ALCALDÍA
O alcalde salienta que Santiago conta con investimentos comprometidas ou en execución por parte de todas as administracións por valor de máis de 300 millóns de euros
Nun encontro coa prensa local, o alcalde, Xosé Sánchez Bugallo, fixo balance das actuacións do Concello no último ano "con pasos importantes" na construción da estación do AVE, a EDAR, o enlace Orbital e o Orbitaliño, así como na autovía de Lugo e en materia industrial, coa ampliación do tecido produtivo co Biopolo da Sionlla como gran proxecto que comezará a funcionar en xaneiro do próximo ano. Con vistas á corto e medio prazo, destaca que na cidade hai máis de 300 millóns de...
TURISMO
Os beléns de San Fiz recibiron xa máis de 11.000 visitas
O alcalde de Santiago, Xosé Sánchez Bugallo, acompañado dos concelleiros de Acción Cultural e Centros Socioculturais, Mercedes Rosón; e de Turimo, Sindo Guinarte, visitou hoxe os beléns de San Fiz de Solovio; o montado por José Uzal e o realizado polas persoas usuarias da rede de CSC. Nos seus primeiros trece días de apertura, entre o 2 e o 12 de decembro, recibiron a visita de 11.366 persoas. Esta cifra supón o mellor dato de visitantes dende que Turismo de Santiago asumiu por primeira vez a instalación do belén...
IGUALDADE
"Mulleres en Compostela. Elas tamén contaron" recupera a historia das mulleres a través das rúas da nosa cidade
Esta mañá presentouse na libraría Couceiro o libro "Mulleres en Compostela. Elas tamén contaron", escrito por Encarna Otero e con ilustracións de Luis Ruiz Padrón. A concelleira de Igualdade, Mercedes Rosón, tamén estivo presente no acto de presentación desta publicación, que foi financiada polo Concello de Santiago.
TURISMO
O proxecto Bodah certifica que o Casco Histórico de Santiago non está masificado
Turismo de Santiago é o lider deste proxecto europeo no que participan oito entidades de España, Portugal, Francia, Irlanda, Escocia e Gales. O concelleiro de Turismo, Sindo Guinarte, clausurou o seminario final desta iniciativa, que se celebrou hoxe pola mañá no Auditorio de Galicia.
COMERCIO
Ábrese o prazo de inscrición para os concursos de decoración de escaparates e de vivendas particulares
A partir de mañá todos aqueles establecementos que o desexen poderán presentar os seus escaparates decorados con motivos de Nadal a este concurso e optar por un dos seis premios económicos. Con esta iniciativa preténdese atraer a atención da clientela e aumentar así o consumo e as ventas durante este período vacacional. Tamén arranca mañá o prazo de inscrición no I Concurso de Decoración de Nadal Veciñal que recompensará as vivendas particulares coas fachadas, balcóns e...
MEDIO AMBIENTE
Santiago de Compostela, referente na recollida de lixo orgánico
Representantes da Cámara Municipal de Viana do Castelo reuníronse esta mañá coa concelleira de Medio Ambiente, Mila Castro, e persoal técnico do departamento que dirixe para interesarse polo sistema de recollida de materia orgánica que está a implantarse na cidade. A súa homónima da cidade portuguesa, Carlota Borges, recalcou que a capital de Galicia é "sempre unha boa referencia sobre o que respecta á xestión e recollida dos residuos".
EDUCACIÓN
Fabiola Anchorena recolle no Pazo de Raxoi o Premio Compostela para álbums ilustrados pola súa obra "Esperando o amencer"
A autora peruana Fabiola del Rocío Anchorena Arias recibiu hoxe, nun acto celebrado no Pazo de Raxoi, o "Premio internacional Compostela para álbums ilustrados 2022", convocado polo Concello de Santiago en colaboración coa editorial Kalandraka e dotado con 9.000 euros. A súa obra "Esperando o amencer", que o xurado seleccionou pola "pertinencia e a actualidade do tema tratado, no que a autora dá voz á Amazonía como protesta ante a explotación e a conseguinte destrución do medio".
IGUALDADE
O CIM lanza un curso de autodefensa para mulleres antes situacións violentas
O curso desevolverase entre o 19 e o 27 de xaneiro no Estadio Verónica Boquete e será monitorado por especialistas da Federación Galega de Loita e memebros das Forzas e Corpos de Seguridade do Estado. Trátase dunha actividade organizada pola Concellaría de Igualdade e o Centro de Información á Muller (CIM) do Concello de Santiago a través dunha subvención da Secretaría Xeral da Igualdade da Xunta de Galicia.
ACCIÓN CULTURAL
O Auditorio de Galicia dixitaliza a súa sala principal cunha axuda da AGADIC a través da convocatoria para a modernización de infraestruturas culturais
A concelleira de Acción Cultural, Mercedes Rosón, visitou a sala Ángel Brage para comprobar o funcionamento deste novo sistema dixital de maquinaria escénica, financiada a través dunha axuda xestionada pola Xunta de Galicia ao abeiro do Mecanismo Europeo de Recuperación e Resiliencia dos Fondos NextGeneration EU. A instalación costou 87.737,10 euros, dos cales se recibiron a través desta axuda un total de 40.144,09 euros.
MEDIO AMBIENTE
O Concello de Santiago e Viaqua lanzan unha campaña para sensibilizar sobre o uso incorrecto dos sumidoiros
O obxectivo é concienciar á cidadanía da importancia dun uso responsable e do impacto dos residuos que tiramos polos sumidoiros. A empresa concesionaria da auga promove esta campaña xunto ao Concello de Santiago, a Asociación Hostelería Compostela, Compostela Monumental e o Proxecto EM-REDE.