Noticias

A Xunta de Goberno deu hoxe luz verde a 32 subvencións por unha contía total de 86.924,42 euros dirixidas a asociacións veciñais da cidade para o desenvolvemento de programas e actividades de interese xeral. Na sesión ordinaria desta mañá tamén se aprobaron dous proxectos para levar a cabo as obras de mellora e acondicionamento dos locais socioculturais de Enfesta e Villestro, cun orzamento total de 182.120,69 euros, ao abeiro do plan POS+ 2021 da Deputación de Coruña.

Con motivo do inicio do curso, a alcaldesa, Goretti Sanmartín, e a concelleira de Educación, Míriam Louzao, visitaron esta mañá o Colexio de Educación Infantil e Primaria Quiroga Palacios e a Escola de Educación Infantil do Gaioso, acompañadas polos membros das directivas dos centros e das ANPAS. Hoxe tamén arrancan os servizos de comedor e madrugadores que ofrece o Concello aos máis de 1.100 inscritos e inscritas.

A Xunta de Goberno acordou, nunha sesión extraordinaria, a substitución de doce vehículos adscritos ao servizo de transporte urbano por outros tantos vehículos que serán facilitados pola actual concesionaria. Está previsto que os autocares empecen a operar nas próximas semanas.

Monbus Obradoiro continuou coas presentacións das incorporacións que realizou para a tempada 2023-2024. Artem Pustovyi, que xogou no Barça, Dreamland Gran Canaria e UCAM Murcia, regresa ao que foi a súa casa durante tres anos. Na sala de prensa do Concello de Santiago ofreceu as súas primeiras palabras nesta segunda etapa como obreiro nunha rolda de prensa que contou coa presenza da concelleira de Deportes, Pilar Luieiro.

O Clúster Alimentario de Galicia, coa participación de once empresas socias, inaugura o vindeiro martes un espazo de promoción conxunta na Nave 6 do Mercado de Abastos de Santiago, que poderá visitarse ata o 19 de setembro. O obxectivo desta acción promocional que conta co apoio do Concello de Santiago, é dar a coñecer os produtos destas empresas galegas entre profesionais da hostalaría, consumidores habituais e turistas.

A concellería de Dereitos e Servizos Sociais vén de aprobar a concesión dun total de 1.451 axudas na convocatoria de bolsas de comedor, adquisición de material escolar e realización de actividades extraescolares para o curso 2023-2024. A estas axudas destínase un orzamento total de 795.000 euros.

A partir do luns 11 de setembro, ponse en marcha a tempada de inverno nos horarios do servizo de transporte urbano da cidade.

A oitava cita desde ciclo abordará o tema do turismo sostible e responsable cos territorios e as persoas, nunha sesión que terá lugar vindeiro 19 de setembro ás 10h no Espazo galego da Creatividade. Os Encontros Emprendedores presentan iniciativas innovadoras en liña cos eixos da Axenda Urbana 2030, que dan resposta aos retos identificados pola cidadanía de cara aos vindeiros anos. A inscrición é gratuita e aberta a todas as persoas interesadas.

A AECC Santiago co apoio do Concello pon en marcha, por segundo ano consecutivo, a andaina En Marcha Contra o Cancro que terá lugar o 23 de setembro na Alameda a partir das 10:00 horas. No mesmo espazo tamén se celebrará a feira divulgativa Ciencia para todos para conmemorar o Día Mundial da Investigación Contra o Cancro. As persoas interesadas poderán inscribirse ata o 22 de setembro e todos os fondos recadados destinaranse a apoiar a investigación en cancro e os pacientes e as súas familias.

O gasto medio dun participante nun congreso foi de 355 euros ao día no 2022.