EDUCACIÓN
O vindeiro 2 de maio ábrese o prazo de inscrición para os obradoiros de verán e do curso 2024-2025 nas Escolas Infantís Municipais
As Escolas Infantís Municipais de Conxo, As Fontiñas e Meixonfrío-Salgueiriños, ofertan para este verán un total de 45 prazas dirixidas a nenos e nenas con idades comprendidas entre 3 e 8 anos. Tamén poderán solicitarse as prazas para os obradoiros que se desenvolverán ao longo do curso 2024-2025, desde setembro ata xuño. Para ambas modalidades o prazo de inscrición estará aberto desde o 2 ata o 10 de maio.
DEPORTES
Compostela acolle o I Torneo Tuxeleires de Rugby Inclusivo o vindeiro sábado 4 de maio
A Escola de Tempo Libre Don Bosco en colaboración co Barbanza Rugby Club e co apoio do Concello de Santiago organizan o vindeiro 4 de maio o I Torneo Tuxeleires de Rugby Inclusivo no estadio Verónica Boquete.
CENTROS SOCIOCULTURAIS
O experto Xesús Feás impartirá charlas sobre a velutina nos Centros Socioculturais do rural
A Concellaría de Centros Socioculturais pón en marcha un programa de charlas informativas sobre a avespa velutina, para achegarlle a veciñanza as claves para entender e xestionar a presenza desta especie invasora. Haberá sete encontros noutros tantos centros socioculturais do rural, o primeiro deles o próximo sábado, 4 de maio, no CSC da Grixoa.
FESTAS
Volven as Festas da Ascensión do 8 ao 12 de maio cun completo programa de actividades para todos os públicos
As festas de toda a veciñanza de Compostela arrancarán o vindeiro mércores 8 de maio e estenderase ata o domingo 12, cun programa repleto de concertos e actuacións musicais para todos os gustos, monicreques, drons e eventos deportivos, sen esquecer a vertente máis tradicional con citas como a comparsa de Cabezudos, o Torneo da Chave ou os Cantos de Taberna. A orquesta Panorama, Fillas de Casandra ou Billie Marten son algunhas das actuacións destacadas así como o concerto dos 40 e o Composfest que traerá a artistas locais como Dios Ke Te...
LINGUA
O mes de maio chega ao Espazo Apego con moitas ganas de troula
Maio en Compostela significa festa, e as da Ascensión son a celebración compostelá por excelencia, polo que as actividades do proxecto Apego vanse complementar coas que ofrecerá o programa das Festas que se pode consultar na web municipal. O prazo de inscrición na oferta do Espazo Apego xa está aberto.
CAPITAL CULTURAL
Pepón Nieto e Andrés Lima volven ao Auditorio de Galicia con ‘La comedia de los errores’
A Sala Ángel Brage do Auditorio acollerá este sábado unha nova revisión da primeira das comedias de Shakespeare que asina Albert Boronat. Pepón Nieto encabeza un elenco no que toman parte Antonio Pagudo, Fernando Soto, Rulo Pardo, Avelino Piedad e Esteban Garrido. As entradas para o espectáculo poden ser adquiridas na web de Compostela Cultura, no despacho de billetes da Zona C e no do Auditorio de Galicia
XUNTA DE GOBERNO
Luz verde ao expediente de contratación da xestión do servizo do Programa de Conciliación de Verán
A Xunta de Goberno deu luz verde ao expediente de contratación da xestión do servizo do Programación de Conciliación de Verán cun orzamento base de licitación de 120.848,75 euros. O executivo local tamén aprobou hoxe o prezo público para a Festa dos Maiores: 10 euros por persoa usuaria, e a adxudicación da organización deste evento á empresa CASA TABOADA SC por un importe total de 90.420 euros para os anos 2024 e 2025.
XUNTA DE GOBERNO
A Xunta de Goberno aproba o proxecto de reparación da cuberta do pavillón municipal Quiroga Palacios e concede a licenza de obras do antigo Hospital de Galeras
A Xunta de Goberno deu luz verde ao proxecto de reparación da cuberta do pavillón municipal Quiroga Palacios cun orzamento base de licitación de 379.438,39 euros e un prazo de execución previsto é de dous meses. O executivo tamén acordou á adxudicación do contrato da dirección facultativa das obras do Proxecto para a rehabilitación integral do pavillón municipal de Vite" por un importe de 43.318 euros e para as obras da senda peonil Rúa das Estrelas por 123.820 euros, así como a concesión da...
CENTROS SOCIOCULTURAIS
Máis prazas e máis actividades nos Clubs de Verán para a cativada dos Centros Socioculturais
A Concellaría de Centros Socioculturais pón en marcha os seus Clubs de Verán, que se desenvolverán no mes de xullo en 15 equipamentos da rede, 8 deles na zona urbana e 7 no rural. En total, ofértanse 425 prazas para nenos e nenas desde os tres ata os 18 anos, dependendo do centro e da actividade. O medio ambiente, as novas tecnoloxías, e a interculturalidade serán algunhas das temáticas sobre as que se traballe no marco deste programa. O prazo de preinscrición abre o 3 de maio.
CAPITAL CULTURAL
O Festival Plataforma chega á súa quinta edición levando as artes vivas a todos os recunchos de Compostela
O xoves 16 de maio da comezo a programación da V edición de Plataforma Festival de artes performativas en Santiago de Compostela. O músico Benxamín Otero en colaboración coa Coro da Ra son os encargados de abrir o festival ás 20.00 horas na Praza das Praterías de Santiago de Compostela. Neves Seara, Grace Schwindt, Mónica Valenciano, Nuria Vil, María Jerez, Nuria Sotelo e Luz Arcas, Juan Domínguez, Vasco Araújo, Russ e Ana Gesto completan o cartel desta edición que foi presentada esta mañá no...
