e Seguridade Cidadá, Gonzalo Muíños, sinalou que se está a reforzar a sinalización na contorna do aeroporto. Lembrou, ademais, que as competencias son da Gardia Civil polo que "imos insistir á delegación do Goberno" para que incremente a vixiancia na zona ".
MEDIO AMBIENTE
O Concello destina case 130.000 euros para a creación dun novo espazo de lecer interxeracional no barrio de Sar
A concelleira de Políticas Sociais, Saúde, Medio Ambiente, Parques e Xardíns, Mila Castro, explica que se trata dun espazo co obxectivo de que "os máis cativos e as persoas de máis idade poidan compartir experiencias e xogos" xerando unha interacción social interxeracional. Detalla tamén que contará cun espazo onde se integren actividades para as diferentes idades, unha zona de estancia onde se poderán desenvolver xogos de mesa e outra de arboreda para realizar xogos tradicionais.
PROMOCIÓN ECONÓMICA
A economía social confórmase como alternativa de futuro para afrontar os retos das Axendas Urbanas e 2030
A Sede da Fundación para a Construción Laboral en Galicia, acolleu o encontro da Rede de Entidades de Desenvolvemento Local (REDEL), unha actividade organizada polo Concello de Santiago de Compostela co respaldo da Rede de Entidades para el Desarrollo Local (Redel), a Red de Ciudades Ciencia e Innovación (Innpulso), a Red de Territorios Socialmente Responsables (Retos) e Cidades por el Empleo; no marco da capitalidade española da economía social que durante este ano ostenta Santiago de Compostela. Na xuntanza, que se desenvolveu durante dous días,...
ALCALDÍA
Concello e Xunta acordan a sinatura dun convenio para a mellora dos accesos ao CHUS que contempla a construción dun novo aparcadoiro
A situación actual do Hospital Clínico de Santiago e a previsión de necesidades futuras foi unha das cuestións abordadas na xuntanza que esta mañá mantivo o alcalde de Santiago, Xosé Sánchez Bugallo, co presidente da Xunta, Alfonso Rueda. No encontro, que se prolongou por preto de dúas horas e media, tamén se trataron outros asuntos como a posible implantación dunha taxa turística, a candidatura para acoller a sede da AESIA, a construción da senda ciclista entre Milladoiro e Santiago, o parque de...
ALCALDÍA
O Concello destinará 600.000 euros ao proxecto de mellora da conectividade do barrio de Conxo
A actuación permitirá mellorar a conexión entre as dúas partes do barrio de Conxo, favorecendo o paso peonil de veciños e peregrinos, e habilitando unha espazo verde para o uso e desfrute da cidadanía. O alcalde de Santiago, Xosé Sánchez Bugallo, e a concelleira de Urbanismo, Mercedes Rosón, acompañados polo xefe do Planeamento do Concello de Santiago, Enrique Seoane, explicaron esta mañá os detalles deste proxecto cuxo inicio está previsto para o 2023.
COMERCIO
Sindo Guinarte destaca, no Congreso Internacional de Cascos Históricos, a aposta do Concello de Santiago polo comercio local
O concelleiro de Presidencia, Turismo e Relacións Institucionais, Sindo Guinarte, destacou hoxe a aposta do Concello de Santiago pola cidade histórica como espazo de actividade institucional, comercial, turística e residencial; e polo comercio local, reflectida en accións como as axudas directas despois da pandemia ou os Bonos Corazón Compostela para incentivar as compras nos establecementos locais. Foi na inauguración do "X Congreso Internacional de Cascos Históricos. Motores do ocio, turismo e comercio en Europa", organizado por...
TURISMO
Santiago acolle as Xornadas do Mercado Corporativo Español do Spain Convention Bureau
Turismo de Santiago tamén participa na Shooting Locations Marketplace, que conta coa asistencia de 50 localizadores internacionais para produccións audiovisuais. O concelleiro de Turismo, Sindo Guinarte, e a xerente de Turismo de Santiago, Flavia Ramil, presentaron no Pazo de Raxoi dúas accións nas que participa esta semana a entidade municipal de promoción e xestión turística dirixidas a captar segmentos de turistas de alto valor engadido.
CENTROS SOCIOCULTURAIS
A Casas das Asociacións será a sede dunha xornada sobre Obxectivos de Desenvolvemento Sostible e calidade de vida
Unha campioa olímpica, un experto en urbanismo comunitario e unha experta en felicidade achegarán a súa visión sobre o modelo de cidade nunha xornada, que terá lugar o próximo 15 de novembro na Casa das Asociacións de Cornes. O evento, organizado polo Concello de Santiago e a Fundación Kaleidos.Red, está aberto á participación da cidadanía previa inscrición.