FESTAS
Os Fogos do Apóstolo tinguiron de luz e cor o ceo compostelán
O espectáculo pirotécnico das Festas do Apóstolo do 24 de xullo lanzouse de xeito sincronizado desde tres localizacións, deixando unha fermosa estampa nocturna no ceo compostelán. A variedade de efectos e cores dos fogos artificiais e os diferentes escenarios de fondo lograron que veciñanza e visitantes puideran gozar dun espectáculo singular desde múltiples puntos da cidade.
FESTAS
A sexta edición do TradFest ofrece quince propostas folk en varios escenarios da cidade
O vindeiro domingo 28 xullo, dentro do programa das Festas do Apóstolo, celebrarase un ano máis o TradFest Compostela, unha celebración da música popular actual con concertos, feira de artesanía, ruadas e actividades que se desenvovlerán no parque e igrexa de san Domingos de Bonaval e na praza da Quintana. Este evento, producido por aCentral Folque e Nordesía conta co apoio do Concello de Santiago e de La Voz de Galicia.
MOBILIDADE
A Comisión Especial de Transporte Público en Vehículos de turismo avanza na análise da ampliación de licenzas de taxi en Santiago
O concelleiro de Mobilidade, Xan Duro, participou esta mañá na Comisión Especial de Transporte Público en Vehículos de Turismo (CEVT) do Consello Galego de Transportes, reunida para avanzar na análise da ampliación de licenzas de taxi solicitada polo Concello de Santiago.
XUNTA DE GOBERNO
A Xunta de Goberno aproba a nova Relación de Postos de Traballo do Concello co obxectivo de axilizar os procedementos administrativos
A nova RPT aproba hoxe crea unha sección especializada na xestión do gasto con catro unidades que permitirá aos departamentos municipais liberarse das tarefas de tramitación de gasto nas que non son especialistas para favorecer a rapidez e a axilidade no Concello. Nesta mesma Xunta de Goberno concéderon 18 licenzas de obra e resolvéronse as axudas ao bonotaxi.
XUNTA DE GOBERNO
O goberno local desbloquea o plan especial de Amio coa súa aprobación inicial e anuncia a construción do futuro parque de bombeiros nesa parcela
O Goberno local comunicou hoxe que o futuro parque de bombeiros construirase nunha parcela municipal situada na avenida do Cruceiro da Coruña, renunciando á estrutura de Salgueiriños inicialmente pensada para ese fin. Esta decisión responde a "razóns de funcionalidade e seguridade", tal e como se recolle nas comparativas realizadas sobre as dúas localizacións posibles e no anteproxecto das instalacións do que xa dispón o Servizo Municipal de Extinción de Incendios. O anuncio prodúcese despois de que a Xunta...
PLENO
O concelleiro de Urbanismo e Vivenda avanza nas políticas públicas de vivenda co estudo do mercado tensionado: "Non agardamos de brazos cruzados"
O concelleiro de Urbanismo e Vivenda, Iago Lestegás, explicou no pleno ordinario deste mes de xullo os pasos que deu o goberno local no marco das políticas públicas de vivenda que está a impulsar e que é un dos eixos deste mandato. Así, avanzou que xa está en marcha o estudo sobre o mercado residencial que realiza o Grupo de Estudos Territoriais da Universidade da Coruña. Precisamente, este xoves mantivo unha reunión no Pazo de Raxoi con dous integrantes deste grupo de investigación, no que puideron analizar os primeiros...
FESTAS
Lucía Freitas abre as Festas do Apóstolo cun pregón cheo de amor por Santiago ao son dunha gran foliada popular
A cociñeira Lucía Freitas inaugurou esta nova edición das Festas do Apóstolo desde o balcón do Pazo de Raxoi, ante unha praza da Obradoiro na que se congregaron veciñanza e visitantes para bailar e gozar ao ritmo das gaitas e as pandeiretas. A pregoeira transmitiu nas súas palabras o seu amor por Compostela e as súas xentes a través da súa aposta por unha gastronomía que fusiona raíces e vangarda e da defensa dos nosos produtos locais e do labor das mulleres do sector primario.
FESTAS
O pregón de Lucía Freitas inaugura as Festas do Apóstolo ao son dunha foliada aberta a toda a veciñanza
As Festas do Apóstolo 2024 botan a andar mañá, venres 19, cun pregón a cargo da cociñeira compostelá Lucía Freitas, que terá lugar ás 21.30 h desde o balcón do Pazo de Raxoi e que estará amenizado por unha foliada colectiva na praza do Obradoiro a partir das 20:30 horas á que está convidada toda a veciñanza. A praza do Quintana acollerá a continuación o concerto de Dakidarría, unha banda galega que fusiona ska, reggae, punk-rock e ritmos urbanos cheos de enerxía.
FESTAS
Chaián celebra este domingo a XLVIII Festa do Escalo
A Festa do Escalo de Chaián vénse celebrando desde hai máis de 40 anos, e inclúe o xa tradicional concurso de pesca de ciprínidos, así como unha concorrida festa gastronómica e posterior baile. Esta xornada conta co apoio do Concello de Santiago polo que está incluída no programa de Festas do Apóstolo 2024.
ECONOMÍA E FACENDA
O concelleiro de Facenda anuncia o expediente de remanentes por 6,7 millóns co foco nas necesidades urxentes do Concello e as políticas de vivenda
O concelleiro de Facenda, Manuel César Vila, informou hoxe do expediente de utilización de remanentes que o Goberno local vai levar ao Pleno extraordinario do 31 de xullo e para o que agarda contar co apoio maioritario do resto de forzas da corporación municipal. Na súa intervención, lembrou que o Concello fixo "un esforzo" nas últimas semanas para pagar as facturas, incluidas as obrigas pedentes de aplicar (OPA), de xeito que parte dos remanentes foron empregados para este fin.