TURISMO
Apróbase o Plan Estratéxico da Asociación de Municipios do Camiño, da que forma parte o Concello de Santiago
O concelleiro de Presidencia, Relacións Institucionais, Turismo e delegado do Ano Santo, Sindo Guinarte, asistiu hoxe na localidade leonesa de Sahagún á reunión da comisión executiva da Asociación de de Municipios do Camiño de Santiago na que se espuxo, debateu e se aprobou o Plan Estratéxico da AMCS, presentado pola nova secretaría técnica que desempeña a Fundación Santa María La Real.
ALCALDÍA
O Concello homenaxea ao veterinario Juan Rof Codina polo Día da Ciencia
O parque das Ciencias acolleu esta mañá un acto de homenaxe ao impulsor da veterinaria en Galicia e España, Juan Rof Codina, co gallo do Día da Ciencia. Ao evento, organizado pola Real Academia Galega de Ciencias (RAGC) en colaboración co Concello de Santiago, asistiron o alcalde de Santiago, Xosé Sánchez Bugallo; o presidente da RAGC, José Manuel Lema Rodicio; membros da Corporación municipal e familiares do homenaxeado.
SEGURIDADE CIDADÁ
A concellería de Seguridade Cidadá e a Policía Local poñen en marcha un ciclo de charlas sobre lecer nocturno para a mocidade compostelá
Estas charlas didácticas xurden como resposta ao incremento de condutas incívicas asociadas directa e indirectamente ao lecer nocturno que a Policía Local vén detectando nos últimos meses. Esta actividade están deseñada especificamente para mozos e mozas con idades comprendidas entre os 16 e os 17 anos que están a ter o seu primeiro contacto co lecer nocturno.
ACCIÓN CULTURAL
A Escola de Música de aCentral Folque arranca un novo curso con actividades para todos os públicos
O xoves 6 de outubro comeza un novo curso regular da Escola de Música d’aCentral Folque, que xa leva 22 anos de ensino en músicas populares galegas. Haberá aulas para todos os públicos e inquietudes en especialidades coma baile, zanfona, violín, gaita, canto, frautas, percusións, solfexo, análise musical de cancións tradicionais…A partir de xaneiro do 2023 haberá unha morea de cursos monográficos especiais que foron presentados en rolda pola concelleira de Acción Cultural, Mercedes Rosón, e polo coordinador do...
FESTAS
O Concello colabora coa Xunta de Confrarías para promocionar a Semana Santa de Santiago
O Concello de Santiago e a Xunta de Confrarías de Semana Santa de Santiago asinaron esta mañá un convenio de colaboración que permitirá sufragar as actividades e promoción levadas a cabo durante a Semana Santa de 2022. Ao acto de sinatura, que se celebrou esta mañá no pazo de Raxoi, acudiron o alcalde de Santiago, Xosé Sánchez Bugallo e o presidente da Xunta de Confrarías, José Ramón Muñiz Ramos.
ACCIÓN CULTURAL
O XXVII Festival Galicreques, no que colabora o Concello de Santiago, ofrecerá máis de 50 funcións da man de 26 compañías e artistas
O Festival Internacional Galicreques, que se celebrará en Santiago entre o 8 e o 16 de outubro, contará con cinco estreas absolutas, cinco espectáculos inéditos en Europa e unha sección dirixida ao público adulto chamada 'Cara BÉ'. Ademais, compañías procedentes de Uruguai, Arxentina, Portugal, Perú, Turquía, Brasil ou Italia pasarán por un Galicreques que concederá o seu premio de honra 2022 á formación arxentina Tres Tigres Teatro.
IGUALDADE
Minuto de silencio pola última vítima mortal de violencia machista
A praza do Obradoiro acolleu esta mañá un minuto de silencio pola muller asasinada o pasado 20 de agosto na provincia de Madrid, vítima de violencia machista.
TURISMO
Turismo de Santiago reúnese cos responsables das Oficinas Españolas de Turismo dos principais mercados internacionais
A entidade municipal continúa co traballo de promoción internacional da cidade para consolidar a reactivación dos principais mercados emisores que xa se está producindo neste 2022.
ACCIÓN CULTURAL
O Concello homenaxea a Xohana Torres cunha escultura inspirada nos seus versos
O alcalde de Santiago, Xosé Sánchez Bugallo, e as concelleiras de Acción Cultural, Mercedes Rosón, e de Medio Ambiente, Mila Castro, asistiron esta tarde no parque do Cancelón de Sar á inauguración da escultura en homenaxe á escritora compostelá Xohana Torres. A peza, obra da artista María Xosé Díaz, pretende recoñecer o seu papel fundamental na poesía galega da posguerra así como o seu compromiso coa lingua e literatura galega, especialmente durante os anos dos franquismo.
XUNTA DE GOBERNO
A Xunta de Goberno Local inclúe no POS+ da Deputación da Coruña, a instalación de novos equipos informáticos nos Centros Socioculturais do rural nos que aínda non se renovaron
A Xunta de Goberno Local, reunida en sesión extraordinaria e urxente, acordou hoxe a participación do Concello de Santiago no "Plan provincial de cooperación ás obras e servizos de competencia municipal (Plan único de concellos) "POS+ ADICIONAL 2/2022" da Deputación Provincial da Coruña; que conta cunha achega de 750.263,70 euros.
