XUNTA DE GOBERNO
A Xunta de Goberno aproba a cesión dunha parcela á Consellería de Sanidade para a construción do aparcadoiro do CHUS
A Xunta de Goberno local acordou hoxe a segregación da parcela municipal que xa alberga o Centro de Investigación de Medicina Molecular (CIMUS) e o Centro de Biomedicina Experimental de Galicia (CEBEGA), para a cesión da superficie restante de de 3.563,53 m2 ao SERGAS co fin de construír un espazo de estacionamento para os usuarios e usuarias do Hospital Clínico. O alcalde deu conta deste e doutros asuntos tratados en Xunta de Goberno nunha rolda de prensa que tivo lugar esta maña.
ALCALDÍA
Nova pista de voleibol en Conxo e en execución a renovación da pista de skate e o novo espazo de pumptrack
O alcalde sigue reivindicando para a zona de Santa Marta-A Choupana un novo aparcadoiro para o Hospital Clínico que de servizo ás miles de persoas "tamén de fóra do noso municipio que teñen o CHUS como hospital de referencia". Tamén en materia de servicios, cree necesaria a creación dunha nova gardería no barrio.
RELACIÓNS VECIÑAIS
O alcalde reúnese coa veciñanza de Vite
Sánchez Bugallo reuniuse xunto ao concelleiro de Obras e Mobilidade, Gonzalo Muíños con representantes da AAVV Monte de Deus e veciños da contorna de Vite de Abaixo. Alí puido coñecer de primeira man as deficiencias do barrio e as demandas dos veciños. Entre elas, un incremento da frecuencia horaria dos autobuses que chegan ata a parada sita na intersección entre a rúa Vite de Arriba e Vite de Abaixo, algo que "xa se está estudando desde Tussa para mellorar o servizo" segundo explicou Muíños.
PRAZA DE ABASTOS
O Concello destinará 520.000 euros á posta a punto da Praza de Abastos
O alcalde presentou esta mañá xunto ao concelleiro de Obras, Gonzalo Muíños, e o xefe do Servizo de Obras, Antonio Ranedo, o proxecto de reparación e mantemento da Praza de Abastos co que se substituirán as marquesiñas, os estores verticais e as portas corredizas das naves. Tamén se renovará a instalación eléctrica da torre e realizaranse actuacións de fontanería para emendar incidencias recorrentes no baño adaptado.
FESTAS E CENTROS SOCIOCULTURAIS
Arrancan as Festas do Entroido este sábado co desfile do Meco e o pregón de Talía Teatro
O tradicional desfile do Meco dará o pistoletazo de saída a un Entroido que recupera o desfile de disfraces tras o parón pola pandemia. Este sábado ás 20.00 h, o Meco partirá da praza do Obradoiro acompañado polos Conformistas de Conxo, A Ruliña de Laraño e Os Armatroulas de Laraño, ata quedar instalado no Pazo de Bendaña da praza do Toural, dende onte terá lugar o pregón de inicio das festas a cargo de Talía Teatro.
PLENO
O Pleno aproba de forma definitiva a modificación do PXOM sobre a regulación de usos
O Pleno aprobou de forma definitiva a modificación puntual do título III do Plan xeral de Ordenación Municipal (PXOM), cuxo obxectivo é preservar a función residencial da cidade, e, ao mesmo tempo, garantir a dotación dos usos e actividades complementarias, entre elas as vivendas de uso turístico ou VUT. Na sesión de hoxe tamén tomou posesión a nova concelleira Begoña Rodríguez.
COMERCIO E RELACIÓNS VECIÑAIS
O Concello premia as mellores decoracións de Nadal en escaparates e vivendas particulares
O CSC do Ensanche acolleu esta tarde ás 19:00 horas un acto de recoñecemento aos gañadores e gañadoras dos concursos de decoración de Nadal Veciñal e de Escaparates de Nadal, iniciativas lanzadas polo Concello de Santiago nas pasadas festas. O alcalde de Santiago, Xosé Sánchez Bugallo, xunto ao concelleiro de Relacións Veciñais, Gonzalo Muíños e á concelleira de Servizos Sociais, Mila Castro foron os encargados de entregar os premios. Sánchez Bugallo agradeceu a "participación e a...
CULTURA
O alcalde felicita a Luis Zahera logo de recibir o Goya a mellor actor de reparto por ‘As Bestas’
O actor, natural de Santiago -do barrio da Estila, na Avenida de Salamanca-, aproveitou o encontro co alcalde e a concelleira de Acción Cultural para "ofrecer o galardón á cidade", aínda que recoñeceu que a encargada de custodiar o cabezón será a súa tía, na cidade da Coruña "mira, un compostelán que garda os Goyas na Coruña, onde chegamos" chanceou Zahera a preguntas das xornalistas.
ACCIÓN CULTURAL
Volve o Festival Rosalía ás rúas compostelás para festexar o galego como "o noso superpoder"
O Festival, que terá lugar o venres 24 e o sábado 25, ofrecerá actividades para todos os públicos, con concertos, paseos literarios, un faladoiro, exposicións de traballos escolares e a feira de produtos rosalianos. O Concello de Santiago colabora nesta iniciativa organizada pola Deputación da Coruña e que se desenvolverá en varios espazos da cidade vella como a praza de Cervantes, o Teatro Principal, o CSC Maruxa e Coralia e o Colexio Maior de Santo Agostiño.
CONSORCIO
Últimos días para solicitar as axudas á rehabilitación de vivendas do programa 'Ter é Manter'
O Consorcio de Santiago lanzou o pasado mes de xaneiro un novo programa de axudas á rehabilitación dos elementos especiais de madeira e reixas e ao mantemento da envolvente exterior das vivendas da Cidade Histórica compostelá cun importe de 900.000 euros. As axudas destinadas a este fin poderán solicitarse ata o 20 de febreiro ás 14:00 h.