Noticias

A Igrexa de San Fiz de Solovio acolle este Nadal, por primeira vez, un concerto moi especial, interpretado polas corais veciñais "Amigos do Castiñeiriño", "José Saramago de Vite" e "Santa Susana". O concerto, de balde e que terá lugar estes mércores 4 de xaneiro ás 18.00 horas, é froito da colaboración entre Turismo de Santiago de Compostela e Rede Municipal de Centros Socioculturais.

A praza do Obradoiro acolleu este mediodía un minuto de silencio polas mulleres asasinadas o pasado 28 de decembro en Escalonada (Toledo) e en Biscaia, vítimas de violencia machista.

O Concello de Santiago, a través do seu Departamento de Deportes, e a Federación Galega de Atletismo comunican a suspensión esta tarde da IX Edición da Carreira San Silvestre de Santiago e do Campionato de Galicia de 5 quilómetros en ruta por razóns de seguridade debido ás condicións meteorolóxicas adversas. Asi mesmo, estas condicións meteorolóxicas obrigan tamén a suspender o cotillón previsto a partir das 23 horas na Praza do Obradoiro coa actuación da orquestra Fania Blanco Show.

Xosé Sánchez Bugallo fixo balance do 2022 na súa felicitación do ano novo. Un ano que, no turístico, "bateu tódolos récords" con un gran tráfico de viaxeiros no ámbito ferroviario e aeroportuario. De feito, superáronse os tres millóns de viaxeiros no aeroporto Rosalía de Castro, sendo o aeroporto galego que mellor se recuperou trala crise, superando nun 15% as previsións de Aena para o 2027 neste mesmo ano.

O arcebispo compostelán, Julián Barrio, pechou simbólicamente a Porta Santa, dando así por terminado os Anos Santos 2021 e 2022, marcados pola pandemia do COVID e a posterior recuperación coa chegada a Compostela de milleiros de visitantes e peregrinos ao longo deste ano.

O Goberno municipal vai enviar á Secretaría Xeral de Calidade e Avaliación Ambiental a solicitude de inicio do procedemento de avaliación ambiental estratéxica simplificada do "Plan especial de protección e rehabilitación da igrexa, hospital psiquiátrico e mosteiro de Conxo cos seus xardíns e hortas, zonas de acceso e núcleos da contorna (PE-1R)" formulado polo Consorcio de Santiago, segundo o acordado esta semana en Xunta de Goberno. Este plan, que contempla, entre outras actuacións a recuperación...

O alcalde, Xosé Sánchez Bugallo, e boa parte da Corporación Municipal asistiron aos actos con motivo da Ofrenda de Translación dos restos do Apóstolo Santiago, na que este ano oficiou como delegado rexio o presidente Xunta de Galicia, Alfonso Rueda Valenzuela.

A Xunta de Goberno, reunida en sesión extraordinaria, acordou hoxe solicitar as axudas para a redución, á metade dos prezos dos abonos e títtulos multiviaxes do servizo de transporte urbano de viaxeiros. No bono escolar o prezo por viaxe reduciríase de 0,40 a 0,20 euros; no bono ordinario pasaría de 0,60 a 0,30 euros; e o bono mensual, polo que actualmente se pagan 26 euros, costaría 13 euros.

Unhas 700 persoas pasaron hoxe pola Festa do Apego, que se desenvolveu ata as oito da tarde tarde no Auditorio de Galicia. Entre elas o alcalde de Santiago, Xosé Sánchez Bugallo, e o concelleiro de Políticas Lingüísticas, Rubén Prol. Unha celebración pensada para as crianzas de 0 a 6 anos e as súas familias, con propostas que afondan en valores como a dinamización da lingua galega, a educación en igualdade e o achegamento ás diferentes artes: danza, música, narración oral ou artes plásticas.

O precioso autobús inglés de dous pisos de Nadal sobre Rodas percorrerá do 4 de decembro ao 5 de xaneiro as diferentes rúas e prazas da cidade, que acollerán divertidos obradoiros de cociña e actuacións musicais de balde para animar as xornadas de compras de Santiago de Compostela!