Noticias

O salón verde da Casa do Concello acolleu a constitución do Consello Aesor de Condecoracións. O alcalde de Santiago, Xosé Sánchez Bugallo, presidiu o acto de formación deste órgano, do que nesta lexislatura forman parte o concelleiro de Presidencia, Relacións Institucionais e Turismo, Sindo Guinarte; e os concelleiros José Antonio Constenla, do Partido Popular; Martiño Noriega, de Compostela Aberta, e Navia Rivas, do Bloque Nacionalista Galego, ademais do secretario municipal, José Ramón Alonso.

A Real Filharmonía de Galicia ofrece esta semana dous concertos. O primeiro terá lugar este xoves no Auditorio de Galicia, ás 20:30 horas. O venres, a orquestra desprazarase a Ferrol, onde tocará no Auditorio da cidade, tamén ás 20:30 horas, no marco da colaboración que a RFG mantén coa Sociedade Filharmónica Ferrolá. O mestre Jonathan Webb, principal director convidado da Real Filharmonía de Galicia dende outubro de 2016, dirixirá ambos concertos.

"Desveladas" é o título do novo ciclo de obradoiros para mulleres do rural, que dá continuidade ao exitoso programa de igualdade que dende o 2016 se vén desenvolvendo nos centros socioculturais das parroquias de Compostela. Os talleres realizaranse o longo dos meses de febreiro, marzo e abril en Lavacolla, Figueiras, Laraño, Marantes, Busto, Aríns, Marrozos, A Barciela, Cesar e Lamascal. Estas tres últimas parroquias incorpóranse nesta edición.

O alcalde, Xosé Sánchez Bugallo, e a concelleira de Urbanismo, Mercedes Rosón, recibiron este martes o fundador e presidente da Fundación RIA, o arquitecto británico David Chipperfield. Esta entidade, que naceu centrada no ámbito do Barbanza e da Ría de Arousa, busca expandir o seu alcance situando a súa sede en Santiago de Compostela. O Concello propúxolle para a mesma o inmoble que no seu día foi a sede da Mancomunidade comarcal, na rúa das Oblatas, a carón do Sarela.

O alcalde de Santiago, Xosé Sánchez Bugallo, e a concelleira de Políticas Sociais, Mila Castro, reuníronse co secretario xeral da Unión de Consumidores de Galicia, Miguel López, e cunha das vogais da entidade, Rocío Arnoso.

A Xunta de Goberno, na súa sesión ordinaria deste luns, aprobou o proxecto de acondicionamento dunha parcela da rúa de Triacastela para convertelo nun estacionamento en superficie. Na sesión tamén se acordou a prórroga do Servizo de Axuda no Fogar e autorizáronse novas actuacións para impulsar a sede electrónica municipal.

O alcalde de Santiago, Xosé Sánchez Bugallo, reuniuse coa Fundación laboral da Construción.

Artistas como Guadi Galego, Luís Fercán, Yoli Saa, Jorge Casal, Xabier Vizcaíno, Vicky Gastelo ou Adriana Moragues participarán este venres, 7 de xaneiro, no II Concerto Benéfico NormalizAutismo. A recadación deste evento, que se celebrará no Teatro Principal, irá destinada integramente ao desenvolvemento de campañas informativas e de sensibilización para a visualización e mellor comprensión das afeccións que acompañan ao trastorno espectro autista.

O Consorcio de Santiago ten en marcha unha nova convocatoria do programa Ter é manter, dirixido ao mantemento e mellora da eficiencia enerxética da envolvente exterior dos edificios da cidade histórica de Santiago, que inclúe ademais as actuacións sobre os elementos especiais de madeira e reixas. O organismo interadministrativo destinará a esta convocatoria un importe global de 300.000 euros. O prazo para solicitar estas axudas remata o vindeiro 2 de marzo.

A Xunta de Goberno aprobou este martes o estudo de detalle do ámbito das vivendas de San Ignacio de Loyola. Este documento resolve a accesibilidade destes dous edificios de vivendas, mediante a instalación de ascensores e tamén supón a mellora da envolvente dos mesmos. Ademais, grazas a unha ordenanza agora en preparación, a veciñanza poderá acceder a unha convocatoria de axudas para a rehabilitación das súas vivendas.