DEPORTE
Santa Isabel acolle a primeira fase do Campionato de España de seleccións autonómicas de fútbol femininas sub-15 e sub-17
Do 14 ao 15 de decembro, o Campo Municipal de Santa Isabel albergará a primeira fase do Campionato de España de fútbol de seleccións autonómicas femininas, nas categorías sub-15 e sub-17. Participarán as selección de Galicia, Estremadura e Castela e León.
NADAL
Compostela celebra o Nadal cunha programación chea de música, tradicións e actividades na rede de centros cívicos
Santiago celebrará o Nadal con máis de medio cento de actividades, espalladas por todo o municipio e organizadas desde diferentes departamentos municipais para atender a públicos diversos. O alcalde, Martiño Noriega, presentou hoxe a programación, que "se articula en torno ás datas máis relevantes das festas, que aposta por recuperar tradicións do Nadal como os cantos ou a figura do Apalpador e que pensa especialmente no público infantil".
ACCIÓN CULTURAL
A Banda Municipal presenta o disco conmemorativo do seu 170 aniversario nun concerto no Auditorio
A Banda Municipal de Música de Santiago presentará o próximo sábado, no Auditorio de Galicia, o disco co que conmemora o seu 170 aniversario. Será nun concerto presentado por Xurxo Souto, no que a formación dirixida por Casiano Mouriño estará acompañada por Treixadura e Cantigas e Agarimos.
EDUCACIÓN E CIDADANÍA
O Espazo Educativo e de Lecer "María Miramontes" acolle a actividade "Círculo Literario", con Suso de Toro
O concelleiro de Educación e Cidadanía, Manuel Dios, deu conta hoxe da primeira das actividades que o Espazo Educativo e de Lecer María Miramontes acollerá tras a súa inauguración. Trátase do Círculo Literario, "un proxecto innovador que permitirá que os alumnos e alumnas melloren a súa escrita, con catro encontros mensuais con Suso de Toro, que será o encargado da actividade", segundo apuntou o edil, que estivo acompañado na rolda de prensa polo escritor.
LINGUA
Música, contos, monicreques, maxia e unha gran festa no calendario do Apego deste mes de decembro
Durante o mes de decembro, o programa Apego ofrece de novo un completo calendario de actividades para os máis pequenos e pequenas da casa e as súas familias. Música, baile, xogos, contos, monicreques e maxia configuran un programa de lecer no que destaca a festa Apego, que se celebrará o 22 de decembro no Auditorio de Galicia.
ALCALDÍA
O alcalde apela á colaboración institucional no 25 aniversario da Declaración do Camiño Francés como Patrimonio da Humanidade
O alcalde, Martiño Noriega, fixo hoxe un chamamento a "seguir a liña marcada no Xacobeo do 93, no que a colaboración institucional e o esforzo conxunto das administracións conseguiron relanzar o fenómeno xacobeo e poñer en valor o Camiño de Santiago". Foi durante o acto de conmemoración do 25 aniversario da Declaración do Camiño Francés como Patrimonio Mundial da Humanidade pola UNESCO, celebrado hoxe no Centro Galego de Arte Contemporánea. O alcalde reivindicou a importancia deste...
FACENDA
Presentado o borrador dos orzamentos de 2019, que ascenden a 115,2 millóns de euros e incorporan investimentos de cidade
A concelleira de Economía e Facenda, María Rozas, deu conta hoxe do borrador de orzamentos para o vindeiro exercicio, que ascenden a 115,2 millóns de euros de orzamento consolidado (sumando os organismos autónomos Incolsa, TUSSA e o Auditorio, que xa aprobaron as súas contas) e supón "incrementar en case 10 millóns o orzamento do 2015". As contas xa foron presentadas a todos os grupos da oposición de cara a que poidan facer achegas antes de levalas a pleno.
ACCIÓN CULTURAL
A Mostra de Arte nos Escaparates "PaseArte" regresa ao Ensanche con obras de 60 artistas de primeira fila
Ata o 5 de xaneiro, pasear polo Ensanche será como percorrer a máis grande galería de arte contemporánea do país, grazas á Mostra de Arte nos Escaparates PaseArte. Nesta segunda edición, o programa permitirá exhibir obras de 60 artistas de primeiro nivel, grazas á colaboración entre a asociación de comerciantes Santiago Centro e as galerías Nordés, Trinta, Metro, Luisa Pita e Federica no era Tonta. O Concello tamén colabora coa mostra, que irá acompañada por actividades...
ALCALDÍA
Entregados os XXIV Premios Antonio Fraguas de Investigación sobre o Traxe Galego
O alcalde de Santiago, Martiño Noriega, presidiu o acto de entrega do Premio Antonio Fraguas de Investigación sobre o Traxe Galego. Francisco Collantes e José Luis Rodríguez, na modalidade descritiva, e David Quiñones, na analítica, foron os galardoados nesta edición.
EDUCACIÓN E CIDADANÍA
Amplíase o prazo para o Programa Municipal de Conciliación de Nadal ata o 17 de decembro
As actividades do Programa de Conciliación de Nadal están dirixidas a nenos e nenas con idades comprendidas entre os 3 e os 12 anos, e desenvolveranse os días 24, 26, 27, 28 e 31 de decembro de 2018, e 2, 3, 4 e 7 de xaneiro de 2019 no CEIP Monte dos Postes e no CEIP Raíña Fabiola, de alcanzarse o número mínimo de participantes requirido. A Concellería de Educación e Cidadanía ampliou o prazo de inscrición ata o luns 17 de decembro.