Noticias

A praza do Obradoiro acolleu este mediodía un minuto de silencio pola muller asasinada o pasado domingo na provincia de Alacante, vítima de violencia machista.

A Xunta de Goberno Local aprobou hoxe o o expediente de contratación das Obras para a creación dun espazo interxeracional no barrio de Sar en Santiago de Compostela, cun orzamento base de licitación de 128.267,49 euros. O espazo foi deseñado coa finalidade de que as persoas das xeracións máis novas e as de máis idade compartan coñecementos e experiencias en aras dun beneficio mutuo. É un xeito de reforzar a dimensión social deste parque, pensado para potenciar a empatía e comprensión entre xeracións,...

A Xunta de Goberno Local aprobou este luns, día 27 de marzo, a contratación da creación dun novo portal web, dunha APP municipal e da Intranet municipal todos eles vinculados a un novo sistema de información baseado na tecnoloxía emerxente Web 4.0. Este servizo sae a licitación por 299.916,88 euros.

O Encontro inaugurouse esta mañá no San Francisco Hotel Monumento cunha visita guiada á feira encabezada polo alcalde Xosé Sánchez Bugallo; o concelleiro de Turismo, Sindo Guinarte; o conselleiro de Medio Rural, José González; e os voceiros dos grupos municipais.

A zona infantil situada detrás do Centro Sociocultural de Lavacolla, chámase, desde hoxe, "Parque infantil de Janusz Korczak". O alcalde, Xosé Sánchez Bugallo, presidiu este mediodía o descubrimento da placa en homenaxe á memoria deste médico e educador polaco. É, segundo explicou o doutor Antonio Pombo, o primeiro espazo público do Estado Español en levar o nome de Janusz Korczak.

Este mediodía presentouse, no Centro Sociocultural Maruxa e Coralia da Cidade Histórico, o libro "Os alcaldes e as corporacións da II República en Santiago de Compostela". A publicación recolle, en máis de cen páxinas, as biografías de Raimundo López Pol, Francisco Vázquez Enríquez, Ánxel Casal Gosenge, e José Germán Fernández; asi como o funcionamento da vida municipal e o contexto social, económico e político no que desenvolveron as súas funcións. ...

O alcalde de Santiago, Xosé Sánchez Bugallo, participou hoxe nos actos de descubrimento de dúas placas en homenaxe os xornalistas Diego Bernal e José Luis Rey-Alvite. Con esta iniciativa da Asociación de Periodistas de Galicia (APG), secundada polo Concello, a cidade quere recoñecer a memoria e o legado destes dous importantes comunicadores composteláns.

O Concello cederá á Deputación o uso do edificio por 25 anos para a súa rehabilitación e transformación nun centro dotacional multiusos que incluirá un coworking da Deputación, oficinas municipais e provinciais e un auditorio de uso compartido que tamén estará á disposición da veciñanza da cidade histórica e de San Pedro.

O alcalde de Santiago, Xosé Sánchez Bugallo, fixo entrega esta mañá do título de fillo adoptivo de Santiago á familia do fotoxornalista Emilio Lavandeira Prieto. Ao acto asistiron a súa viúva e os seus fillos, que estiveron arroupados por familiares, amigos, compañeiros de profesión e membros da Corporación.

O alcalde de Santiago, Xosé Sánchez Bugallo, recibiu esta mañá o embaixador de Francia en España, Jean-Michel Casa, que asinou no Libro de Honra do Concello. No acto tamén estiveron presentes os voceiros municipais dos grupos socialista, popular e do BNG.