IGUALDADE
A cantante Xoana anima a celebración das xornadas do 8-M Artellando Feminismo 2021 cun concerto este venres
A cantante Xoana animará a celebración dos actos do 8-M, Día Internacional da Muller, en Santiago de Compostela. O seu concerto o venres 12 de marzo, ás 20.00h, no Teatro Principal, porá o peche dourado á primeira semana de actos das xornadas Artellando Feminismo 2021, organizadas pola Concellería de Igualdade do Concello de Santiago de Compostela ao longo do mes de marzo.
ACCIÓN CULTURAL
Preséntase womarts.net, unha plataforma en liña liderada polo Auditorio de Galicia para visibilizar os traballos das creadoras europeas
A concelleira de Acción Cultural, Mercedes Rosón, e Xaquín Lopez, xerente do Auditorio de Galicia, presentaron womarts.net, unha plataforma en liña que pretender servir de espazo para a visualización dos traballos de creadoras europeas e tamén dos seus perfís.
ALCALDÍA
O Concello plantará unha árbore por cada foto compartida con #1foto1arbore para celebrar o Día Internacional dos Bosques
O Concello de Santiago lanza a campaña "Cambia o mood: activa o modo bosque" para celebrar o Día Internacional dos Bosques o próximo 21 de marzo de 2021, unha data promovida polas Nacións Unidas. Esta campaña, que hoxe presentou o alcalde en rolda de prensa, acompañado do técnico de Emprego, Xavier Ferreiro, pretende difundir fundamentalmente entre a xuventude de Santiago de Compostela a relevancia dos bosques empregando as redes sociais e outras accións transmedia que buscan conectar os máis novos coa importancia dos...
SEGURIDADE CIDADÁ
Begoña del Río, galardoada coa Medalla ao Mérito da Protección Civil
A xefa da Agrupación de Voluntarios de Protección Civil e policía local de Santiago, Begoña del Río, recolleu esta mañá o galardón, que outorga o Ministerio do Interior, da man do delegado do Goberno en Galicia, Javier Losada.
CIDADES PATRIMONIO
O Grupo de Cidades Patrimonio da Humanidade e o Museo Nacional Thyssen-Bornemisza selan un acordo de unión para a promoción conxunta
O presidente do Grupo de Cidades Patrimonio da Humanidade e alcalde de Mérida, Antonio Rodríguez Osuna, asinou hoxe un convenio de colaboración con Evelio Acevedo Carrero, director da Fundación Colección Thyssen-Bornemisza, para promover actuacións conxuntas de promoción cultural e turística co obxectivo de contribuír á difusión do patrimonio cultural español, potenciar o posicionamento de marca de ambas as institucións e fomentar o coñecemento dos destinos do GCPHE e do Museo Nacional...
IGUALDADE
O parladoiro ‘Pensar o feminismo’ será un dos pratos fortes das xornadas Artellando Feminismo
Dentro do marco da celebración do 8-M, Día Internacional da Muller, o xoves 11 de marzo, ás 18.30h, celebrarase unha mesa redonda en liña con personalidades de referencia a nivel estatal que reflexiona sobre o papel do feminismo en época da covid-19 e reivindica a representación feminina en todos os ámbitos da sociedade política, económica, científica e cultural. A charla, incluída no programa Artellando feminismo organizado pola Concellería de Igualdade do Concello de Santiago, contará coa...
CONVENIOS
A Deputación da Coruña achega 200.000 para o financiamento de actividades no Centro Sociocultural do Ensanche e nos do rural
O alcalde de Santiago, Xosé Sánchez Bugallo, e o presidente da Deputación da Coruña, Valentín González Formoso, asinaron os convenios de colaboración en virtude dos cales a institución provincial achega 120.000 euros para cofinanciar o sostemento do Centro Sociocultural e Xuvenil do Ensanche e 80.000 para o programa de actividades dos centros socioculturais do ámbito rural durante o ano 2020.
DEPORTES
O pavillón municipal de Santa Isabel acollerá este vindeiro sábado 13 de marzo a Copa de Galicia de Loitas Olímpicas e os campionatos galegos de Grappling
A Federación Galega de Loita en colaboración co Club de Loita Stellae e o Concello de Santiago de Compostela organizarán este sábado a I Copa de Galicia de Loita Libre Olímpica, Loita Feminina e Grecorromana, que se desenvolverá en xornada de mañá, e o Campionato Galego de Grappling masculino e feminino, en xornada de tarde. En total, ambos eventos contarán con arredor de 180 participantes.
IGUALDADE
Preséntase a cuarta edición de "Reencontros nas parroquias", con roteiros, obradoiros de risa e de autocoidados, pezas audiovisuais e un encontro de mulleres no rural
A concellaría de Políticas de Igualdade pon en marcha o programa "Reecontros nas parroquias", enmarcado na segunda edición de Artellando Feminismo. Contemplan obradoiros de autocoidado, de risa, roteiros, creación de pezas audiovisuais e outros materiais de divulgación das actividades programadas, para rematar cun encontro de mulleres do rural. Todas estas actuacións desenvolveranse entre os meses de marzo e xuño nos centros socioculturais do rural: Lavacolla, Figueiras, Laraño, Marantes, Busto e Aríns.
POLÍTICAS SOCIAIS
Pulo ao Consello municipal de persoas maiores coa aprobación do seu regulamento en Xunta de Goberno local
A concelleira de Políticas Sociais, Mila Castro, deu conta en rolda de prensa da aprobación na Xunta de Goberno local de onte do regulamento do Consello municipal de persoas maiores de Santiago de Compostela, que regulará o funcionamento interno e a composición desta canle de comunicación entre o colectivo e a administración local para "unha mellor atención das súas inquedanzas".