Noticias

O alcalde de Santiago, Xosé Sánchez Bugallo; a concelleira de Medio Ambiente, Mila Castro; e técnicos municipais e de Urbaser mantiveron esta mañá unha nova xuntanza coas asociacións de hostalería para tratar o sistema de recollida de residuos ‘porta a porta’, a primeira logo dos axustes introducidos hai cinco días.

O concelleiro de Obras, Gonzalo Muíños e a concelleira de Urbanismo, Mercedes Rosón, confían en poder "sacar adiante" a nova proposta para acometer a segunda fase entre Castrón Douro e Sar por un importe estimado de 858.303,81 euros (IVE incluído). Con esta obra dáselle continuidade á renovación acometida na Fase I da intervención, que supuxo a mellora do firme e canalizacións de Castrón Douro e Patio de Madres.

Turismo de Santiago deseña un catálogo de oito sendas naturais para facer andando desde a cidade e poñer en valor turístico o inmenso patrimonio natural de Compostela.

A Concellaría de Educación publica hoxe a listaxe de admitidos e de agarda do Programa Municipal de Conciliación de Semana Santa 2023 que se desenvolverá os días 3, 4, 5 e 10 abril de 2023 nos CEIPs Quiroga Palacios e Monte dos Postes.

A Xunta de Goberno local aprobou onte a memoria programática e económica do XVI Certame de Danza Intercentros 2023, por un importe de 7.533,34 €. Esta cita da cativada e a mocidade coa danza, terá lugar o vindeiro 11 de xuño no Auditorio de Galicia e contará coa participación de arredor dun cento bailaríns e bailarinas.

O alcalde de Santiago, Xosé Sánchez Bugallo, presidiu esta tarde a constitución do Consello de relacións veciñais, e deu a benvida os novos representantes. Trátase dun órgano que ten por obxecto canalizar a particiación cidadá a través de reunións periódicas.

O alcalde de Santiago, Xosé Sánchez Bugallo, mantivo hoxe un encontro cun grupo de alumnos e alumnas de sexto de primaria do CEIP Pío XII. Respondendo ás preguntas dos cativos, o rexedor explicoulles cales son as funcións dun alcalde e como se "constrúe" unha cidade "paso a paso" a través do deseño de proxectos e a aplicación de distintos programas, así como os retos de futuro aos que debe facer fronte a capital de Galicia.

A Xunta de Goberno Local, reunida en sesión ordinaria, aprobou o proxecto de execución da rede "Itinerarios sostibles para a redución da pegada de carbono (Fase I- entorno Intermodal)", que sae a licitación por 307.519,40 euros, IVE engadido, e un prazo de execución de tres meses. Dos acordos adoptados informou, en rolda de prensa, o alcalde Xosé Sánchez Bugallo.

A Xunta de Goberno Local, reunida hoxe, aprobou o expediente denominado "Servizo de deseño, produción, montaxe e realización do espectáculo pirotécnico das Festas do Apóstolo 2023", cun orzamento base de licitación de 259.994,52 euros IVE engadido. Tamén adxudicou o contrato de "Ampliación da Solución de Protección Avanzada (EDR)" á empresa Telefónica, por un importe de 47.074,45 euros, que contempla un sistema de detección e resposta de ameazas para os 850 equipos de usuario...

22 ecopoemas servirán de soporte para un recital que une o Teatro Principal e o Salón Teatro nun percorrido insólito. Na xornada de mañá tamén se entregarán os catro premios Respira! de poesía para estudantes. O festival Alguén que respira! é unha iniciativa da Concellería de Acción Cultural do Concello de Santiago para apoiar a poesía en todas as súas expresións, que conta coa colaboración da Secretaría Xeral de Política Lingüística da Xunta de Galicia.