EDUCACIÓN
Encontro con estudantes do Colexio Compañía de María participantes nun programa europeo de intercambio
O concelleiro de Educación, Manuel Dios, xunto con outros representantes da Corporación municipal, recibiu un grupo de alumnos e alumnas do Colexio Compañía de María de Santiago. Os mozos e mozas deste colexio participarán no segundo encontro COME! 2017-2018, dentro do Erasmus + da Unión Europea, .
ACCIÓN CULTURAL
As Xornadas de Música Contemporánea 2017 ofrecen 18 concertos e inciden na confluencia da música con outras artes
Baixo a premisa de promover e difundir as últimas tendencias e contribuír á innovación na contorna musical, as Xornadas de Música Contemporánea congregarán un ano máis en Santiago a artistas e formacións referenciais da música de culto e de vangarda. Do 7 de outubro ao 25 de novembro, diversos espazos da cidade como o Auditorio de Galicia, o Paraninfo e a Igrexa da Universidade, o CGAC ou o Teatro Principal servirán de escenario aos 18 concertos que se inclúen na programación deste ano.
DESENVOLVEMENTO ECONÓMICO
Máis de medio cento de colectivos participarán na Mostra do Posible de Cangas, presentada este xoves en Compostela
O Concello de Santiago acolleu hoxe a presentación da Mostra do Posible, un encontro de colectivos da economía social e movementos sociais que procuran un mundo máis xusto, e que se celebrará os días 7 e 8 de outubro en Cangas. A concelleira de Igualdade, Desenvolvemento Económico e Turismo, Marta Lois, exerceu de anfitrioa nunha rolda de prensa na que participaron o coordinador da mostra, David Esperón; a coordinadora da Rede de Solidariedade Popular de Vigo, Elisa Pérez; e as actrices Marta Pérez e Mónica Caamaño.
ALCALDÍA
Martiño Noriega recibiu o alumnado do Máster en Deseño Arquitectónico da Universidade da Coruña
O alcalde, Martiño Noriega, recibiu os/as participantes no Máster en Deseño Arquitectónico, organizado pola Escola Técnica Superior de Arquitectura da Universidade da Coruña.
TURISMO
O Tren Turístico estrea a "Ruta dos Parques"
O Tren turístico de Santiago contará cunha segunda ruta que, con inicio e chegada no Obradoiro, percorrerá os principais parques da cidade. Esta nova ruta terá seis frecuencias ao día, saíndo ás 10:00, 11:30, 13:00, 16:00, 17:30 e 19:00 horas. O percorrido ten unha duración aproximada de 70 minutos. A nova ruta comeza a funcionar mañá venres 29 de setembro.
EDUCACIÓN E CIDADANÍA
Recepción en Raxoi a alumnado do colexio alemán Carl Benz Gymnasium
O concelleiro de Educación, Manuel Dios, recibiu un grupo de alumnos e alumnas do colexio alemán Carl Benz Gymnasium, de Ladenburg, unha vila situada ao norte do Estado de Baden-Württemberg, no val do alto Rin. Xunto a eles estiveron escolares do Colexio Manuel Peleteiro, cos que manteñen un intercambio.
MEDIO AMBIENTE
A campaña "Porta a Porta" permitiu a recollida de 190 toneladas de vidro
O concelleiro de Medio Ambiente, Xan Duro, xunto coa directora xeral de Calidade Ambiental e Cambio Climático, María Cruz Ferreira, e o xerente de Ecovidrio en Galicia, Germán Fernández, entregou os premios da campaña Porta a Porta, de recollida de vidro para reciclaxe en locais de ocio. A edición deste ano permitiu a recollida de 190 toneladas de vidro entre os meses de maio e agosto.
ALCALDÍA
Minuto de silencio pola última vítima mortal da violencia machista
A praza do Obradoiro acolleu un minuto de silencio para condenar o último asasinato machista, que deixou este luns unha vítima na localidade de Canteras, en Cartagena (Murcia).
MEDIO AMBIENTE
O CIAC programa un relatorio sobre a avespa velutina e un obradoiro sobre cosmética natural
O Centro de Interpretación Ambiental de Compostela (CIAC) continúa en outubro co seu programa de actividades. Este mes están previstos un relatorio sobre a avespa velutina, un obradoiro sobre cosmética natural e o habitual roteiro polo parque de Belvís.
MOBILIDADE
Persoeiros da televisión, o cine ou o deporte "póñense no lugar" das persoas con mobilidade reducida
Por segundo ano consecutivo, o Concello de Santiago e Cogami colaboraron na organización dun roteiro en cadeira de rodas pola cidade, baixo o lema "Ponte no meu lugar". O obxectivo da iniciativa, enmarcada na Semana da Mobilidade, é "mostrar que nas nosas rúas temos moitas máis barreiras das que apreciamos a simple vista, e que os problemas de accesibilidade non se solucionan unicamente con rebaixes nas beirarrúas".