Noticias

Leva unha planta! é a iniciativa coa que o Concello de Santiago pretende dar unha segunda primavera ás plantas dos xardíns municipais de tempada de verán que, coa chegada do frío, se estragarían. No primeiro repartimento de plantas, desde a Alameda, en apenas 20 minutos distribuíronse 600. O vindeiro luns retomarase a partir das 12.30 h e a semana que vén tamén se establecerá unha tarde para que aquelas persoas que non estean libres en horario de mañá, poidan pasar recoller a súa planta.

O Xulgado do Contencioso-Administrativo número 1 de Santiago de Compostela acaba de ditar unha sentenza pola que, a instancia do Ilustre Colexio de Enxeñeiros Industriais de Galicia, anula a licencia de obras que o Concello de Santiago concedeu a Carburantes Lugo S.L. para a construción dun edificio comercial e unha unidade de subministro de carburantes no Paseo de Esvedro- Paseo de Amaia, en Brandía.

O Concello estudará a sentencia pero, en principio, descarta o recurso.

Turismo de Santiago desenvolveu este ano una estratexia específica de Comunicación e Marketing do proxecto, prestando especial atención a sostibilidade. Este Plan é finalista aos premios SICTED dentro da categoría de Mellor Proxecto de Mellora de Destino. Estes galardóns serán entregados na vindeira edición de Fitur, que se celebrará en Madrid do 18 ao 22 de xaneiro.

A maior feira virtual de talento e emprego, Talentia Summit 2022, abre desde hoxe o prazo para reservar unha das 15.000 prazas dispoñibles na ampla oferta de actividades. A feira virtual estará aberta desde o 14 ata o 18 de novembro, con une elevado número de empresas activas, e miles de prazas gratuítas en formación online dispoñibles a golpe de click. Unha aposta por potenciar o talento local que foi presentada esta mañá polo alcalde de Santiago, Xosé Sánchez Bugallo, acompañado polo responsable do Departamento de...

"Cada día máis seguros" é o lema do Departamento de Educación Viaria da Policía Local para este curso 2022-23, no que levará as súas campañas e actividades a colexios e institutos da cidade. Un ano máis, estas actividades pretenden achegar a seguridade viaria ao alumnado de primaria, ESO e bacherelato do concello. Tamén se prevé a realización de accións neste ámbito dirixidas ás persoas con discapacidade e aos maiores.

A Xunta de Goberno, reunida en sesión extraordinaria, aprobou hoxe o borrador de dous convenios co Obradoiro Club de Amigos Baloncesto SAD, por 120.000 euros; e co Club Victoria de Santiago de Compostela, por 12.000 euros.

O alcalde de Santiago, Xosé Sánchez Bugallo, e as concelleiras de Acción Cultural, Mercedes Rosón, e de Políticas Sociais, Mila Castro, asistiron esta tarde na nova praza remodelada na confluencia entre a rúa dos Concheiros, a Avenida Rodriguez de Viguri e a rúa Berlín á inauguración da escultura en homenaxe a Exeriao. A peza, obra da artista Soledad Pite Sanjurjo, pretende evocar a figura da que está considerada como a primeira peregrina hispana.

A Xunta de Goberno Local, reunida en sesión extraordinaria, aprobou a ampliación, en 130.000 euros, da dotación orzamentaria destinada as bolsas de comedor, á adquisición de material escolar e á realización de actividades extraescolares para o alumnado dos centros docentes públicos e privados concertados de Educación Infantil (segundo ciclo) e de Educación Primaria, que neste curso 2022-2023 conta cun presuposto de 665.000 euros. Con este incremento, a cantidade destinada a axudas a través deste programa ascende a ...

Leva unha planta! é a iniciativa coa que a Concellería de Parques e Xardíns pretende darlle unha nova vida de flor ás plantas dos parterres e parques municipais. Organizarase un primeiro gran reparto de preto de 500 flores a partir do venres 11 ás 11.00h no Paseo dos Leóns da Alameda, onde as veciñas e veciños poderán recoller a súa planta e levala para o seu domicilio: "queremos encher as casas de toda a veciñanza de cores" explicou a concelleira Mila Castro.

Turismo de Santiago participa esta semana na WTM de Londres, a feira máis importante do mercado británico, que ten lugar en Londres entre o 7 e o 9 de novembro. Nesta feira turística participan máis de 50.000 profesionais do sector. Arredor do 50% deles son británicos, pero tamén hai unha importante presencia de profesionais europeos e asiáticos.