COMERCIO
O Concello convoca unha serie de axudas para a reforma de locais de negocio e implantación de TIC no sector comercial
A concelleira de Igualdade, Desenvolvemento Económico e Turismo, Marta Lois, presentou esta mañá as bases da convocatoria de axudas para a reforma de locais de negocio, implantación de tecnoloxías da información e a comunicación e incorporación de innovacións no sector comercial. Destínase un total de 25.000 euros.
POLÍTICAS SOCIAIS
Conclúe no Obradoiro tras 28 etapas a marcha "1.000 Km contra o cancro"
A concelleira de Políticas Sociais, Concha Fernández, recibiu na praza do Obradoiro os participantes na marcha 1.000 Km contra o cancro, encabezada polo corredor Juan Pedro Orellana, que partiu de Xerez o pasado 1 de setembro.
CONSORCIO
Comeza o curso na Escola de Altos Estudos Musicais coa formación de intérpretes noveis procedentes de toda España e Portugal
O luns, 3 de outubro arranca o ano académico na Escola de Altos Estudos Musicais, en Santiago de Compostela. O centro cumpre 17 anos como centro público de ensinanza musical, dirixido a intérpretes novos/as.
TURISMO E ACCIÓN CULTURAL
Focus GalicianTunes descubriralles a nosa música, paisaxe e gastronomía a programadores de 26 festivais internacionais
Os programadores de 26 festivais de música de referencia internacional participarán do 16 ao 19 de outubro no programa Focus GalicianTunes, que se presenta como a antesala ao maior festival de músicas de raíz do mundo, o Womex 2016. Estes profesionais foron seleccionados entre os principais delegados acreditados este ano en Womex (World Music Expo), buscando así repetir o éxito da experiencia desenvolvida en 2014 co gallo da anterior edición deste mercado en Santiago de Compostela.
MEDIO AMBIENTE E CONVIVENCIA
Os Bombeiros de Santiago retiraron 85 niños de avespa asiática no último ano
Entre setembro de 2015 e o pasado día 2, os Bombeiros de Santiago retiraron un total de 85 niños de avespa asiática (Vespa velutina). A maioría das intervencións concentráronse no pasado verán, con 18 no mes de xullo, 19 en agosto, e 38 intervencións no mes de setembro (ata o día 25). A evolución destes datos dá boa mostra da invasión que Galicia está a padecer deste insecto, xa que no mes de setembro de 2015 só foi preciso retirar un niño, fronte aos 38 de setembro deste ano.
EMPREGO E MEDIO AMBIENTE
O Concello continúa o acondicionamento das Brañas de Sar grazas ao obradoiro de emprego Ecotur Xuvenil II
Os concelleiros de Desenvolvemento Económico e de Medio Ambiente, Marta Lois e Xan Duro, visitaron esta mañá os traballos que se están a levar a cabo nas Brañas do Sar grazas ao Obradoiro de Emprego Ecotur Xuvenil II, que se desenvolve dende o 1 de setembro deste ano ata o 28 de febreiro de 2017. Alí, fixeron un percorrido pola zona na que se está a traballar e saudaron aos/ás participantes no programa. O obradoiro de emprego Ecotur Xuvenil II está subvencionado polo Fondo Social Europeo (FSE).
MOCIDADE
Comeza o ciclo Cine Espallado coa participación da actriz Nerea Barros
Mañá mércores bota a andar o ciclo Cine Espallado, unha iniciativa do Colectivo Barriopía financiada polo Concello de Santiago a través do programa piloto dos Orzamentos Participativos 2015, na área de Mocidade.
CONSORCIO
Unha exposición reúne na Casa do Cabido fotografías en 3D da cidade e da Catedral do estereógrafo galego Enrique Criado
Baixo o título Compostela, a Terceira Dimensión, o Consorcio de Santiago promove unha exposición de instantáneas en 3D da cidade de Santiago do estereógrafo coruñés Enrique Criado. A mostra exhíbese na Casa do Cabido, na praza das Praterías, onde se presentou esta mañá. Ao acto asistiron, ademais do autor, o alcalde de Santiago e presidente do Consorcio da Cidade, Martiño Noriega; a xerente do Consorcio, Belén Hernández; xunto co coordinador da exposición, Juan Conde, responsable...
TURISMO
Constituído o Consello Municipal de Turismo, que levaba sen reunirse dende o ano 2010
A concelleira de Igualdade, Desenvolvemento Económico e Turismo, Marta Lois, presidiu esta mañá a sesión de constitución do Consello Municipal de Turismo, que levaba sen reunirse dende xullo de 2010. Ademais queda constituído coincidindo co Día Internacional do Turismo, que este ano se dedica ao turismo accesible.
TURISMO
Turismo de Santiago de Compostela participou na feira JATA de Tokio
Turismo de Santiago-Incolsa participou na JATA Tourism Expo Japan 2016, a mostra de turismo máis importante do país nipón, que se celebrou entre o 23 e o 25 de setembro en Tokio e está organizada pola Asociación Xaponesa de Axencias de Viaxes. Esta feira reúne aos principais profesionais do sector turístico xaponés, turoperadores, axentes de viaxes, xornalistas especializados e tamén publico final.