Noticias

O CSC Maruxa e Coralia abriu hoxe as súas portas para toda a veciñanza do casco histórico nun novo espazo renovado na praza Salvador Parga que substitúe o antiguo local situado na rúa Santa Cristina. O alcalde de Santiago, Xosé Sánchez Bugallo, e a concelleira de Acción Cultural, Mercedes Rosón, acompañados do historiador Ricardo Gurriarán e Carmen Amalia Rabuñal, representante da Asoc. Cultural San Martiño Pinario, inauguraron esta tarde ás 18 horas as novas instalacións.

A praza do Obradoiro acolleu este mediodía un minuto de silencio polas dúas mulleres asasinadas en Málaga e Móstoles, vítimas de violencia machista e pola nena asasinada en Móstoles, vítima de violencia vicaria.

O BOP da provincia da Coruña publica hoxe as bases da convocatoria de concesión das axudas do programa de dinamización e incentivación do consumo no comercio e hostalería local "Bonos Corazón Compostela 2022"; aos que o Concello de Santiago destina 1.250.000 euros. As personas interesadas poden descargalos desde hoxe, 8 de novembro, ata o 10 de decembro de 2022, ambos inclusive, salvo esgotamento previo do seu saldo. No caso dos establecementos que desexen adherirse ao programa teñen de prazo desde hoxe ata o 30 de novembro.

‘Prende o galego. Brilla con luz propia’ é o lema co que se presenta este ano o premio Manuel Beiras ao uso do galego na empresa. O 19 de decembro celebrarase no Teatro Principal a partir das 20.00h a gala de entrega de premios ás empresas que o xurado elixa, nunha convocatoria co obxectivo de "dar a coñecer e espallar a utilidade que ten o galego, tamén como lingua instrumental no ámbito mercantil" destacou o concelleiro de Políticas Lingüísticas.

Youtubeiras, proxecto organizado polos servizos de normalización lingüística de doce concellos, entre eles Santiago de Compostela; polas tres universidades galegas e pola Deputación da Coruña co obxectivo de fomentar a creación no Youtube en galego con temáticas e formatos diversos, pechará o próximo martes, 15 de novembro, o prazo de inscrición para a sexta edición dos seus premios.

Como punto de inicio deste encontro organizado por Espazocoop, os asistentes completaron esta mañá unha etapa do Camiño de Santiago e foron recibidos a continuación no Pazo de Raxoi polo alcalde de Santiago, Xosé Sánchez Bugallo. Na recepción tamén participou a conselleira de Promoción de Emprego e Igualdade da Xunta de Galicia, María Jesús Lorenzana, así como a presidenta de EspazoCoop, Ana Olveira, e o presidente de COCETA, Luis Miguel Jurado.

A Xunta de Goberno Local aprobou hoxe a adxudicación de obras de pavimentación en varios viarios secundarios e interiores de distintas parroquias da zona rural, por un importe total de 270.244,47 euros. Son un total de tres contratos da concellaría de Medio Rural que dirixe José Manuel Pichel, financiados con cargo ao "Plan provincial de cooperación as Obras e Servizos de competencia municpal POS +" da Deputación da Coruña. Beneficiaránse destas actuacións un total de 7 parroquias: Verdía Marantes, A Gracia,...

O concelleiro de Presidencia, Relacións Institucionais e delegado do Ano Santo, Sindo Guinarte, recibiu no Pazo de Raxoi a un grupo de 32 alcaldes, todos eles integrantes da Asociación de Municipios do Camiño de Santiago (AMCS), encabezados por Enrique Maya, alcalde de Pamplona presidente da entidade, da que forma parte o Concello de Santiago de Compostela.

'Ti tes a Chave', campaña coa que o Concello de Santiago pon en marcha o seu Plan de Xestión de Materia Orgánica e promove a compostaxe, vén de instalar o primeiro punto fixo de recollida dos ‘kits de benvida’ no Centro Sociocultural de Fontiñas. Deste xeito, 'Ti tes a Chave' dá un paso máis ao poñer á disposición da cidadanía un espazo continuo para facer entrega destes packs de iniciación e a chave que abre os colectores marróns. Dende o arranque da campaña, máis de...

Esta mañá inauguráronse dúas novas inscricións no Xardín das Pedras que Falan, anexo á Fonseca, debidas ao poeta galego José Ángel Valente e ao poeta sirio Adonis, dous autores que "comparten universalidade", segundo destacou o alcalde. No acto de inauguración tamén contou coa presenza da concelleira de Acción Cultural, Mercedes Rosón; o reitor da USC, Antonio López; o poeta Claudio Rodríguez Fer, en condición de director da Cátedra Valente de Poesía e...